မြေပုံမြို့နယ် ပြည်သူ့လွှတ်တော်ကိုယ်စားလှယ်ဟောင်း၊ ရခိုင်နိုင်ငံရေးလေ့လာသုံးသပ်သူ ဦးဖေသန်းနဲ့ ဆက်သွယ်မေးမြန်းချက် …..

မြေပုံမြို့နယ် ပြည်သူ့လွှတ်တော်ကိုယ်စားလှယ်ဟောင်း၊ ရခိုင်နိုင်ငံရေးလေ့လာသုံးသပ်သူ ဦးဖေသန်းနဲ့ဆက်သွယ်မေးမြန်းချက် …..

နိရဉ္စရာ (အင်တာဗျူး) စက်တင်ဘာ ၇ ရက်၊ ၂၀၂၃

မြန်မာဘင်္ဂလားဒေ့ရှ်နယ်စပ်ဖြစ်တဲ့ ၇ခိုင်ပြည်နယ်၊ ဘူးသီးတောင်နဲ့ မောင်တောမြို့နယ်တွေမှာ အခုနောက်ပိုင်း ARSA အဖွဲ့ရဲ့

လှုပ်ရှားမှုတွေ ခပ်စိပ်စိပ်ရှိလာသလို စစ်ကောင်စီတပ်က အာဆာအဖွဲ့ ကိုလက်နက်တပ်ဆင်ပေးပြီး စစ်ရေးသင်တန်းပေးနေတယ်လို့ ဒေသခံတွေနဲ့ စစ်ရေးလေ့လာသူအချို့က ဆိုပါတယ်။

ဒါ့အပြင် ARSA အဖွဲ့ရဲ့ အကြမ်းဖက်လုပ်ရပ်တချို့ကြောင့် လူမျိုးနှစ်ခုအကြား မသင့်မမြတ်ဖြစ်လာမှာကို ဒေသခံတွေက စိုးရိမ်မှုတွေ ရှိနေကြပါတယ်။

ဒီလို ပြဿနာတွေမဖြစ်လာစေဖို့ ၇ခိုင်တစ်မျိုးသားလုံးက သတိထားစောင့်ကြည့်၇မှာဖြစ်သလို မွတ်ဆလင်တွေ အနေနဲ့လည်း ၇ခိုင်သားတွေနဲ့ တန်းတူယှဥ်တွဲနေထိုင်ပြီး ပြဿနာတွေထဲ ဝင်မပါမိစေဖို့ လိုအပ်တယ်လို့ မြေပုံမြို့နယ် ပြည်သူ့လွှတ်တော် ကိုယ်စားလှယ်ဟောင်း၊ ရခိုင်နိုင်ငံရေးလေ့လာသုံးသပ်သူ ဦးဖေသန်းကဆိုပါတယ်။

နိ၇ဉ္စရာသတင်းဌာနက အမျိုးသမီးအကြီးတန်း သတင်းထောက်တစ်ဦးက ဆက်သွယ်မေးမြန်းထားပါတယ်။

မေး- အခုနောက်ပိုင်း ဘူးသီးတောင်၊ မောင်တောမြို့နယ်တွေမှာ အာဆာတွေ လှုပ်ရှားမှုများနေသလို ဘင်္ဂလားဒေ့ရှ်ဘက် ကနေလည်း သူတို့နဲ့ ဆက်စပ်သူတွေ အဝင်အထွက်များတယ်လို့ သိ၇တယ်ပေါ့လေ။ တစ်ဖက်နိုင်ငံက ဝင်လာသူတွေကို နယ်စပ်မှာ ပိုက်ဆံယူပြီးသွင်းနေတာတွေလည်း ရှိနေတယ်ဆိုပြီး သတင်းတွေ ထွက်နေတာတွေရှိတယ်။ ဒီကိစ္စတွေမှာလည်း စစ်တပ်က ပါဝင် ပတ်သက်နေတယ်လို့ ဝေဖန် သုံးသပ်မှုတွေ ရှိကြပါတယ်။ ဒီအခြေအနေတွေအပေါ် ဆရာ့အနေနဲ့ ဘယ်လို သိထားပါလဲ။ ဘယ်လိုသုံးသပ်ပါလဲ။
ဖြေ-ကျနော်တို့နဲ့တော့ အလှမ်းဝေးပါတယ်။ ဒါပေမယ့် သတင်းတွေအ၇တော့ အဝင်အထွက် တွေများတယ်။ နောက်ပြီး အာဆာအဖွဲ့တွေက လူတွေကို ဖမ်းဆီးတာ၊ သတ်ဖြတ်တာတွေကိုတော့ ကြား၇ပါတယ်။ တချို့ကလည်း အာဆာအဖွဲ့ကို စစ်ကောင်စီက သေနတ်တွေ ထုတ်ပေးထားတယ်။ ULA/AA ကိုတိုက်ဖို့အတွက် အားပေးအားမြှောက်လုပ်နေတယ်ဆိုတဲ့ သတင်းတွေလည်း ကြားပါတယ်။ ဒါပေမယ့် အဲ့ဒီသတင်းတွေဟာ ဘယ်လောက်ထိ အခြေအမြစ်ရှိတယ် ဆိုတာကိုတော့ ဒီနေ့ထိ တိတိကျကျ ထွက်မလာသေးဘူး။ သေချာတဲ့ သတင်းရင်းမြစ်မရှိသေးဘူးလို့ ကျနော်ကတော့ ယူဆတယ်။ ဒါကြောင့်ပြောဖို့တော့ခက်တယ်။ ဒါပေမယ့် ဒီကိစ္စတွေက နယ်စပ်ဒေသလည်းဖြစ်တယ်။ နောက်ပြီး (မွတ်ဆလင်)ပြဿနာတွေ၊ ကမ္ဘာနဲ့ ပတ်သက်တဲ့ ပြဿနာတွေပေါ့။ ဒီလို Issue (ကိစ္စ) တွေနဲ့လည်း ပတ်သက်နေတယ်။ နောက်ပြီး ကိုယ့်၇ခိုင်ပြည်နယ်စပ်မှာ ဖြစ်ပေါ်နေတဲ့ ရှုပ်ထွေးမှုတွေဆိုတော့ ဒါတွေက ဘယ်လောက်ထိ သေချာလဲ။ ဘယ်လောက်ထိမှန်ကန်လဲ သတိထား စောင့်ကြည့်ဖို့တော့ လိုတယ်လို့ပြောချင်ပါတယ်။

မေး-ပြည်သူလူထုကြား လူမျိုး၊ ဘာသာရေးပြဿနာတွေ ပြန်ဖြစ်မလားဆိုတဲ့ စိုးရိမ်မှုတွေလည်း တွေ့နေ၇တော့ ဒီလိုပဋိပက္ခတွေအထိ ဦးတည် သွားနိုင်တယ်လို့ရော ဆရာမြင်ပါလား။
ဖြေ-စစ်ကောင်စီကတော့ သူတို့အခက်အခဲအကျပ်အတည်း ဖြစ်လာရင် ဘာကိုမလုပ်၊ ဘာကိုလုပ်မယ် ဆိုတာမျိုးတော့ ကျနော်တို့ တို့ ပြောလို့မ၇ဘူး။ သူတို့ အခက်အခဲ အကျပ်အတည်းပေါ် မူတည်လို့ သူတို့ကတော့ လုပ်ချင်လည်း လုပ်မယ်။ ဒါပေမယ့် စစ်ကောင်စီ အနေနဲ့ အာဆာကို အကြမ်းဖက် အဖွဲ့အစည်းလို့ သတ်မှတ်ထားတဲ့ကိစ္စလည်းရှိပါတယ်။ အဲ့ဒီအကြမ်းဖက်အဖွဲ့အစည်းကို သွားထောက်ပံ့ရင်တော့ သူတို့ကိုယ်တိုင်က အကြမ်းဖက် အဖွဲ့အစည်း ဖြစ်သွားမယ်။ ဒါကြောင့် အဲ့ဒီနည်းလမ်းကို မတတ်သာမှ သုံးမယ်လို့ ယူဆတယ်။ အာဆာကို လက်နက်ထုတ်ပေးပြီး ULA/AAကို တိုက်မယ့်ပုံစံမျိုးပေါ့။ နောက်တစ်ခုက အာဆာအဖွဲ့ အနေနဲ့လည်း ULA/AA ကို စစ်ရေး အ၇ ယှဉ်ပြိုင်နိုင်တဲ့ အဖွဲ့တော့ မဟုတ်ဘူး။ အဲ့လောက်လည်းအင်အားမရှိဘူး။ ရာဂဏန်း လောက်ပဲ ရှိမယ်။ အေအေသိမ်းဆည်းထားတဲ့ တပ်စခန်းတွေကို ဝင်ရောက်တပ်စွဲနေတဲ့ အာဆာအဖွဲ့ကို အေအေက ဝင်တိုက်လို့ အကျအဆုံး ထိခိုက်မှုများခဲ့တာတွေလည်း ရှိခဲ့တယ်။ ULA/AA ကလည်း နယ်စပ်တစ်လျှောက်အခိုင်အမာ တပ်စွဲထားတော့ အဲ့လောက် လက်ရဲဇက်ရဲ ၇ခိုင်ပြည်ကို ဒုက္ခ ပေးနိုင်မယ်လို့မထင်ဘူး။ တစ်ခု ရှိတာပေါ့။ နယ်စပ်မှာအဝင်အထွက်ဆိုတာကတော့ ရှိတယ်။ ဒီဘက်က မွတ်ဆလင်တွေနဲ့ အဲ့ဒီဘက်က မွတ်ဆလင်တွေကလည်း အားလုံးရော ထွေးယှက်တင် ဖြစ်နေတယ်။ ဆွေမျိုးသားချင်းလည်းဖြစ်နေတယ်။ ဒီဘက်က မွတ်ဆလင်တွေလည်း အဲ့ဒီဘက်ကို ရောက်နေတော့ အဝင်အထွက်တွေတော့ ရှိလောက်ပါတယ်။ စစ်ကောင်စီက ဖြစ်ဖြစ်၊ NUG က ဖြစ်ဖြစ် ဒီကိစ္စတွေကို နိုင်ငံရေးအ၇ အမြတ်ထုတ်ချင်တာတွေရှိတယ်။ မွတ်ဆလင်တွေကို လက်ခံဖို့၊ ရိုဟင်ဂျာနာမည်ပေးဖို့၊ သူတို့တွေကို နိုင်ငံသား အသိအမှတ်ပြုဖို့ဆိုတဲ့ ရှုထောင့်ဘက်က NUG က ပြောနေတာတွေလည်း ရှိတယ်။ ဒါကြောင့် ဒါတွေဟာ ၇ခိုင်ပြည် ၇ခိုင်လူမျိုးနဲ့လည်း တိုက်ရိုက်သက်ဆိုင်နေတဲ့ ကိစ္စဖြစ်တယ်။ ကျနော်တို့ဟာ ကြီးကျယ်တဲ့ ပြဿနာတွေကိုလည်းရင်ဆိုင်ပြီးသွားပြီ။ ကျနော်တို့က ဒါတွေကို မကိုင်တွယ်ရင် အခက်အခဲ ကြုံလာနိုင်တဲ့အခြေအနေလည်း ရှိပါတယ်။ ၇ခိုင်တစ်မျိုးသားလုံးက ဒီကိစ္စကို သတိထားစောင့် ကြည့်၇မှာဖြစ်တယ်။မွတ်ဆလင်တွေ အနေနဲ့လည်း ကိုယ့်၇ခိုင်ပြည်မှာ ၇ခိုင်သားတွေနဲ့ တန်းတူညီတူ ကိုယ့် ၇ခိုင်ပြည်ကို ချစ်တဲ့စိတ်နဲ့အတူ နေထိုင်မယ့်စိတ်ကို မွေးမြူပြီး ဒီပြဿနာတွေကို မဖန်တီးဖို့လိုပါတယ်။ ARSA တို့၊ RSO တို့ရဲ့ လှုပ်ရှားမှုတွေမှာ မွတ်ဆလင်တွေဟာ မပါဝင်ဖို့လိုပါတယ်။ ကျနော်တို့ ၇ခိုင်သူ၊ ၇ခိုင်သားတွေနဲ့ နွေးနွေးထွေးထွေး အနာဂတ်မှာ အတူတူ မျိုးချစ်စိတ်ဓာတ်နဲ့ ကိုယ့်ပြည်ကိုချစ်တဲ့ စိတ်နဲ့ နေထိုင် ကြမယ်ဆိုရင် အကောင်းဆုံး ဖြစ်ပါတယ်။ ဒါကြောင့် ဒါ တွေကို မွတ်ဆလင်ရော၊ ၇ခိုင်တွေပါ စောင့်ကြည့်ပြီး မဖြစ်သင့်တာတွေမဖြစ်အောင် သမိုင်းမှာ နောက်တစ်ကြိမ် အမဲစက်တွေ မထင်၇အောင်၊ စစ်ကောင်စီရဲ့ အသုံးချမှုကိုလည်း မခံ၇အောင် ကြိုတင်ပြီး ဒီကိစ္စတွေကို တွေးတော၇မယ်။ စောင့်ကြည့်၇မယ်။ လိုအပ်သလို ပါဝင်လှုပ်ရှား၇မယ်။ ဒီလိုဆိုရင်တော့ ဒီကိစ္စတွေဟာ တော်ရုံတန်ရုံနဲ့ ခေါင်းထောင်လာမှာ မဟုတ်ဘူး။ ကျနော်တို့ ၇ခိုင်သူ၊ ၇ခိုင်သားတွေလည်း စိတ်အေး၇မယ်။ မွတ်ဆလင်တွေအနေနဲ့လည်း နောက်ထပ်တစ်ကြိမ် ပြဿနာတွေဖန်တီးရာမှာ မပါဝင်ဖို့ပေါ့လေ။ ဒီလိုမျိုး အားလုံးတညီတညွတ်တည်း လုပ်မယ်ဆိုရင် ဒီလိုကိစ္စမျိုးဟာ ဖြစ်လာနိုင်စရာမရှိဘူး။ အာဆာတွေရဲ့ လှုပ်ရှားမှုဟာ အဲ့လောက်ထိ ကျနော်တို့ကို စိုးရိမ်၇အောင်အထိ၊ ကျနော်တို့ကို အပြစ် ဖြစ်နိုင်လောက်အောင်အထိဒီနေ့အချိန်မှာတော့ မမြင်သေးဘူး။ နောက်လည်း ညီညီညွတ်ညွတ်နဲ့ လုပ်မယ်ဆိုရင်တော့ ဒီကိစ္စတွေဟာ ဖြစ်လာမယ်လို့ မယုံကြည်ပါဘူး။ ဖြစ်လာနိုင်ရင်လည်း အလွယ်တကူပဲ ပြန်လို့အေးဆေးသွားအောင် စွမ်းဆောင်နိုင်မယ်လို့ ယူဆပါတယ်။

မေး-နောက်တစ်ချက်က ရက္ခိုင့်တပ်တော်အနေနဲ့လည်း ၇ခိုင်မှာစင်ပြိုင် အုပ်ချုပ်ရေး အနေနဲ့ ရှိနေတဲ့ အနေအထားမှာ အခုလို စစ်တပ်က မသမာတဲ့ နည်းလမ်းတွေကို သုံးပြီး လှုပ်ရှားမှုတွေ ရှိလာတယ်။ တစ်ဘက်မှာလည်း ဒုက္ခသည်တွေကိုလက်ခံဖို့ စစ်ကောင်စီက အပူတပြင်း ဆောင်ရွက်လာတာမျိုး တွေ့၇တယ်။ ဒီ အခြေအနေတွေက ULA/AAအပေါ် သက်ရောက်မှုတွေ ဘယ်လိုရှိနိုင်ပါလဲ။ သူ့ရဲ့ အခန်းကဏ္ဍကရော ဘယ်လောက်အရေးပါပါလဲ။
ဖြေ-ရက္ခိုင့်တပ်တော်(AA) ကတော့ ဒီ ဘင်္ဂလာဘက်ကမွတ်ဆလင်တွေကို ပြန်လည်လက်ခံမယ့်ကိစ္စမှာ သူတို့အနေနဲ့ ဒီဘက်ကသာ ဖိတ်ခေါ်မယ်။ အကူအညီတောင်းမယ်ဆိုရင် ဝင်ပါဖို့ စိတ်ကူး ရှိတယ်လို့ သူတို့ သတင်းစာရှင်းလင်းပွဲမှာ ပြောထားခဲ့တာ ရှိပါတယ်။ ၇ခိုင်ပြည်မှာ ရခိုင်သားတွေရဲ့ ဆန္ဒကိုမယူဘဲ၊ ရခိုင်မှာရှိတဲ့ထင်ရှားတဲ့ ပုဂ္ဂိုလ်တွေရဲ့ သဘောထားကိုမယူဘဲ တစ်ဘက်က လုပ်မယ် ဆိုရင် ဒီပြဿနာတွေဟာ အေးချမ်းမှာမဟုတ်ဘူး။ ဒါကြောင့် ဒီပြဿနာက ၇ခိုင်တွေနဲ့ မွတ်ဆလင်တွေကြား အဓိက ဖြေရှင်း၇မယ့်ပြဿနာဖြစ်တယ်။ သူများတွေကလာပြီး ဆရာကြီးလာလုပ်ပြီးတော့ နိုင်ငံရေး အမြတ်ထုတ် သွေးထိုးရန်တိုက်ပေးတဲ့ပုံစံမျိုး၊ တစ်ဘက်ကို အခွင့်အရေးပေး မြှောက်ပင့်ပေးတဲ့ပုံစံမျိုးလုပ်လို့ကတော့ အေးချမ်းမှာမဟုတ်ဘူး။ ဒါကြောင့် ဒီပြဿနာထဲမှာ ၇ခိုင်ကိုယ်စားပြုပုဂ္ဂိုလ်တွေ၊ အဖွဲ့အစည်းတွေပါဝင်ဖြေရှင်းဖို့လိုပါတယ်။ အထူးသဖြင့်တော့ ကျနော်တို့ ၇ခိုင်တစ်မျိုးသားလုံးက အားကိုးအားထားပြုနေတဲ့ ULA/AA က ဒီကိစ္စကို ဖြေရှင်းမယ်ဆိုရင်တော့၊ ဖြေရှင်းတဲ့ ကိစ္စတွေမှာပါဝင်နိုင်မယ်ဆိုရင်တော့ ပိုပြီး ၇ခိုင်သူ၊ ၇ခိုင်သားတွေကလည်း ပိုလက်ခံနိုင်မယ်၊ ပိုနီးစပ်သွားမယ်။ ဒါကြောင့် ရခိုင်တွေရဲ့ ကံကြမ္မာ အဆုံးအဖြတ်ကိုပေးတဲ့နေရာမှာ ၇ခိုင်အဖွဲ့အစည်းတွေ မပါလို့မ၇ဘူး။ ဗမာနိုင်ငံရေးပါတီတွေ၊ ဗမာအဖွဲ့အစည်း၊ ဗမာစစ်တပ်၊ NUG အပါအဝင် ကိုယ့်ရဲ့ အသာစီး၇လိုမှု၊ နိုင်ငံရေးအသာစီး၇လိုမှုနဲ့ ဒီကိစ္စကို အသုံးချမယ်ဆိုရင်တော့ ဒါ သမိုင်းမှာဆိုးဝါးတဲ့ကိစ္စတွေပဲ ဖြစ်လာမယ်။ ရခိုင်တွေရဲ့ ဆန္ဒမပါဘဲ မလုပ်သင့်ဘူးလို့ ထင်ပါတယ်။

မေ- ဆရာ့အနေနဲ့ ဒီကိစ္စတွေအပေါ် ခြုံငုံသုံးသပ်ပြီး ဘာများပြောချင်ပါသေးလဲ။
ဖြေ- အာဆာအဖွဲ့ကတော့ လောလောဆယ် ၇ခိုင်ပြည်ကို ဒုက္ခပေးနိုင်လောက်တဲ့အထိအင်အားမရှိဘူး။ ဒီအပေါ်မှာ မရိုးမသားတဲ့ စိတ်ဓာတ်နဲ့ အသုံးချပြီး ၇ခိုင်နဲ့ မွတ်ဆလင်ပဋိပက္ခနောက်တစ်ကြိမ်ပြန်ဖြစ်လာမယ်ဆိုရင် ဒါတွေဟာ လုပ်ဆောင်သူတွေရဲ့ သမိုင်းမှာ လုပ်ခဲ့တဲ့ မကောင်းတဲ့အကျင့်စရိုက်တွေ၊ မကောင်းတဲ့အပြုအမူတွေပဲ အမြဲတမ်းမှတ်တမ်းတင်ခံ၇ပါမယ်။ ဒါကြောင့် ဒီကိစ္စဟာ နိုင်ငံရေးပြဿနာ၊ အမျိုးသားရေး ပြဿနာဖြစ်တဲ့အတွက် အားလုံး ကောင်းကောင်းမွန်မွန် ထိန်းထိန်းသိမ်းသိမ်းနဲ့ ဆောင်ရွက်ကြဖို့ ကျနော်တို့ကတော့ လိုလားပါတယ်။

(ပြီး)

ဆက်စပ် အကြောင်းအရာများ

နောက်ဆုံးရသတင်းများ