NLD ခေါင်းဆောင် ဦးဝင်းထိန် နိုင်ငံတော်အကြည်အညိုပျက်စေမှုဖြင့် ထောင်ဒဏ် အနှစ် ၂၀ချမှတ်ခံရ

ရေးသူ: Web Master
| ရက်စွဲ: ၃၀ အောက်တိုဘာ ၂၀၂၁
| ကြည့်ရှုသူ: 4.3k

နိရဉ္စရာ၊ အောက်တိုဘာ ၃၀/ ၂၀၂၁ (မြန်မာ)

NLD ထိပ်တန်းခေါင်းဆောင်တစ်ဦးဖြစ်သူ ဦးဝင်းထိန်ကို နိုင်ငံတော် အကြည်အညို ပျက်စေမှု ပုဒ်မ-၁၂၄ (က) ဖြင့် ယမန်နေ့ အောက်တိုဘာ ၂၉ ရက်က ထောင်ဒဏ် အနှစ် ၂၀ ချမှတ်လိုက်သည်ဟု သတင်းရရှိသည်။

နေပြည်တော် သီးသန့်တရားရုံးက နိုင်ငံတော်ကို အကြည်အညိုပျက်အောင်ပြုလုပ်မှု ရာဇသတ်ကြီးဥပဒေ ပုဒ်မ-၁၂၄ (က) ဖြင့် အမြင့်ဆုံးပြစ်ဒဏ် ထောင်ဒဏ်အနှစ် ၂၀ ကို ချမှတ်လိုက်ခြင်း ဖြစ်သည်ဟု ရှေ့နေများက ပြောဆိုသည်။

စစ်တပ်က အာဏာသိမ်းပြီးနောက် ဖေဖော်ဝါရီလ ၁ ရက်နေ့က နေပြည်တော်တွင် သတင်းထောက်များနှင့် တွေ့ဆုံးမေးမြန်းစဉ် ဦးဝင်းထိန်က အာဏာသိမ်းမှုနှင့် ပတ်သက်လို့ ဝေဖန်ပြောဆိုခဲ့မှုကြောင့် ဖေဖော်ဝါရီလ ၄ ရက်နေ့က ဖမ်းဆီးထိန်းသိမ်းခံခဲ့ရသည်။

ဦးဝင်းထိန်အား နေပြည်တော် ဥတ္တရခရိုင် အုပ်ချုပ်ရေးမှူး ဦးအေးလူ က တရားလိုပြုလုပ်ကာ တရားစွဲဆိုခဲ့သည်။

၎င်းနောက် ဦးဝင်းထိန်ကို ပုဒ်မ ၁၂၄ (က)ဖြင့် တရား စွဲဆိုခဲ့ပြီး လွန်ခဲ့သည့် ဇူလိုင်လ ၁၆ရက်နေ့က ၎င်းအမှုကို လက်ခံကြောင်း အမိန့်ချပြီးနောက်၊ အောက်တိုဘာလ ၂၉ရက်တွင် ယခုလို ထောင် နှစ် ၂၀ အမိန့်ချလိုက်ခြင်း ဖြစ်သည်။