- Web Master
- ၂၅ မတ် ၂၀၂၄
နိရဉ္စရာ၊ ဇူလိုင် ၁၅/ ၂၀၂၂
မန္တလေးမြို့၊ ပြည်ကြီးတံခွန်မြို့နယ်တွင် KBZဘဏ်ခွဲတစ်ခု ဓါးပြတိုက်ခံရပြီး ကျပ်သိန်း ၁၈၀၀ ပါသွားသည်ဟု ဒေသတွင်း သတင်းများအရ သိရသည်။
၎င်းဓားပြတိုက်မှုမှ ယနေ့ နေလယ် ၁၂နာရီကျော်အချိန်ခန့်ကပြည်ကြီးတံခွန်မြို့နယ် (ဇ) ရက်ကွက်၊ ၁၃၃ လမ်းနှင့် ၁၃၄ လမ်းကြား၊ ၇၈လမ်း၊ စက်မှုပန်းခြံအနီးရှိ KBZဘဏ်ခွဲ-၄၂ တွင် ဖြစ်ပွားခဲ့သည်ဟု ဆိုသည်။
၎င်းဓားပြတိုက်မှုကို ဆိုင်ကယ်စီးနင်းလာသည့် အဖွဲ့တစ်ဖွဲ့က ဘဏ်အတွင်းက ဝန်ထမ်းများကို သေနတ်ဖြင့် ချိန်ရွယ်ပြီး ငွေကျပ် သိန်း ၁၈၀၀ ခန့်ကို ယူဆောင်သွားခဲ့သည်ဟု ဆိုသည်။
၎င်းအဖွဲ့ မထွက်ခွာမီ ဘဏ်အတွင်းရှိ ကွန်ပျူတာပစ္စည်းတချို့ကိုလည်း ပုဆိန်ဖြင့် ရိုက်ခွဲဖျက်ဆီးခဲ့ပြီး လက်လုပ်မိုင်းတစ်ခုကိုလည်း ကောင်တာပေါ် တင်သွားခဲ့သည်ဟု သိရသည်။
လက်ရှိ အချိန်တွင်
စက်မှုပန်းခြံ KBZ
ဘဏ် အနီးတစ်ဝိုက်ကို
စစ်ကောင်စီတပ်များ ကပိတ်ဆို့ကာ စစ်ဆေးမှုများ ပြုလုပ်နေသည်ဟု ဒေသခံများက ပြောကြားသည်။
ပြီးခဲ့သည့် ဇူလိုင်လလည်း မန္တလေးတိုင်းဒေသကြီး၊ ချမ်းအေးသာစံမြို့နယ်မှာရှိသည့် ကမ္ဘောဇဘဏ်ခွဲ တစ်ခု ဓားပြတိုက်ခံရသည်ဟု သိရသည်။