အေအေစခန်းလက်နက်ကြီးနှင့် တိုက်ခိုက်ခံ၇မှုအပေါ် ULA/AA ပြောခွင့်ရသူ ဦခိုင်သုခနှင့် ဆက်သွယ်မေးမြန်းခြင်း

“ စစ်ကောင်စီက ULA/AA ကို ဦးတည်ပြီးတော့မှ အဲ့ဒီလိုမျိုး ရန်စမှုတွေများလာလို့ရှိရင် အခြေနေကပြောင်းသွားနိုင်တယ်”

ဦးခိုင်သုခ (ULA/AA ပြောခွင့်၇သူ)

နိရဥ္စရာ (အင်တာဗျူး) အောက်တိုဘာ ၁/၂၀၂၃

စက်တင်ဘာလ(၂၈) ရက်၊ နံနက် (၁၀) နာရီခွဲခန့်တွင် မြန်မာစစ်တပ်၏ ခါယာတောင်မှ လက်နက်ကြီးဖြင့် ပစ်ခတ် တိုက်ခိုက်မှုကြောင့် ကချင်ပြည်နယ်၊ လိုင်ဇာဒေသရှိ၊ ရက္ခိုင့်တပ်တော်(AA) မုန်လိုက်ခတ်စခန်းအတွင်း လက်နက်ကြီး ကျည်ကျရောက်ပေါက်ကွဲမှုဖြစ်ပွားခဲ့သည်။

ယင်းဖြစ်စဉ်ကြောင့် AA မှ ဗိုလ်ကြီးအဆင့်ရှိအရာရှိတစ်ဦး လက်နက်ကြီးကျည် ထိမှန်သ ကျဆုံးသွားခဲ့ပြီး အလတ်စား၊ အပြင်းစား ဒဏ်ရာရရှိသူ တချို့ရှိခဲ့သည်ဟု သိ၇သည်။

ယင်းဖြစ်စဉ်နှင့်ပတ်သက်၍ နားလည်မှုနှင့်အပစ်အခတ်ရပ်စဲထားသည့် ၇ခိုင်တွင် စစ်ကောင်စီက ရန်စမှုများဆက်လုပ်လာပါက ယုံကြည်မှုများပျက်ယွင်းသွားပြီး ယခုထက် တင်းမာသည့် အနေအထားမျိုးအထိ ရောက်သွားနိုင်ကြောင်း၊ ၎င်းပြင် “စစ်ကောင်စီက ULA/AA ကို ဦးတည်ပြီးတော့မှ အဲ့ဒီလိုမျိုး ရန်စမှုတွေများလာလို့ရှိရင် အခြေနေကပြောင်းသွားနိုင်ကြောင်း ” ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် (ULA/AA) ပြောခွင့်၇သူ ဦးခိုင်သုခက ပြောဆိုထားသည်။

ပစ်ခတ်ခံ၇မှုအခြေအနေအသေးစိတ်နှင့် ရခိုင်နိုင်ငံရေး၊ စစ်ရေးအပေါ် မည်သို့သက်ရောက်မှု ရှိနိုင်မည်ကို ဦးခိုင်သုခအား နိရဥ္စရာက ဆက်သွယ်မေးမြန်း တင်ဆက်ပေးလိုက်ပါသည်။ (NN-7)

------
မေး - လိုင်ဇာမှာရှိတဲ့ အေအေတပ်စခန်းတစ်ခုကိုစစ်ကောင်စီတပ်ကနေပြီးတော့ လက်နက်ကြီးနဲ့ ပစ်ခတ်ခဲ့တယ်လို့ သိရပါတယ်။အဲ့ဒီပစ်ခတ်မှုမှာ အေအေက အရာရှိတစ်ဦးကျဆုံးပြီးတော့ထိခိုက်ဒဏ်ရာရရှိမှုတွေလည်းရှိခဲ့တယ်လို့ သိရပါတယ်။ အခြေအနေအသေးစိတ်ကိုပြောပြပေးလို့ ၇နိုင်ပါမလား။
ဖြေ - ၂၀၂၃ ခုနှစ်၊ စက်တင်ဘာလ ၂၈ ရက်၊ နံနက် ၁၀:၃၀ လောက်မှာ စစ်ကောင်စီတပ်ဖွဲ့တွေ အခြေစိုက်ထားတဲ့ ခါယာကုန်းတောင်ကြားကနေ လက်နက်ကြီးနဲ့လှမ်းပစ်တာရှိတယ်။ အဲ့ဒီမှာ လိုင်ဇာဧရိယာတွင်းမှာရှိတဲ့ မုန်းလိုင်ခတ်ပေါ့နော်။ အဲ့ဒီက ကျနော်တို့တပ်စခန်းတစ်ခုကို လက်နက်ကြီး ကျရောက်ပေါက်ကွဲတာရှိတယ်။ ကျွန်တော်တို့ဘက်က အရာရှိတစ်ယောက်နဲ့ နောက် ရဲဘော်တချို့ ဒဏ်ရာရရှိဝာရှိတယ်ဗျ။ ဒဏ်ရာရရှိသွားတဲ့ ဗိုလ်ကြီးအဆင့်အရာရှိကတော့ ညနေ ၄:၀၀ နာရီလောက်မှာ အရေးပေါ်ဆေးကုသမှုခံယူနေရင်းနဲ့ ကျဆုံးသွားတယ်ဗျ။ ကျန်တဲ့ရဲဘော်တွေကတော့ ဆေးကုသမှုဆက်လက်ခံယူနေ၇တဲ့အနေအထားပေါ့။

မေး - ဒဏ်ရာရရှိတဲ့ ရဲဘော်အရေအတွက်ကရော ဘယ်လောက် ရှိပါသလဲ။
ဖြေ - အဲ့ဒီ အရေအတွက်အတိအကျကိုတော့ ခုထိ ကျွန်တော့်ဆီကို ပို့လာတာတော့ မရှိသေးဘူးခင်ဗျ။

မေး - ဒီပစ်ခတ်မှုက တိုက်ပွဲကြောင့်ဖြစ်လာတာပါလား။ ဘယ်လိုမျိုးကြောင့် ပစ်ခတ်ခံ၇တာပါလဲ။
ဖြေ - တိုက်ပွဲဖြစ်တာတော့ မရှိဘူး။ မြန်မာစစ်တပ်ရဲ့အခြစိုက်စခန်းပေါ့နော်။ ခါယာတောင်ကြောကနေ ပြောရမယ်ဆိုရင် ရည်ရွယ်ချက်ရှိရှိနဲ့ပစ်ခတ်တာပေါ့ဗျာ။ အဲ့ဒီအနေအထားပါပဲ။ တစ်ခုရှိတာကတော့ လိုင်ဇာနဲ့သိပ်မဝေးတဲ့နေရာ နမ်ဆမ်ရမ်ဆိုတဲ့ဒေသမှာတော့ မြန်မာစစ်တပ်ကနေ ထိုးစစ်ဆင်လာတဲ့ အတွက်ကြောင့်မလို့ KIA, PDF အပါအဝင်ပေါ့နော်။ ကျွန်တော်တို့တပ်ဖွဲ့တွေနဲ့ တိုက်ပွဲဖြစ်နေတာ တစ်လကျော်တော့ရှိပြီခင်ဗျ အဲ့ဒီဘက်မှာ။

မေး - အခုလိုပစ်ခတ်ခံရမှုအပေါ်မှာရော ဆရာတို့အနေနဲ့ဘယ်လိုမျိုး တုံ့ပြန်ချင်ပါလဲ။ ဘယ်လိုမျိုးပြောချင်ပါလဲ။
ဖြေ - ဒီကိစ္စနဲ့ပတ်သက်လို့ စစ်ရေးကိစ္စဖြစ်တဲ့အတွက်ကြောင့် ရက္ခိုင့်တပ်တော်စစ်ရုံးချုပ် ကနေပြီးတော့ သင့်တော်သလိုလုပ်ဆောင်သွားမှာဖြစ်ပါတယ်။ ဘယ်လိုတုံ့ပြန်မလဲဆိုတဲ့ကိစ္စကတော့ အခုချိန်ထိ ကျွန်တော့်ဆီကို ဘာမှရောက်လာတာမရှိသေးဘူးခင်ဗျ။

မေး - ဟုတ်ကဲ့ပါ။ တစ်ခုရှိတာကလေ။ ၂၀၂၂ ခုနှစ်ကလည်း တစ်ကျော့ပြန်တိုက်ပွဲမှာ အေအေ တပ်စခန်းတစ်ခုကို စစ်ကောင်စီတပ်က လာရောက်ဗုံးကြဲပြီးနောက်ပိုင်း တစ်ကျော့ပြန် တိုက်ပွဲတွေဖြစ်လာတာဆိုတော့ ဒေသခံတွေအနေနဲ့ကလည်း ၇ခိုင်မှာ လက်ရှိက အပစ်အခတ်ရပ်စဲ ထားတဲ့ကာလဖြစ်တယ်ဆိုတော့ ဒီအပေါ်မှာပြန်ပြီးတိုက်ပွဲဖြစ်လာမလဲဆိုတဲ့ စိုးရိမ်မှုတွေ ရှိလာတာကိုလည်း တွေ့လာ၇ပါတယ်။ ဒီအပေါ်မှာရော ဆရာ့အနေနဲ့ဘာပြောချင်ပါသလဲ။
ဖြေ - အဲ့ဒီလိုမျိုး ကံသေကံမ ပြောလို့တော့မ၇ဘူးပေါ့နော်။ ဘာကြောင့်လဲဆိုရင် ၇ခိုင်မှာကျတော့ လူသားချင်းစာနာမှုဆိုင်ရာပစ်ခတ်ရပ်စဲရေးက အခုချိန်ထိတည်မြဲနေတုန်းလို့ ပြောလို့၇တယ်ပေါ့နော်။ ဒါကြောင့်မလို့ တဖက်နဲ့တဖက် ထိပ်တိုက်တွေ့မှုတွေ တချို့ရှိပေမယ့်လည်း ဒီတင်းမာမှုတွေကနေ တိုက်ပွဲဖြစ်ပွားတဲ့အနေထားမျိုးတော့ မရှိသေးဘူးခင်ဗျ။ နောက်တစ်ခုရှိတာက လိုင်ဇာဘက် ကျွန်တော်တို့ ရက္ခိုင့်တပ်တော်ရဲ့ ဌာနချုပ်အခြေစိုက်ချထားတဲ့နေရာဘက်မှာ ထူးခြားချက် ကနေပြီးတော့ လုံခြုံရေးလိုအပ်ချက်အ၇ပေါ့နော်။ ကျွန်တော်တို့ဘက်က ရက္ခိုင့်တပ်တော် တပ်ဖွဲ့တွေကို တပ်ဖြန့်ထားရတာတွေရှိတယ်။ နောက်ပြီးတော့ ကျွန်တော်တို့မဟာမိတ်တွေနဲ့ ပူးတွဲပြီးတော့မှ လှုပ်ရှားနေရတဲ့အနေအထားတွေရှိတယ်။ အဲ့ဒီလိုအနေအထားတွေမှာ မြန်မာ စစ်တပ်ဘက်ကနေ ကျွန်တော်တို့ရှိတဲ့နေရာတွေကို ဝင်ရောက်လာလို့ရှိရင်တော့ မလွှဲမရှောင်သာ တိုက်ပွဲဖြစ်တဲ့ဟာတွေရှိတယ်။ ဒါကြောင့်မလို ဒီဘက်မှာ ဥပမာ ကချင်ပြည်ဘက် အခြားနေရာတွေမှာ တိုက်ပွဲဖြစ်ပေမယ့်လည်း ၇ခိုင်ဘက်မှာတိုက်ပွဲဖြစ်မယ်လို့ ကံသေကံမပြောလို့တော့မ၇ဘူးပေါ့နော်။ ဒါပေမယ့်လို့ ဒီလိုမျိုး လက်နက်ကြီးဖြစ်ခတ်တဲ့ဖြစ်စဉ်တွေ၊ လေကြောင်းတိုက်ခိုက်မှုတွေကတော့ အရင်တုန်းကလည်း ရှိခဲ့ဖူးတယ်ဗျ။ ၂၀၂၂ ခုနှစ်၊ ဇူလိုင်လ ၄ ရက်နေ့မှာ ကျွန်တော်တို့ KNU/KNLA တပ်မ ၅ ဧရိယာမှာရှိတဲ့ ရက္ခိုင့်တပ်တော်တပ်စခန်းတစ်ခုကို မြန်မာစစ်တပ်ဘက်ကနေ ဂျက်လေယာဉ် ၂ စီးနဲ့ လာရောက်ပြီးတော့ ဗုံးကြဲတိုက်ခိုက်ခဲ့တဲ့အတွက်ကြောင့်မလို့ ကျွန်တော်တို့ ရက္ခိုင့်တပ်တော်က တပ်ဖွဲ့ဝင် ၆ ဦးကျဆုံးခဲ့တာရှိတယ်။ ဆိုတော့ အဲ့လိုဖြစ်စဉ်မျိုးနောက်ပိုင်းမှာ တဖက်နဲ့တဖက် တင်းမာမှုတွေမြင့်တက်လာပြီးတော့မှ တိုက်ပွဲဖြစ်တဲ့အနေအထားထိဖြစ်ပွားခဲ့တဲ့ ဖြစ်စဉ်တွေလည်း ရှိတယ်။ ဒါပေမယ့်လို့ ခုအနေအထားကတော့ အဲ့လိုမျိုးတထစ်ကျပြောလို့တော့ မ၇သေး ဘူးပေါ့နော်။ နောက်ဆက်လက်ပြီးတော့မှ ဒီအခြေနေ အခုအနေအထားထက် ပိုပြီးတော့မှ မြန်မာစစ်တပ်ဘက်က ဘာတွေလုပ်လာမလဲပေါ့နော်။ သူတို့ဘက်က ကျွန်တော်တို့ ULA/AA ကို ဦးတည်ပြီးတော့မှ အဲ့ဒီလိုမျိုး ရန်စမှုတွေများလာလို့ရှိရင် အခြေနေကပြောင်းသွားနိုင်တာပေါ့။ ဒါကြောင့်မလို့ အခုချိန်မှာတော့ ဘာဖြစ်မယ်ဆိုတာကတော့ အတိအကျပြောလို့မ၇သေးဘူးဗျ။

မေး - ဒီဖြစ်စဉ်တွေနဲ့ပတ်သက်လို့ ဆရာအနေနဲ့ ဘာများဖြည့်စွက်ပြီးပြောချင်တာများရှိပါလဲ။
ဖြေ - ဖြည့်စွက်ပြီးပြောချင်တာကတော့ အခုရခိုင်ဘက်မှာဆိုရင်တော့ အပစ်အခတ်ရပ်စဲရေးက ဆက်ပြီးတော့ တည်တံ့နေတယ်။ ဒီလိုမျိုး တည်တံ့နေတဲ့အခြေအနေမှာ ရည်ရွယ်ချက်ရှိရှိနဲ့ ရက္ခိုင့်တပ်တော်တပ်စခန်းတွေကို ဦးတည်တိုက်ခိုက်တဲ့ပုံစံမျိုး ဆက်လက်ဖြစ်လာရင်တော့ ရရှိထားတဲ့ယုံကြည်မှုတွေ ပျက်ယွင်းသွားပြီးတော့မှ အခုထက် တင်းမာတဲ့အနေအထားမျိုးထိ ရောက်သွားနိုင်တယ်လို့ ကျွန်တော်ကတော့ အဲ့လို သုံးသပ်တာပေါ့နော်။ ဒါပေမယ့် ဒီလိုမျိုးဖြစ်လာမယ်၊ မဖြစ်လာဘူးဆိုတာကလည်း မြန်မာစစ်တပ်ရဲ့ လှုပ်ရှားလုပ်ဆောင်မှုတွေအပေါ်မှာ အဓိက မူတည်တာပေါ့။

မေး - ဟုတ်ကဲ့ပါ ဆရာ။ အခုလိုမျိုးဖြေကြားပေးတဲ့အတွက်ကျေးဇူးပါရှင့်။
ဖြေ - ဟုတ်ကဲ့ ကျေးဇူးပါ။

အေအေစခန်းလက်နက်ကြီးနှင့် တိုက်ခိုက်ခံ၇မှုအပေါ် ULA/AA ပြောခွင့်ရသူ ဦခိုင်သုခနှင့် ဆက်သွယ်မေးမြန်းခြင်း

ဆက်စပ် အကြောင်းအရာများ

နောက်ဆုံးရသတင်းများ