မကွေးခရိုင် နတ်မောက်မြို့မဈေးမီးလောင်မှု ဆိုင်ခန်း (၂၄၀) ကျော် ဆုံးရှုံး


နိရဥ္စရာ၊ နိုဝင်ဘာ ၁၄/ ၂၀၂၁

မကွေးတိုင်းဒေသကြီး၊ မကွေခရိုင်၊ နတ်မောက်မြို့တွင် ယမန်နေ့ နိုဝင်ဘာ ၁၃ ရက်နေ့ ည ၉ နာရီလောက်က မြို့မဈေးကြီးအတွင်း မီးလောင်မှုဖြစ်ပွားခဲ့ရာ ဆိုင်ခန်း (၂၄၂) ခန်း မီးလောင်ဆုံးရှုံးသွားသည်ဟု သတင်းရရှိသည်။

နတ်မောက်မြို့မဈေးကြီးအတွင်း ဆိုင်ခန်းပေါင်း (၇၀၀) ကျော်ရှိသည့်အနက် (၂၄၂) ခန်းမှာ မုန့်မျိုးစုံဆိုင်တစ်ခုက မီးစလောင်ရာမှ ယင်းသို့ အများအပြား ပျက်စီးဆုံးရှုံး ခဲ့ခြင်းဖြစ်ကြောင်း သိရသည်။

မီးလောင်ရသည့်အကြောင်းကို မီးသတ်တပ်ဖွဲ့က စုံးစမ်းနေကြောင်းနှင့် မီးလောင်မှုအား အချိန် (၃) နာရီနီးပါးကြာ ငြိမ်းသတ်ခဲ့ရသည်ဟု သိရသည်။

မီးလောင်မှုကြောင့် ပျက်စီးဆုံးရှုံးမှုတန်ဖိုးအလွန်များပြီး ကာလပေါက်ဈေး သိန်းပေါင်း (၄၀၀) ကျော်ရှိကြောင်း သိရသည်။
Share: