ဘင်္ဂလာဒေ့ရှ်စစ်တပ်တွင် DGFI ညွှန်ချုပ်အပါ စစ်တပ်အရာရှိကြီးသုံးဦးကို အငြိမ်းစားပေးပြီး တစ်ဦးကို ထုတ်ပယ်

နိရဉ္စရာ၊ စက်တင်ဘာ ၁၂/ ၂၀၂၄

ဘင်္ဂလားဒေ့ရှ် စစ်တပ်မှ ဒုတိယဗိုလ်ချုပ်အဆင့် အပါအဝင် အကြီးတန်း အရာရှိ သုံးဦးကို အင်္ဂါနေ့တွင် အတင်းအကျပ် အငြိမ်းစားယူခိုင်းခဲ့ပြီး တစ်ဦးကို ထုတ်ပယ်ခဲ့သည်ဟု  Dhaka  Tribune တွင် သတင်း ဖော်ပြသည်။ 

ထို့အပြင် Mymensingh Cantonment တွင် တာဝန်ထမ်းဆောင်ခဲ့သည့်  အခြားအရာရှိ ဒုတိယ ဗိုလ်ချုပ်ကြီး Md Mujibur Rahman ကိုလည်း ရာထူးမှ ရပ်စဲလိုက်ပြီဖြစ်သည်။

အတင်း အငြိမ်းစားပေးခံရသူများမှာ ဒုတိယဗိုလ်ချုပ်ကြီး Md Saiful Alam၊ ဒုတိယဗိုလ်ချုပ်ကြီး  Ahammad Tabrez Shams Chowdhury နှင့် ဗိုလ်ချုပ်Hamidul Haque တို့ဖြစ်သည်။

၎င်းတို့အနက် Saiful Alam သည် ညွှန်ချုပ်တပ်ဖွဲ့ထောက်လှမ်းရေး  Directorate General of Forces Intelligence (DGFI) ၏ ညွှန်ကြားရေးမှူးချုပ် ဖြစ်သည်။  ၎င်းသည် ဘိုဂရာတပ်နယ် အမှတ် ၁၁ ခြေလျင်တပ်မတွင် နယ်မြေခံတပ်မှူးအဖြစ် တာဝန်ထမ်းဆောင်ခဲ့သည်။

တပ်မတော်အက်ဥပဒေ ပုဒ်မ-၁၆ အရ အငြိမ်းစားပေးခဲ့ခြင်းဖြစ်သည်ဟု ဖော်ပြသည်။

အမိန့်ထုတ်ပြန်ပြီးကတည်းက အတင်းအကြပ်အငြိမ်းစားယူခြင်းများသည် ၁၅ ရက်အတွင်း အသက်ဝင်မည်ဖြစ်သည်။

ယင်းကိစ္စနှင့်စပ်လျဉ်း၍ ဘင်္ဂလားဒေ့ရှ် ကာကွယ်ရေးဝန်ကြီးဌာနမှ စက်တင်ဘာ ၁၀ ရက်စွဲဖြင့် သီးခြားသတိပေးချက် နှစ်ခုထုတ်ပြန်ခဲ့သည်။ Source/ Dhaka Tribune