နိရဉ္စရာ၊ ဇွန် ၂၂/၂၀၂၅ (နိုင်ငံတကာ)

အမေရိကန်သမ္မတဒေါ်နယ်ထရန့်က အီရန်နိုင်ငံရှိ နျူကလီးယားစက်ရုံနေရာသုံးခုကိုနေရာသုံးခုကို စနေနေ့က တိုက်ခိုက်ခဲ့ပြီးနောက် နိုင်ငံကိုမိန့်ခွန်းပြောကြားခဲ့ပါတယ်။အိမ်ဖြူတော်ကနေသမ္မတထရန့် (Trump)၊ဒုတိယသမ္မတJD Vance၊ ကာကွယ်ရေးဝန်ကြီးPete Hegseth နဲ့နိုင်ငံခြားရေးဝန်ကြီးMarco Rubio  တို့နဲ့အတူ မိန့်ခွန်းပြောကြားခဲ့တာဖြစ်ပါတယ်။  သူပြောကြားတဲ့ မိန့်ခွန်းကို မြန်မာဘာသာသို့ ပြန်ဆိုပြီး တင်ပြပေးလိုက်ပါတယ်။

(မိန့်ခွန်းအပြည့်အစုံ)

“ဒီညမှာတော့ ဒီတိုက်ခိုက်မှုဟာ အံ့မခန်း စစ်ရေးအောင်မြင်မှုတစ်ခုလို့ ကမ္ဘာကို သတင်းစကားပါးနိုင်ခဲ့ပါတယ်။ အီရန်ရဲ့ အဓိကနျူကလီးယား သန့်စင်ရေး စက်ရုံတွေကို လုံးဝ လုံးလုံးလျားလျား ဖျက်ဆီးပစ်လိုက်ပါပြီ”  

“အရှေ့အလယ်ပိုင်းမှာ ဗိုလ်ကျနေနေ အီရန်အနေနဲ့အခု ငြိမ်းချမ်းရေးကို လုပ်ရပါတော့မယ်။ အဲဒီလိုမှ မလုပ်ရင် အနာဂတ်မှာ တိုက်ခိုက်မှုတွေက ပိုကြီးကျယ်ပြီး ပိုလွယ်ကူလာမှာ ဖြစ်ပါတယ်။”

“အီရန်က အမေရိကကို အသေသတ်မယ်၊ အစ္စရေးကို အသေသတ်မယ်လို့ နှစ်ပေါင်းများစွာပြောနေခဲ့ပါတယ်။ သူတို့က ငါတို့လူတွေကို သတ်ဖြတ်နေကြတယ်.။  ငါတို့လူတွေခြေတွေ လက်တွေကို ပြတ်ထွက်ကုန်အောင် လမ်းဘေးမှာ ဗုံးတွေထောင်ကြတယ်။  အဲဒါကသူတို့ရဲ့ အထူး ကျွမ်းကျင်မှုပဲ။ သူတို့ရဲ့ မုန်းတီးမှုရဲ့အကျိုးဆက်ကြောင့် ငါတို့ ငါတို့နိုင်ငံသား တစ်ထောင်ကျော် ဆုံးရှုံးခဲ့ရပြီးအရှေ့အလယ်ပိုင်းနဲ့ ကမ္ဘာတဝှမ်းမှာလူပေါင်း သိန်းနဲ့ချီ သေဆုံးခဲ့ရတယ်။

"အထူးသဖြင့်၊ သူတို့ဗိုလ်ချုပ်Qasem Soleimani က လူတော်တော်များများကို သတ်ပစ်ခဲ့တယ်။ ဒီလိုလုပ်တာမျိုးကိုခွင့်မပြုနိုင်ဘူးလို့ အရင်ကတည်းက ငါဆုံးဖြတ်ခဲ့တယ်။ အခုတော့ ဒါမျိုးကိုသူတို့ဆက်လုပ်မှာ မဟုတ်တော့ပါဘူး။  (အစ္စရေး) ဝန်ကြီးချုပ်Bibi Netanyahu ကို ကျေးဇူးတင် ဂုဏ်ပြုချင် ပါတယ်။ ကျွန်တော်တို့တစ်ဖွဲ့တည်းအတူတကွ အလုပ်လုပ်ခဲ့ကြတယ်။ အရင်ကဘယ်သူကမှ  ဒီလိုမျိုးမလုပ်ဖူးပါဘူး။ အစ္စရေးအတွက် ဒီကြောက်စရာကောင်းတဲ့ ခြိမ်းခြောက်မှုတွေကိုချေဖျက်ပစ်ဖို့ ကျွန်တော်လျှောက်လှမ်းလာတာခရီးအတော်ကြာသွားပြီ။

“သူတို့လုပ်ခဲ့တဲ့အံ့ဖွယ်လုပ်ရပ်တွေအတွက် အစ္စရေးစစ်တပ်ကို ကျေးဇူးတင်ချင်ပါတယ်။အရေးကြီးဆုံးကတော့ ဒီနေ့ညမှာ ကမ္ဘာက ဆယ်စုနှစ်များစွာအတွင်းမမြင်ဖူးသေးတဲ့  ဒီလို စစ်ဆင်ရေးရယ် ခမ်းနားတဲ့ နည်းပညာမြင့် ယာဥ် ယာဥ်တွေကိုမောင်းနှင်ပျံသန်းခဲ့တဲ့ အမေရိကန်မျိုးချစ်တွေရယ်နဲ့ အမေရိကန်တပ်ဖွဲ့ ဝင် တပ်ဖွဲ့ဝင်အားလုံးကို ဂုဏ်ပြုချင်ပါတယ်။

"ဒီလိုစွမ်းရည်မျိုးနဲ့ သူတို့ရဲ့တာဝန်ထမ်းဆောင်မှုတွေကို ကျွန်တော်တို့ လိုအပ်မှာ မဟုတ်တော့ဘူးလို့ မျှော်လင့်မိပါတယ်။ ဒီလိုပါပဲ။ ပူးတွဲစစ်ဦးစီးချုပ်များရဲ့ ဥက္ကဌ ဗိုလ်ချုပ်ကြီးDan "Raizin'" Cain နဲ့ ဒီတိုက်ခိုက်မှုမှာ ပါဝင်ခဲ့တဲ့ ထက်မြက်တဲ့ စစ်ရေးကျွမ်းကျင်သူတွေ အားလုံးကို ဂုဏ်ပြုချင်ပါတယ်။

"ပြောစရာတွေအကုန်ပြောပြီးပါပြီ။ ဒီကိစ္စမျိုးက ဆက်သွားလို့ မဖြစ်နိုင်တော့ပါဘူး။အီရန်အတွက် ငြိမ်းချမ်းမရေး ရချင်ရမယ်၊ ဒါမှ မဟုတ် ပြီးခဲ့တဲ့ ရှစ်ရက်တာမှာကြုံတွေ့ခဲ့ကြရတဲ့ ဖြစ်ရပ်ထက် အများကြီး ပိုဆိုးတဲ့ ကြေကွဲစရာတစ်ခုခု အီရန်အတွက်  ဖြစ်ချင် ဖြစ်မှာပါ။ပစ်မှတ်တွေ အများကြီးကျန်နေသေးတာကို သတိရကြပါ။

ဒီညဟာခုချိန်ထိ ကြုံခဲ့ရသမျှထဲမှာ အခက်ခဲဆုံးဖြစ်ပြီး သေကြေမှုအများဆုံးဖြစ်ကောင်း ဖြစ်နိုင်ပါတယ်။ ဒါပေမယ့် ငြိမ်းချမ်းရေးကမြန်မြန်ဆန်ဆန်မလာဘူးဆိုရင်တော့ တခြားပစ်မှတ်တွေကို တိတိကျကျ၊မြန်မြန်ဆန်ဆန် ကျွမ်းကျွမ်းကျင်ကျင်နဲ့ တိုက်ခိုက်သွားမှာ ဖြစ်ပါတယ်။ပစ်မှတ်အများစုက မိနစ်ပိုင်းအတွင်း ကိစ္စပြတ်သွားမှာပါ။

 “ဒီနေ့ညကကျွန်တော်တို့ လုပ်ခဲ့တာမျိုးတွေကို လုပ်နိုင်လောက်တဲ့ စစ်တပ်ဆိုတာကမ္ဘာမှာ မရှိပါဘူး။ နီးနီးစပ်စပ် လုပ်နိုင်ခဲ့တဲ့ စစ်တပ်ဆိုတာတောင်မရှိဘူး။ မကြာသေးခင်က ဖြစ်သွားတာမျိုး စွမ်းဆောင်နိုင်တဲ့ စစ်တပ်မျိုးအရင်က တစ်ကြိမ်တစ်ခါမှ မပေါ်ပေါက်ခဲ့ဖူးပါဘူး။

"ဗိုလ်ချုပ်ကြီးGen. Caine နဲ့ ကာကွယ်ရေးဝန်ကြီး Pete Hegseth ကမနက်ဖြန် မနက် ၈ နာရီမှာ ပင်တဂွန်စစ်ဌာနချုပ်မှာသတင်းစာရှင်းလင်းပွဲလုပ်ပါမယ်။ ပြီးတော့ အားလုံးကိုလည်း ကျေးဇူးတင်၊အထူးသဖြင့် ဘုရားသခင်ကို ကျေးဇူးတင်ချင်ပါတယ်။

 "ကျွန်တော်ပြောချင်တာက၊ကျွန်တော်တို့ ဘုရားသခင်ကိုချစ်တယ်၊ ကျွန်တော်တို့ရဲ့ စစ်တပ်ကြီးကိုချစ်တယ်။ သူတို့ကို စောင့်ရှောက်အကာအကွယ်ပေးပါ။ အရှေ့အလယ်ပိုင်းဒေသကိုဘုရားသခင်ကောင်းချီးပေးပါစေ။ အစ္စရေးတွေကို ဘုရားသခင်ကောင်းချီးပေးပြီးအမေရိကကို ဘုရားသခင်ကောင်းချီးပေးပါစေ။ ကျေးဇူးအများကြီးတင်ပါတယ်။ကျေးဇူးတင်ပါတယ်။"

(ပြီး)