ဂျွန်နသန်၊ နိရဉ္စရာ၊ စက်တင်ဘာ၁၀/ ၂၀၂၄

ယူကရိန်းက ရုရှားကို ဒရုန်းအစီး (၁၄၀)ကျော်ဖြင့် တိုက်ခိုက်ခဲ့ရာမြို့တော် မော်စကို အနီးတွင် လူ(၁)ဦး သေဆုံးခဲ့ပြီး(၁၂) ဦး ဒဏ်ရာ၇ခဲ့ကြောင်း (၂)ဦးမှာ စိုးရိမ်ရသည့်အခြေအနေတွင် ရှိနေကြောင်း အယ်လ်ဂျာဇီးရားသတင်းဖော်ပြချက်အရ သိ၇သည်။

ရုရှားနိုင်ငံ၏ မြို့တော် မော်စကိုဆီ ဖြတ်ကျော်ဝင်ရောက်လာသည့်ဒရုန်း(၂၀)အပါအဝင်ယူကရိန်းတို့၏ ဒရုန်းအစင်းပေါင်း (၁၄၄)စင်းကို ညတွင်းချင်းပစ်ချနိုင်ခဲ့ကြောင်း ရုရှားအာဏာပိုင်များက ပြောဆိုသည်။

မော်စကိုမြို့အနီးတွင် ပစ်ချခံလိုက်ရသည့်ယူကရိန်းတို့၏ဒရုန်းတစ်စင်းမှအပိုင်းအစ များသည် လူ နေထိုင်ရာအထပ်မြင့်တိုက်ခန်းကို ထိခိုက်မိပြီး မီးလောင်မှုဖြစ်ပွားခဲ့ရာ အမျိုးသမီးတစ်ဦးသေဆုံးခဲ့ရကြောင်း ရုရှားတာဝန်ရှိသူများက ပြောကြားခဲ့သည်။

ရုရှားနိုင်ငံ ကာကွယ်ရေး ဝန်ကြီးဌာနက ၎င်းတို့၏ လေကြောင်းရန်ကာကွယ်ရေး တပ်ဖွဲ့များအနေဖြင့် ရုရှားနိုင်ငံရှိ ဒေသ ကိုးခုတွင် ယူကရိန်းတို့၏ဒရုန်း (၁၄၄)စင်းကို ညတွင်းချင်းပစ်ချနိုင်ခဲ့ပြီး မော်စကို ဒေသတွင် ဒရုန်းအစင်း(၂၀)ကို ပစ်ချနိုင်ခဲ့ကြောင်း ပြောဆို သည်။

မော်စကိုဒေသ အုပ်ချုပ်ရေးမှူး Andrei Vorobyovက စက်တင်ဘာ(၁၀)ရက် တွင် ပစ်ချခံလိုက်သည့် ဒရုန်းအပိုင်း အစများထိမှန်မှုကြောင့် Ramenskoye ခရိုင်ရှိ အထပ်မြင့် တိုက်ခန်းနှစ်ခုထက်မနည်း ပျက်စီးခဲ့၇ကြောင်း ပြောကြားခဲ့သည်။

အဆိုပါတိုက်ခိုက်မှုကြောင့် အထပ်မြင့်တိုက်ခန်း ၏ (၁၁)လွှာနှင့် (၁၂)လွှာတို့ တွင် မီးလောင်မှု ဖြစ်ပွားပြီးနောက် အသက် (၄၆)နှစ်အရွယ် အမျိုးသမီးတစ်ဦးသေဆုံးခဲ့ကြောင်း၊ လူ (၄၃) ဦးကိုလည်း ယာယီခိုလှုံရာနေရာများသို့ရွှေ့ပြောင်းပေးထားရကြောင်း မော်စကိုအုပ်ချုပ်ရေးမှူးVorobyovက ထပ်လောင်း ပြောကြားခဲ့သည်။

ကရင်မလင် အရှေ့တောင်ဘက် ၅၀ ကီလိုမီတာ (၃၁မိုင်)ခန့် အကွာ Ramenskoyeခရိုင်တွင် လူဦးရေ ၂၅၀၀၀၀ ခန့်ရှိကြောင်း သိ၇သည်။

အယ်လ်ဂျာဇီးရားမှ သတင်းထောက်YuliaShapovalova က မော်စကိုမြို့မှ သတင်းပေးပို့ချက်အရအဆိုပါတိုက်ခိုက်ခံ၇မှုအတွင်း လူ (၁၂) ဦး ဒဏ်ရာ၇ခဲ့ပြီး (၂)ဦးမှာ စိုးရိမ်ရသည့်အခြေအနေတွင် ရှိနေသည်ဟုသိ၇သည်။

မော်စကို၏အကြီးဆုံးလေဆိပ်တစ်ခုဖြစ်သည့် Zhukovoလေဆိပ်အနီးနှင့် Domodedovo ခရိုင် ဝန်းကျင်ရှိနေရာများ အပါအဝင် ဒေသအနှံ့ရှိ နေရာအများအပြားသို့ အရေးပေါ်အဖွဲ့များစေလွှတ်ထားကြောင်း မြို့တော်ဝန် Sergei Sobyaninက ပြောကြားခဲ့သည်။

Vnukovo၊ Domodedovo နှင့် Zhukovoလေဆိပ်သုံးခုကို အာဏာပိုင်များက ယာယီ ပိတ်ထားခဲ့ရသည်။မြို့ပြလေကြောင်းအာဏာပိုင် Rosaviatsia က လေယာဉ်ခရီးစဉ် (၄၈)ခုကို အခြားလေဆိပ်များသို့ လမ်းကြောင်းပြောင်းပေး ခဲ့၇သည်ဟု ပြောဆိုခဲ့သည်။

လေကြောင်းတိုက်ခိုက်မှုများက “ယူကရိန်း အစိုးရ” သည် ရုရှား၏ရန်သူဖြစ်ကြောင်း ပြသ ခဲ့ပြီးရုရှားအနေဖြင့် ယူကရိန်းအား ဆက်လက်တိုက်ခိုက်သွားရန် လိုအပ်ကြောင်း ကရင်မလင်၏ပြောရေး ဆိုခွင့်ရှိသူ DmitryPeskov က ပြောကြားခဲ့သည်။

ယူကရိန်းနယ်စပ်နှင့် နီးကပ်နေသည့် Bryansk ဒေသတွင် ဒရုန်း (၇၂)စင်းကို ကြားဖြတ် ဟန့်တားခဲ့တယ်လို့ရုရှားကာကွယ်ရေးဝန်ကြီးဌာနက ပြောဆိုသည်။

Kursk ဒေသ တွင်နောက်ထပ် ဒရုန်း (၁၄)စင်း၊ Tula တွင် (၁၃) စင်းနှင့်အခြားဒေသ (၅) ခုတွင် နောက်ထပ် ဒရုန်း (၂၅)စင်း ကြားဖြတ် ပစ်ချနိုင်ခဲ့ကြောင်းရုရှားကာကွယ်ရေးဝန်ကြီးဌာနက သတင်း ထုတ်ပြန်ခဲ့သည်။

ရုရှားကယူကရိန်းကိုကျူးကျော်မှု စတင်ပြီး နှစ်နှစ်ခွဲကျော်ကြာတွင် ယူကရိန်းသည် ရုရှား၏စွမ်းအင်၊ စစ်ဘက်နှင့် သယ်ယူပို့ဆောင်ရေး အခြေခံအဆောက်အအုံများကိုတိုက်ခိုက်နိုင်ရန် ၎င်း၏ပြည်တွင်းဒရုန်းထုတ်လုပ်သည့်လုပ်ငန်းကို အရှိန်အဟုန်ဖြင့်လုပ်ဆောင်ခဲ့ သည်။

ယူကရိန်းဝန်ကြီးချုပ် Denys Shmyhal က ၎င်း၏နိုင်ငံသည် ယခုနှစ်အတွင်း လက်နက်ထုတ်လုပ်မှုကိုနှစ်ဆတိုးလုပ်ဆောင်နိုင် ခဲ့ကြောင်း စက်တင်ဘာ(၁၀) ကပြောကြားခဲ့သည်။

ယူကရိန်းသည် ယခုနှစ်ကုန်တွင် ဒရုန်းအစင်းရေ တစ်သန်းကျော် တည်ဆောက်ရန်စီစဉ်ထားကြောင်း ၎င်းက ပြောကြားခဲ့သည်။

သို့သော်လည်း ယူကရိန်းသည် ၎င်း၏ မဟာမိတ်များထံမှ အကူအညီနှင့်လက်နက်များ ပိုမို ရရှိရန်လည်း ဆက်လက် စည်းရုံးလျက်ရှိသည်။"စစ်ပွဲရဲ့ အကျိုးသက်ရောက်မှု၊ထိရောက်မှု ဟာထောက်ပံ့ပို့ဆောင်ရေး၊ အရည်အသွေးနဲ့မိတ်ဖက်များရဲ့ ကတိကဝတ်များ၊ အားလုံးပြီးပြည့်စုံတဲ့ အပေါ်မှာတည်မှီနေပါတယ်" ဟု ယူကရိန်းသမ္မတ ဇာလန်စကီး ကပြောကြားခဲ့သည်။Source/Al Jazeera