ရေစကြို PDF က ဝယ်ယူထားသော လက်နက်ခဲယမ်းများဖမ်းဆီးခံရ

မကွေးတိုင်း၊ ရေစကြိုမြို့နယ်၊ဒေသကာကွယ်ရေးတပ်ဖွဲ့- PDF ရေစကြိုမှ ဝယ်ယူထားသော လက်နက်ခဲယမ်းများဇွန်လ ၆ ရက်တွင် ဖမ်းဆီးခံရသည်။

ထိုသို့ဖမ်းဆီးခံရခြင်းမှာ မှန်ကန်ကြောင်း ဇွန် ၇ ရက်နေ့တွင် ၎င်းအဖွဲ့မှ ထုတ်ပြန်သည်။

ဖမ်းဆီးခံရသည့် မောင်းပြန် သေနတ် ၂၂ လက် ၊ ကျည်ဘောက်များနှင့် ကျည်ဆံ ၄၀၀၀ ကျော်နှင့် ယာဥ်မောင်း ၄ ဦးဖြစ်ကြောင်း သိရသည်။

အဆိုပါ လက်နက်ခဲယမ်းများ အောင်မြင်စွာရောက်ရှိရန် အခြေအနေတခုအလိုတွင် ကားချို့ယွင်းမှုကြောင့် စစ် ဆေးဖမ်းဆီးခံလိုက်ရခြင်းဖြစ်သည်ဟု ဆိုသည်။

စစ်ကောင်စီဘက်ကမူ ၎င်းလက်နက်များကို  ကားတစ်စီးနှင့် အတူ မကွေးတွင်ဖမ်းဆီးရမိပြီး ရေစကြိုမှပြည်မြို့သို့ပို့ဆောင်မည့်လက်နက်ခဲယမ်းများဟုဖော်ပြသည်။