စစ်တွေရဲ့ လက်ရှိအခြေအနေနဲ့ ပတ်သက်ပြီး အမျိုးသားတစ်ဦးနဲ့ အင်တာဗျူး
နိရဉ္စရာ (အင်တာဗျူး)၊ ဖေဖော်ဝါရီ ၂၂/၂၀၂၄
မေး-အခုရက်ပိုင်း စစ်တွေရဲ့ စစ်ရေးအခြေအနေတွေကိုသိသလောက်ပြောပေးပါလား။
ဖြေ-စစ်ရေးအခြေအနေကတော့ စစ်တွေမှာအခုတော့ငြိမ်နေတယ်ပေါ့ဗျာ။လက်နက်ကြီးတွေ တခါတရံပစ်တာကြား၇တယ်။သူတို့စစ်တပ်မိသားစုတွေကိုတော့ ပြောင်းရွှေ့နေတာကြာပြီ။အခုလောလောဆယ်တော့ စစ်တွေမှာ ဘာဘာညာညာတော့ မကြား၇သေးဘူး။AA ဘက်က စစ်တပ်ကိုလက်နက်ချဖို့စာကမ်းထားတဲ့ သတင်းတွေကြောင့် ပြည်သူတွေကထိတ်လန့်နေကြတယ်။
မေး- ရက္ခိုင့်တပ်တော်ကစစ်တပ်ဘက်ကို သတိပေးတယ်လို့သတင်းတွေထွက်လာတယ်။ အဲဒီနောက်ပိုင်းစစ်တွေကပြည်သူတွေအခြေအနေဘယ်လိုရှိလဲ။
ဖြေ-ရက္ခိုင့်တပ်တော်က စစ်တွေဒကစတစ်ခုလုံးကို လက်နက်ချဖို့သတိပေးစာကမ်းတယ်လို့ ကျွန်တော်တို့တွေ ကြား၇ပါတယ်။ အခုလကုန်လို့မှလက်နက်မချရင် ဝင်တိုက်မယ်ဆိုတာတွေရောပေါ့။အဲဒါတွေကြားတော့ ပြည်သူတွေအကုန်အထိတ်တလန့်ဖြစ်နေကြတာပေါ့။တချို့ပြည်သူတွေ ဆိုရင်လည်း ကိုယ့်မိသားစုတွေနဲ့ ဘေးလွတ်ရာကိုထွက်ပြေးနေကြတာတွေ ရှိတယ်။ မပြောင်းဘဲ ဆက်နေတဲ့ သူတွေလည်း ရှိတယ်။ မပြောင်းရွှေ့သေးတာကအနည်းစုပါပဲ။ အများစုကတော့ အဲဒီသတင်းကြားကတည်းက ပြောင်းရွှေ့နေကြတယ်။
မေး- ရန်ကုန်ကလာတဲ့လေယာဥ်စီးခရီးသည်တွေကိုဖမ်းထားတာကရော ဘယ်လိုအခြေအနေရှိလဲ။ ဖြေ-ရန်ကုန်ကလာတဲ့ လေယာဥ်စီးခရီးသည်လူငယ်တွေ ယောကျာ်းရော၊ မိန်းမရော အကုန်ဖမ်းထားတယ်ဗျ။ စစ်တွေလောကနန္ဒာထဲမှာထားတယ်။ ဖမ်းထားတဲ့သူတွေကို။ သူတို့ထဲမှာလွတ်တဲ့သူလည်း လွတ်တယ်။ မလွတ်သေးသူတွေလည်းအများရှိသေးတယ်လို့သိ၇တယ်။
မေး- စစ်တွေကတပ်ရင်းတွေကို AA ဘက်ထိုးစစ်ဆင်တာမျိုးရှိနေပြီလား။
ဖြေ-အဲဒါတော့မရှိသေးဘူးနဲ့တူတယ်ဗျ။ လက်နက်ကြီးရံဖန်ရံခါ ပစ်တာကလွဲရင်ဘာသံမှတော့ မကြား၇သေးဘူး။ဒီနေ့တော့ လက်နက်ကြီး ခဏ ပစ်သံကြားတယ်။ ပုဏ္ဏားကျွန်းဘက်ကို ပစ်တာဖြစ်နိုင်တယ်။
မေး- စစ်တပ်က လက်နက်ကြီးပစ်ခတ်တာကရောဘယ်လိုအခြေအနေရှိလဲ။
ဖြေ-အရင်လိုတော့ ဆက်တိုက်ဆက်တိုက်မပစ်တော့ဘူးဗျ။ တခါတခါနှစ်ချက်သုံးချက် ပစ်တယ်။အဲဒီလိုမျိုးပါပဲ။
မေး-စစ်ကောင်စီဌာနဆိုင်ရာရုံးတွေ အခြေအနေဘယ်လိုရှိနေလဲ။
ဖြေ-ရုံးတွေက သူတို့ရုံးတက်နေကြတာရှိတယ်။ မတက်တဲ့ ရုံးတွေလည်း၇ ှိတယ်။ တက်တဲ့၇ ုံးတွေမှာလည်းလူနည်းစုပဲရုံးတက်ကြတာရှိတယ်။
မေး-ပြည်နယ်စစ်ကောင်စီရဲ့ ထိပ်ပိုင်းခေါင်းဆောင်တွေရော စစ်တွေမှာရှိနေကြသေးလား။ ဘယ်လိုကြားလဲ။
ဖြေ-တချို့ကျတော့ရှိသေးတယ်လို့သိ၇တယ်။ အများစုကတော့မရှိတော့ဘူးလို့ကြားတယ်။ ပြောင်းရွှေ့ကုန်ကြတာထင်တယ်။
မေး-အခုလက်ရှိစစ်တွေမြို့အခြေအနေကအရမ်းကြီး စိုးရိမ်၇တဲ့အနေအထား ရောက်နေပြီလား။ဘယ်လိုထင်လဲ။
ဖြေ- ကျွန်တော့်ပုဂ္ဂလိကအမြင်နဲ့ပြောရရင်တော့ လုံး၀ စိုးရိမ်၇တဲ့ အနေအထားလို့မြင်ပါတယ်။ မဖြစ်ရင်တော့ ကောင်းတာပေါ့အကိုရယ်။ဖြစ်ပြီဆိုတာနဲ့မလွယ်ဘူးလို့မြင်တယ်။ ဘာလို့လည်း ဆိုတော့စစ်တွေမှာက ပြည်သူတွေကတစ်နေ့တခြားနည်းနည်းလာပြီလေ။ ပြောင်းရွှေ့သွားတာတွေ များနေတယ်။တစ်ရာရာခိုင်နှုန်းဆိုရင် ခြောက်ဆယ်ရာခိုင်နှုန်းက ပြောင်းရွှေ့သွားကြတယ်။ ပြောင်းရွှေ့နေကြတယ်။
မေး- မြို့တွင်းမှာရောစစ်တပ်ဘက်က ဘယ်လိုလှုပ်ရှားမှုတွေရှိနေလဲ။
ဖြေ-အရင်ကလိုပဲ စစ်တပ်ကပုံမှန်လှည့်ကင်းထွက်တယ်။ ဟိုတစ်နေ့ကဆိုရင် ကိုရီးယားဆိပ်ကမ်း ဘက်မှာ လှေငယ်တွေဖမ်းဆီးတယ်။တခြားထူးထူးခြားခြားတော့မကြားမိသေးဘူး။
မေး- စစ်တပ်ကညမထွက်၇အမိန့်ထုတ်ထားတယ်ဆိုတော့ စစ်တွေက ပြည်သူတွေရဲ့ သွားလာလှုပ်ရှားမှုအခြေအနေကဘယ်လိုရှိကြလဲ။
ဖြေ-ဟုတ်တယ်ဗျ။စစ်တွေမှ ညမထွက်ရအမိန့် မာရှယ်လောထုတ်ထားတယ်။ ညကိုးနာရီက မနက်လေးနာရီအထိထုတ်ထားတာ။အဲဒီလိုထုတ်ပြီးတော့ညနေ လေးနာရီနောက်ပိုင်းဆိုရင် ပြည်သူတွေကအပြင်သိပ်မထွက်ကြတော့ဘူး။
မေး- စစ်တွေကဈေးတွေ၊ဆိုင်တွေ၊ လုပ်ငန်းတွေအခြေအနေဘယ်လိုရှိလဲ။
ဖြေ-မြို့မဈေးကတော့ ဖွင့်ထားသေးတယ်ဗျ။ ဆိုင်တွေဆိုရင်လည်း စစ်ဘေးရှောင်သွားတဲ့ဆိုင်တွေ အိမ်တွေ ပိတ်ထားခဲ့ကြတာတွေရှိတယ်။ ဘဏ်တွေကတော့ပိတ်ထားတာအတော်ကြာနေပြီထင်တယ်။
လှူရန်