“အပစ်ရပ်စဲရေးဟိုင်ဂင်သဘောတူညီချက်အထဲမှာက ရှမ်းမြောက်မှာရှိတဲ့AAနဲ့ပဲ သက်ဆိုင်နေတယ်။ ရခိုင်ပြည်ဖက်မှာ ရှိတဲ့ AA ကမပါသေးဘူးဗျ"

ဒေါက်တာညိုထွန်းအောင်/ဒု-စစ်ဦးစီချုပ်၊ ရက္ခိုင့်တပ်တော်

နိရဉ္စရာ၊ မတ် ၄ ရက် (အင်တာဗျူးနှင့် ရုပ်သံ)

ရက္ခိုင့်တပ်တော်( AA)နှင့်စစ်ကောင်စီတို့အကြား အပစ်ရပ်စဲရေးနှင့် ပတ်သက်ပြီး  မဟုတ်မှန်ကြောင်း ရက္ခိုင့်တပ်တော် ဒု-စစ်ဦးစီးချုပ်ဒေါက်တာညိုထွန်းအောင်က ယနေ့ သတင်းစာရှင်းလင်းပွဲတွင် သတင်းထောက်များ၏ မေးမြန်းချက်ကိုဖြေကြားစဉ် ပြောကြားသွားခဲ့ပါသည်။

ဒေါက်တာညိုထွန်းအောင်နှင့် သတင်းထောက်များ၏ မေးမြန်းချက်ကိုလွယ်ကူစွာဖတ်ရှုနိုင်ရန် ရည်ရွယ်၍ စာအင်တာဗျူးကို မြန်မာလို ဖြေကြားထားသည့် ရုပ်သံဖိုင်နှင့်အတူ တင်ပြလိုက်ပါသည်။

သတင်းထောက်- အွင်လိုင်းမှာထွက်နေတဲ့ သတင်းအချက်အလက်တွေ မှန်/မမှန် ဒုစစ်ဦးစီးချုပ်အနေနဲ့ပြောပြလို့ ၇မလား။

ဖြေ-အဲ့ဒီအထဲမှာတော့တချို့အချက်အလက်တွေကမှန်ပါတယ်။ တချို့အချက်အလက်တွေက မမှန်ပါဘူး။ အမှားနဲ့အမှန်ရယ်။ ပြီးရင် သူတို့ရဲ့ဖြစ်ချင်တဲ့ဆန္ဒရယ်။ တချို့ကိစ္စတွေဆိုတော့ပထမ စပြီးမှဘဲInitiate  လုပ်တဲ့ သတင်းထုတ်လွှင့်တဲ့ သူအနေနဲ့ ဒီအချက်အလက်တွေပေါ်မှာ ဘယ်လို ရည်ရွယ်ချက်၊ ဘယ်လိုစဉ်းစားချက်၊ ဘယ်နေရာက ရရှိလဲဆိုတာ ကျနော်တို့တော့မသိဘူး။ သေသေချာချာ ပြောပြလို့ရတဲ့ဟာကတော့ကျနော်တို့ခုနကပြောတဲ့အထဲမှာပါပါတယ်။ ခုနကထွက်တဲ့ အချက်အလက်နဲ့ ပြန်ပြီးမှ  hybrid ပေါ့၊ ချကြည့်မယ်ဆိုရင်ကျနော်တို့ အခု အစည်းအဝေးတိုင်းက    ဟိုင်ဂင်ရဲ့ အရင်သဘောတူညီချက်တွေကို  ဆက်လို့ဆွေးနွေးနေပါတယ်။ပြီးရင်အပစ်ခတ်ရပ်စဲရေးပိုလို့ခိုင်မာဖို့အတွက် ဆက်လို့လုပ်နေပါတယ်။ နောက်တစ်ခုကတော့အရင်သဘောတူညီချက်ထဲမှာပါခဲ့သလိုပဲအထူးသဖြင့်တော့ ဒီတရုတ်-မြန်မာနယ်စပ်နဲ့ ဆက်စပ်တဲ့ကိစ္စရယ်၊ ကျားဖျံလုပ်ငန်းကိစ္စတွေရယ်။ ကျားဖျံလုပ်ငန်းတွေဆက်လို့ မရှိဖို့ ကိစ္စရရယ်။ပြီးရင်နောက်ထပ် နယ်စပ်ဒေသထွက်ပေါက်တွေဘယ်လိုပုံစံလုပ်မလဲ အဲ့လိုမျိုးအချက်အလက်တွေပါပါတယ်။  ဆိုတော့ ဒီကိစ္စတွေထဲမှာ ရာခိုင်နူန်းကိစ္စတော့ကျနော်တို့ဆွေးနွေးတာမရှိသေးပါဘူး။ အဲ့ဒါကို ကျနော်တို့ပြန်ပြောလို့ရတယ်။ကျန်တဲ့ဟာကတော့ကျနော်ပြောတဲ့ဟာနဲ့သတင်းမှာထွက်နေတဲ့ အချက်အလက်တွေမှာ ဘယ်ဟာကပိုနေတယ်။  ဘယ်လိုနေလဲဆိုတာမျိုးကို သတင်းထောက် အနေနဲ့ရော ကျန်တဲ့လူအနေနဲ့ရောနည်းနည်းလေးအလုပ်လုပ်ကြည့်လိုက်ပါ။ ကျနော့်အနေနဲ့ကတော့အစည်းအဝေးရဲ့ဆုံးဖြတ်ချက်၊ အစည်းအဝေးပါအချက်အလက်တွေကိုတော့ ပြောဖို့မရှိပေမယ့် တချို့ကိစ္စတွေကတော့ ပြောသင့်တယ်လို့ထင်တဲ့အတွက်ကြောင့် အခုလိုမျိုး ပြောရခြင်းဖြစ်တယ်။ဒီဟာအပေါ်မှာနားလည်ပေးဖို့ ကျနော့်အနေနဲ့မေတ္တာရပ်ခံလိုပါတယ်။"

သတင်းထောက်- အေအေနဲ့ သဘောတူညီချက်တစ်စုံတစ်ရာ ဆွေးနွေးပွဲမှာရလား၊ အပစ်ရပ်စဲရေး ဖြစ်ဖို့ရှိလားအေအေနဲ့က။

ဖြေ- အဓိကကတော့ ရှမ်းမြောက်ကိစ္စကိုပဲဆွေးနွေတယ်။ ရှမ်းမြောက်မှာဇန်နဝါရီ ၁၁ ရက်နောက်ပိုင်းလောက်ကနေ အတိုင်းအတာတစ်ခုထိ အပစ်အခတ်ရပ်စဲသွားပြီဆိုတော့လောလောဆယ် ဟိုင်ဂင် Is equal to ရှမ်းမြောက်ကိစ္စလိုဘဲပြောလို့ရပါတယ်။အပစ်အခတ် ရပ်စဲ သဘောတူစာချုပ် ဟာ ရှမ်းမြောက်ကိစ္စလို့ ပြောလို့ရတယ်။ လောလောဆယ်မရှိသေးပါဘူး

သတင်းထောက်- ရက္ခိုင့်တပ်တော် စစ်ဆင်ရေးက ရခိုင်မှာ ဆက်ရှိနေမယ့်အနေအထားလို့ ပြောလို့၇ပါသလား။

ဖြေ- လက်ရှိမြင်တဲ့အတိုင်းပဲ။ တွေ့နေ မြင်နေတဲ့အတိုင်းပါဘဲ။

သတင်းထောက်- အေအေနဲ့ သဘောတူညီမှု တစ်ခုနှစ်ခုရတာမျိုးရှိလား။ လုံး၀ သဘောတူညီမှု  မရှိဘူးလို့ ပြောလို့၇လား။

ဖြေ- အခုကျွန်တော်တို့ ဟိုင်ဂင်ကိစ္စကိုဘဲဆွေးနွေးတယ်ဆိုတော့ ဟိုင်ဂင်ထဲမှာက ရှမ်းမြောက်မှာရှိတဲ့AAနဲ့ပဲသက်ဆိုင်နေတယ်။ ဟိုရခိုင်ပြည်ဖက်မှာရှိတဲ့ AA ကမပါသေးဘူးဗျ"

သတင်းထောက်- ရခိုင်ပြည်နယ်ထဲမှာအေအေက သိမ်းပိုက်ထားတဲ့ မြို့နယ်တွေ အကုန်လုံးကို  စစ်တပ်ကနေပြီး  စွန့်လွတ်ပြီးတော့စစ်ယန္တရားအကုန်လုံးရပ်ဆိုင်း သွားဖို့  စစ်တပ်ကအေအေနဲ့ တောင်းဆိုတဲ့ ကိစ္စကိုစစ်တပ်က လိုက်လျောလိုက်တယ်လို့ အကြမ်းဖျဉ်းကျနော်တို့ သိ၇ပါတယ်။ အဲဒါဟုတ်ပါသလား။ 

ဖြေ- လောလောဆယ်အဲဒီအကြောင်းအရာ ကျနော်ခေါင်းထဲမှာမရှိသေးဘူး။

သတင်းထောက်- စစ်ကောင်စီဘက်ကရော နှစ်ဖက် သဘောတူညီချက်ကိုပြောနိုင်မလဲ။ အားလုံးက သိချင်မှာဘဲ။ ဘယ်အချိန်လောက် ပြောဖြစ်မလဲဗျာ။

ဖြေ- ဒီကြားထဲမှာ ညီနောင်မဟာမိတ် ၃ ဖွဲ့နဲ့ ဆက်ပြီးတိုင်ပင်လိုက်ပါမယ်။ ဒီနေ့  မေးတဲ့ မေးခွန်းတွေ၊ ကျနော်တို့ဘက်က ပြောကို ပြောရမယ့်ကိစ္စတွေကို ဒီ၇သတ္တပတ်အတွင်း တိုင်ပင်ပြီးတော့ အကြောင်းပြန်ပေးပါမယ်။ ဒီလောက်ဆို ကျေးဇူးပါဗျာ။ 

သတင်းထောက်များ-  Happy Birthday ပါဗျာ။