နိရဉ္စရာ၊ မေ ၈/ ၂၀၂၂ (မြန်မာရေးရာ)

ထိုင်းနိုင်ငံတောင်ပိုင်း၊ ပရာကျွတ်ခီရီခန်ပြည်နယ်အတွင်းသို့ မြန်မာနိုင်ငံသားမှ တရားမဝင် အလုပ်သမားများကို တင်ဆောင်လာသည့် ကားတစ်စီး သေနတ်ဖြင့် ပစ်ခတ်ခံရသဖြင့် တစ်ဦးသေပြီး သုံးဦးဒဏ်ရာရရှိခဲ့ကြောင်း သတင်းရရှိသည်။

၎င်းဖြစ်စဉ်သည် မေ ၆ ရက် နံနက် ရ ခန့်တွင်ဖြစ်ပွားခဲ့ပြီး ကားသည် သေနတ်အချက်ပေါင်းများစွာ ထိမှန်ခဲ့သည်ဟု သိ၇သည်။

သေဆုံးသူမှာ အသက် ၃၅ နှစ်အရွယ် အမျိုးသားတစ်ဦးဖြစ်ပြီး သေနတ် ဒဏ်ရာမှာ ဦးခေါင်းတွင် တစ်ချက်၊ နောက်ကျော၌ တစ်ချက်ထိမှန် ခဲ့သည်ဟု မြန်မာပြည်သားများအရေး ပူးတွဲလှုပ်ရှားမှု ကော်မတီ(JACBA) ပြောသည်။

ဒဏ်ရာသူ အမျိုးသား ၂ ဦးနှင့် အမျိုးသမီး ၁ ဦးကိုတို့ကိုလည်း ပရာကျွတ်ခီရီခန်ဆေးရုံကို ပို့ဆောင်ခဲ့၇သည်ဟု ဆိုသည်။

အခင်းဖြစ်ပွားရာ နေရာအနီးမှာ ပုန်းခိုနေသည့် မြန်မာနိုင်ငံသား အမျိုးသား ၄ ဦးနှင့် အမျိုးသမီး ၆ ဦးကိုလည်း ထပ်မံတွေ့ရှိရပြီး စုံစမ်းစစ်ဆေးမှုအရ ၎င်းတို့ ပုန်းခိုနေသော နေရာ၌ ၃ ရက်ခန့် ကြာပြီဖြစ်သည်ဟု သိ၇သည်။

အထောက်အထားမဲ့ မြန်မာသားများကို တင်ဆောင်လာသည့် ၎င်းကားသည် ထိုင်း-မြန်မာ နယ်စပ် ပရာကျွတ်ခီရီကန် ပြည်နယ်ထဲတွင် လုံခြုံရေး စစ်ဆေးရေးဂိတ်၌ အစစ်ဆေးမခံဘဲ မောင်းပြေးပြီးတဲ့နောက် သေနတ် ပစ်ခတ်ခံ၇ခြင်းဖြစ်သည်ဟု ဗွီအိုအေသတင်းက ဖော်ပြထားသည်။ ( NN-15)

( ဓာတ်ပုံ - VOA နှင့် Burma VJ)