(စစ်ကောင်စီဘက်က အကျအဆုံးများနေ)

ချင်းပြည်နယ် ဟားခါးနဲ့ ထန်တလန်မြို့အကြား သီတာစခန်းအနီး စစ်ကောင်စီနဲ့ ချင်းအမျိုးသားတပ်ဦး CNF/CAN ၊ ချင်းပြည်သူ့ကာကွယ်ရေးတပ်ဖွဲ့ CDF တို့ပူးပေါင်းထားတဲ့ တော်လှန်ရေး လက်နက်ကိုင် တပ်ဖွဲ့တွေဟာ ဇူလိုင်လ ၃ ရက်နေ့ကတည်းက တိုက်ပွဲတွေပြင်းထန်နေတာ ၇ ရက် ကြာ ရှိနေပါပြီ။

စစ်ကောင်စီတပ်ဟာ ထန်တလန်မြို့နဲ့ ချင်းပြည်နယ်ထဲမှာ နယ်မြေစိုးမိုးနိုင်ဖို့ နေ့စဉ် လေကြောင်းကနေ တိုက်ခိုက်တာ၊ မြေပြင်ကနေလည်း လက်နက်ကြီးပစ်ကူတွေနဲ့အတူ အင်အားအလုံးအရင်းနဲ့ တိုက်ခိုက် နေပေမယ့် သီတာစခန်း အနီးမှာတင်ပဲ ရှေ့ဆက်မတိုးနိုင်တဲ့ အနေအထားမှာရှိတယ်လို့ CNF ပြောခွင့်၇ သူ ဆလိုင်းထက်နီ က ပြောပါတယ်။

ဒီတိုက်ပွဲတွေရဲ့ နောက်ဆုံး အခြေအနေနဲ့ ပတ်သက်ပြီး ချင်းအမျိုးသားတပ်ဦး (CNF) ပြောခွင့်၇သူ ဆလိုင်းထက်နီကို နိရဉ္စရာသတင်းဌာနက ဆက်သွယ်မေးမြန်းထားပါတယ်။

မေး-ဆရာ ဆလိုင်းထက်နီခင်ဗျ။ ဟားခါးနဲ့ထန်တလန်ကြား သီတာစခန်းတိုက်ပွဲရဲ့ နောက်ဆုံးအခြေ အနေ ဘယ်လိုများရှိနေပါလဲဗျ။

ဖြေ-အခုလ ၃ ရက်နေ့ကနေ တိုက်ပွဲဖြစ်လာပြန်တာပေါ့။ နေ့စဉ်နဲ့အမျှ လေကြောင်းတိုက်ခိုက်မှုတွေ တော့ ရှိတယ်။  ၇ ရက် ၈ ရက်နေ့က တိုက်ပွဲက ပိုပြီးတော့ပြင်းထန်တယ်။ ၈ ရက်နေ့ဆို ၆ ဦး သူတို့ဖက် က ကျဆုံးအလောင်းတွေ့၇တယ်။ လက်နက်နဲ့ကျည်ဆန်တချို့ သိမ်းဆည်း၇မိတာတွေရှိတယ်။ ခုထက် ထိ သူတို့ဖက်က ၆ ဦးအပါအဝင် ၂၀ ကျော်လောက်တော့ ကျဆုံးတာရှိတယ်။ ၃ ရက်နေ့ကနေ ၈ ရက်နေ့ အထိပေါ့။ ၃၀ ကျော်လောက်က ထိခိုက်ဒဏ်ရာတွေ၇လို့ ဆေးရုံတွေပေါ်ရောက်သွားပြီ။ ကျွန်တော်တို့ ဖက်က ၆ ဦးလောက် ထိခိုက်ဒဏ်ရာ၇ပါတယ်။ ခုလောလောဆယ်မှာ သူတို့ဖက်က ရှေ့ဆက်ပြီး မတိုးနိုင် တဲ့အခြေအနေမှာရှိတယ်။

မေး-ဒေသခံတွေရဲ့ အခြေအနေကရော ဘယ်လိုရှိပါလဲဗျ။

ဖြေ-သီတာစခန်းဆိုတာက ၁၀ အိမ်လောက်ပဲရှိတာပါ၊ အခုတိုက်ပွဲမဖြစ်ခင်ကတည်းက အရင်လက တိုက်ပွဲအကြီးအကျယ်ဖြစ်တယ်။ လေကြောင်းကနေတိုက်ခိုက်လို့ အိမ်တွေပျက်စီးကုန်လို့ အဲဒီကတည်း က ပြည်သူတွေကမနေတော့ဘူး။

မေး-စစ်ကောင်စီတပ်ဖက်က ခုလိုလေကြောင်းကရော၊ မြေပြင်ကနေပါ အင်အားအလုံးအရင်းနဲ့ ထိုးစစ် ဆင်နေတာဟာ ဘယ်လိုရည်ရွယ်ချက်မျိုးကြောင့်ဖြစ်မလဲ၊ ဆရာတို့ ဘယ်လိုသိထားပါလဲဗျ။

ဖြေ-အဓိကတော့ ထန်တလန်မှာသူတို့အထိုင်စခန်းတစ်ခုရှိသေးတယ်။ သူတို့ဖက်က တပ်အင်အားဖြည့် တင်းပြီး ထန်တလန်မြို့နဲ့ ဒေသတစ်ခုလုံးကို ပြန်လည်စိုးမိုးဖို့၊ ဒေသကာကွယ်ရေးတပ်ဖွဲ့တွေကို ချေမှုန်း ဖို့ သူတို့ရဲ့စစ်ရေးဦးတည်ချက်ဖြစ်ပါတယ်။ မနှစ်ကအဲဒီဒေသမှာ တစ်လကျော်ကြာတိုက်ပွဲဖြစ်တယ်။ အခု လည်း ထန်တလန်ကို ဦးတည်တယ်လို့ ကောက်ချက်ချပါတယ်။ဟုတ်ကဲ့။

မေး-စစ်ကောင်စီတပ်က ရှေ့မတိုးနိုင်သေးတဲ့အခြေအနေဆိုတော့ နောက်နေ့တွေမှာရော စစ်ရေးအ၇ ဘယ်လိုထပ်ဖြစ်လာနိုင်ဦးမလဲဗျ။

ဖြေ- သူတို့က မြေပြင်မှာ အင်အားကသိပ်မဟုတ်တော့ လေကြောင်းတိုက်ခိုက်မှုတလျှောက်လုံးလုပ်လာ ခဲ့တာ။ လက်နက်ကြီးနဲ့ရောပစ်ကူပေးရင်း ဖြည်းဖြည်းချင်းရှေ့ကိုတက်လာတာပေါ့။ ဒါပေမယ့် သူတို့က ရှေ့ကိုမတိုးနိုင်တဲ့အနေအထားမှာရှိတယ်။ ထန်တလန်မြို့ကိုစိုးမိုးဖို့လုပ်မယ်ဆိုရင်တော့ ရှေ့ဆက်တိုး လာမယ့်အနေအထားမှာရှိတယ်။ သူတို့အင်အားတိုက်ခိုက်မှုအပေါ်မှာပဲ မူတည်တာပေါ့နော်။

မေး-ချင်းပြည်နယ်ထဲက တခြားနေရာတွေမှာရော တိုက်ပွဲတွေထပ်ရှိရင်ပြောပြပေးပါဦးဗျ။

ဖြေ-ဇူလိုင် ၃ ရက်နေ့ကပဲ ပလက်၀ မြို့နဲ့ ရှင်းလက်၀ စခန်းပေါ့ စစ်ကောင်စီတွေနဲ့ ရဲတွေနေတဲ့စခန်းကို ချင်းအမျိုးသားတပ်မတော်က တိုက်တဲ့နေရာမှာ ရဲ ၄ ဦးကျတယ်၊ ၃ ဦးက ဒဏ်ရာ၇တယ်၊ မတူပီမြိုနဲ့ အိန္ဒိယ-မြန်မာနယ်စပ်က လိုင်လင်းပီ စစ်ကောင်စီစခန်းမှာ တိုက်ပွဲဖြစ်တယ်။ စစ်ကောင်စီဖက်က ၄ ယောက်ကျတယ်။  ၄၊ ၅ ယောက် ဒဏ်ရာ၇တယ်။

မေး-ချင်းပြည်နယ်ထဲမှာ ပြည်သူ့စစ်တပ်တို့၊ နယ်ခြားစောင့်တပ်တို့ရော ရှိလားဗျ။

ဖြေ-ပြည်သူ့စစ်ပုံစံမျိုး ချင်းပြည်နယ်မှာတော့မရှိဘူး၊ ဒါပေမယ့်ZRO/ZIA ဆိုတဲ့ ချင်းလက်နက်ကိုင်တပ်ဖွဲ့တော့ရှိတယ်။ စစ်ကောင်စီတွေနဲ့ ပိုပြီးတော့ရင်းနှီးတဲ့ဆက်ဆံမှုရှိတယ်။ ဒါပေမယ့် သူတို့က ကျွန်တော် တို့ကို ပေါ်တင်တိုက်ခိုက်တာမျိုးတော့ မရှိဘူး။

မေး-ချင်းပြည်နယ်ထဲကတိုက်ပွဲတွေနဲ့ပတ်သက်ပြီး ဖြည့်စွက်ပြောစရာများရှိရင်ပြောပြပေးပါဦးဗျ။

ဖြေ-သူတို့က မိုးတွင်းစစ်ဆင်ရေးဆိုပြီးတော့မှ ချင်းတောင်ရယ်၊ ကရင်နီပြည်နယ်ရယ်၊ ပြီးတော့ ကချင် ရယ်၊ စစ်ကိုင်းတိုင်းပေါ့ သူတို့အကြီးအကျယ်လုပ်မယ်လို့ ကြားသိ၇တယ်။ သူတို့ဖက်က အင်အားတွေထပ်တိုးချဲ့လို့၇ှိရင် တိုက်ပွဲတွေထပ်ပြီးတော့ ဖြစ်လာမယ်။ တစ်ပြည်လုံးအတိုင်းအတာနဲ့ ပြောရမယ်ဆိုရင် စစ်မျက်နှာအများ ကြီးဖွင့်ထားရင် တပ်တွေဖြန့်ကျဲထားရင် သူတို့ထင်သလိုတော့ မ၇နိုင်ဘူး။ ကျွန်တော်တို့ဖက်ကလည်း အကောင်းဆုံးဖြစ်အောင် ပြင်ဆင်မှုအားကောင်းကောင်းလုပ်ထားတယ်။ သိပ်ပြီးတော့ စိုးရိမ်စရာမရှိပါ ဘူး။  တိုက်ပွဲတွေဖြစ်နေချိန် ပြည်သူတွေကတော့ အသွားအလာတွေဆင်ခြင်ကြဖို့ မေတ္တာရပ်ခံထားချင်ပါတယ်။

မေး-ဆရာဆလိုင်းထက်နီရေ ခုလိုဖြေကြားပေးတာ ကျေးဇူးတင်ပါတယ်။

ဖြေ-ဟုတ်ကဲ့ ကျေးဇူးတင်တယ်။  

ဓာတ်ပုံ-  Network Media Group