စစ်အာဏာရှင်စနစ်ကို မလိုလားတဲ့အတွက် စစ်အာဏာရှင်ကို အင်အားဖြစ်တဲ့စစ်တပ်ကို တစ်ပြည်လုံးရဲ့ ဘယ်နေရာမှ နယ်မြေစိုးမိုးဖို့ ခွင့်ပြုမှာမဟုတ်ဘူးလို့ ကရင်အမျိုးသားအစည်းအရုံး KNU ရဲ့ ပြောခွင့်၇သူ ပဒိုစောကလယ်ဆေးက ပြောလိုက်ပါတယ်။

ကရင်နီ (ကယား) ပြည်နယ်ထဲက နယ်ခြားစောင့်တပ် BGF တပ်ဟာ (ကလလတ) ဆိုပြီး ဘက်ပြောင်း ကာ စစ်ကောင်စီကိုတော်လှန်နေပြီဖြစ်လို့ တိုင်းရင်းသားဒေသတွေမှာ စစ်ကောင်စီတပ်တွေ အင်အားချိနဲ့ လာတာနဲ့အမျှ သူ့ရဲ့လက်အောက်ခံအဖွဲ့အစည်းမှန်သမျှဟာ တော်လှန်ရေး ဘက် ပြောင်းလာမယ်ဆို တာ ယုံကြည်ထားတယ်လို့လည်း ပဒိုစောကလယ်ဆေးက ပြောပါတယ်။

စစ်အာဏာရှင်စနစ်ကို တော်လှန်နေတာ ၂ နှစ်ကျော်ကြာလာချိန် အခြေအနေတွေနဲ့ပတ်သက်လို့ KNU ပြောခွင့်၇သူ ပဒိုစောကလယ်ဆေးကို နိရဉ္စရာ က ဆက်သွယ်မေးမြန်းပြီး တင်ပြပေးလိုက်ပါတယ်။

မေး- စစ်တပ်အာဏာသိမ်းပြီးနောက်ပိုင်း စစ်အာဏာရှင်စနစ်ကို တိုင်းရင်းသားလက်နက်ကိုင် တပ်ဖွဲ့ တွေနဲ့ PDF တပ်ဖွဲ့တွေက တော်လှန်နေတာ ၂ နှစ်ကျော်ရှိနေပါပြီ။ KNU ထိန်းချုပ် နယ်မြေထဲ မှာလည်း တိုက်ပွဲတွေ ဖြစ်နေတယ်။ ခုလို ၂၀၂၃ ခုနှစ်အတွင်း စစ်ရေးအရှိန်မြှင့်မယ်လို့တော်လှန်ရေးတပ်ဖွဲ့တွေက ရည်မှန်းထားကြပါတယ်။ လက်ရှိစစ်ရေးအခြေအနေနဲ့ပတ်သက်ပြီး ဘယ်လိုအနေအထားရှိနေသလဲဆိုတာပဒိုရဲ့ အမြင်လေး နည်းနည်းသိပါ၇စေ။

ဖြေ-ဟုတ်ကဲ့ အခုဆိုရင်လေ တိုက်ပွဲက ၂ နှစ်ကျော်ခဲ့ပြီဆိုတော့ လက်ရှိမှာ စကစ ဖက်ကထွက်ပြေးတာ တွေ၊ နောက်ပိုင်းတိုက်ပွဲအနည်းငယ်ဖြစ်ပွားတာနဲ့ လက်နက်ချတာတွေ တော်တော်များများကို တွေ့နေ၇ တယ်ခင်ဗျ။

မေး- စစ်ရေးအရှိန်မြှင့်လာတာနဲ့အမျှ နယ်မြေစိုးမိုးမှုအတွက်တော်လှန်ရေးတပ်ဖွဲ့တွေက ပိုမို လုပ်ဆောင် လာတာတွေ့၇ပါတယ်။ အောက်မြန်မာပြည်ဖက်ကို စစ်ရေးအ၇ နယ်မြေစိုးမိုးလာနိုင်မယ့်အခြေအလာရှိနေပါပြီလားဗျ။

ဖြေ-ကျွန်တော်တို့က စစ်အာဏာရှင်ကိုမလိုလားဘူးဆိုတော့ စစ်အာဏာရှင်ကို အင်အားဖြစ်စေတဲ့ စစ်တပ်ကို နယ်မြေစိုးမိုးနိုင်ခွင့် လုံး၀ကိုသဘောထားမရှိပါဘူး၊ အဲဒါကြောင့် ဘယ်အဖွဲ့အစည်းမဆို အခွင့်အရေး၇တာနဲ့ ဘယ်တော်လှန်ရေးအဖွဲ့မဆို နယ်မြေစိုးမိုးမှုအတွက် ကြိုးစားအားထုတ်နေကြ တာပဲ ဖြစ်ပါတယ်။

မေး- ကရင်နီပြည်နယ်မှာ ကလလတ လို နယ်ခြားစောင့်တပ်ဖွဲ့တွေကတော်လှန်ရေးဘက်ပြောင်းပြီး စစ်ကောင်စီကို တော်လှန်နေကြပါပြီ။ ကရင်ပြည်နယ်ထဲက နယ်ခြားစောင့်တပ်တွေလို တခြားလက်နက် ကိုင်တပ်တွေအနေနဲ့ ခုလို တော်လှန်ရေးဖက်ကို ဘက်ပြောင်းလာဖို့ဆိုရင်ဘယ်အချက်တွေက အဓိက ဖြစ်မလဲ။

ဖြေ-ကရင်ပြည်နယ် နယ်ခြားစောင့်တပ်တို့ရဲ့အခြေအနေကို ကျွန်တော်တို့ပြော၇တာခက်ပါတယ်။ ပြော နိုင်တာကတော့ စစ်ကောင်စီဖက်က အင်အားအရမ်းကိုချိနဲ့လာပြီဆိုတာနဲ့ တော်လှန်ရေးအင်အားစုဖက် ကို ဘက်ပြောင်းလာဖို့၇ခိုင်နှုန်းများပါလိမ့်မယ်။

မေး- KNU ထိန်းချုပ်နယ်မြေထဲ တိုက်ပွဲတွေကြောင့် စစ်ဘေးဒုက္ခသည် ၃ သိန်းကျော်ရှိနေပြီလို့ သိထား၇ ပါတယ်။ စစ်ရေးအရှိန်မြှင့်ဖို့ရည်ရွယ်ထားတဲ့အတွက် နောက်ထပ်စစ်ဘေးဒုက္ခသည်တွေပိုများလာနိုင် မယ်ဆိုတော့ အဲဒီအရေးကိုရော ဘယ်လိုများစီမံထားပါလဲဗျ။

ဖြေ- အရေးကြီးဆုံးအချက်ကတော့ ကျွန်တော်တို့နိုင်ငံမှာ စစ်အာဏာရှင်ပပျောက်ဖို့ဖြစ်ပါတယ်။ စစ်အာ ဏာရှင်ကို လက်နက်နဲ့တိုက်လို့ လူထုတွေကတော့ အရမ်းကို ဒုက္ခရောက်တယ်ဆိုတာ ဖော်ပြထားပြီး ဖြစ်ပါတယ်။ အဲဒါကြောင့် လူထုရဲ့ဒုက္ခတွေဘယ်လိုဖြေရှင်းမလဲဆိုတာတွေ နိုင်ငံတကာနဲ့အများကြီး စကားပြောပြီးတော့ ဆွေးနွေးမှုတွေ တောင်းဆိုမှုတွေ လုပ်ခဲ့ပါတယ်။  တတ်နိုင်သလောက် ကာကွယ်မှု တွေ လူထုဒုက္ခတွေနည်းအောင် ရှေ့တန်းတပ်တွေက အမြဲတန်း ဆောင်ရွက်နေပါတယ်။

မေး- ပြီးခဲ့တဲ့ရက်ပိုင်းက ကျုံအိပ်တံတားကို KNU နဲ့ မဟာမိတ်ပူးပေါင်းတပ်တွေကမိုင်းထောင်ဖောက်ခွဲ လိုက်ရာမှာ စစ်ကောင်စီတပ်တွေရဲ့ လက်နက်ရိက္ခါတွေ သယ်လို့မ၇အောင်ဆိုပြီး အကြောင်းပြတာ တွေ့ ၇ပါတယ်။ ဒီတံတားက ကုန်သွယ်ရေးအချက်အချာကျတဲ့နေရာဖြစ်တော့ ပြည်သူတွေအတွက် ထိခိုက် နစ်နာမှုတွေ ရှိတယ်လို့ ဝေဖန်ထောက်ပြကြပါတယ်။ ဒီနည်းလမ်းကပဲ စစ်ကောင်စီတပ်ကို အခက်တွေ့ စေနိုင်တာလား၊ တခြားနည်းလမ်းတွေရော မရှိတော့ဘူးလားဗျ။

ဖြေ-ဒီတံတားကိစ္စနဲ့ပတ်သက်ပြီးတော့ အချက်အချာကျမကျဆိုတာက လက်ရှိ စကစ တပ်တွေက သူတို့ ရဲ့ ရှေ့တန်းတပ်တွေကို ထောက်ပံ့မှုတွေလုပ်မယ်ဆိုရင် အထူးသဖြင့် လက်နက်ခဲယမ်းတွေ ပို့မယ်ဆိုရင် တစ်ခုက သူတို့လေကြောင်းနဲ့ပို့လို့၇မယ်။  ၂ က ရထားနဲ့ပို့လို့၇မယ်။  ၃ က ရေကြောင်းနဲ့ ပို့လို့၇မယ်။  ၄ က ကုန်းကြောင်းနဲ့ အဓိကပို့ကြတာပေါ့။  သူတို့အတွက် အလွယ်ကူဆုံးနဲ့ လူထုကြားရောပြီးတော့ ကုန်းလမ်း ကပို့တာ တော်တော်လေးကိုအဓိကကျတယ်။ အဲဒီကပို့တဲ့ပစ္စည်းတွေက ပြည်သူလူထုကို အဓိကအခက် အခဲပေးတာ ဒီလမ်းကြောင်းကပဲဖြစ်တယ်။ ရေလမ်း၊ မီး၇ထားတို့ လေကြောင်းတို့ဆိုတာ သူတို့အတွက် တော်တော်လေးခက်ခဲပါတယ်။ လေယာဉ်ကွင်းကနေရာတိုင်းမှာမရှိလို့ သူတို့အတွက် ခက်ခဲတယ်။  ရေ ကြောင်းဆိုရင်လည်း သင်္ဘောကြီးတွေသွားလာနိုင်တဲ့ မြစ်တွေလည်းမရှိဘူး ဆိုတော့ အဓိကကားလမ်း ကပဲ ပို့ဆောင်၇တယ်။  အဲဒါကြောင့် ကျွန်တော်တို့ ဒါကိုထည့်သွင်းစဉ်းစား၇မှာဖြစ်တယ်။ မီး၇ထားလမ်း က လမ်းတစ်ကြောင်းပဲရှိတယ်။ သူတို့အတွက်ပို့ဖို့ကခက်ခဲတယ်။ ဒါကြောင့်ကားလမ်းက သူတို့အတွက် တကယ့်ကိုအရေးပါတာဖြစ်ပါတယ်။

မေး- ဟုတ်ကဲ့ ပဒိုစောကလယ်ဆေး ခုလိုဖြေကြားပေးတာ အများကြီးကျေးဇူးတင်ပါတယ်ဗျ။