Preview

မန္တလေးတိုင်းနှင့် ကရင်ပြည်နယ်တွင် ရဲစခန်း ၂ခု အတိုက်ခံရပြီး ရဲတပ်ဖွဲ့ဝင် ၁၀ ကျော်သေဆုံး

အောက်တိုဘာ ၃၀/ ၂၀၂၂ | ကြည့်ရှုသူ :5443
ပြည်တွင်း သတင်း

နိရဉ္စရာ၊ အောက်တိုဘာ၃၀/၂၀၂၂

မန္တလေးတိုင်းနှင့်ကရင်ပြည်နယ်တွင် အောက်တိုဘာ ၂၈ ရက်နှင့် ၂၉ ရက်အတွင်း ရဲစခန်း ၂ ခု တိုက်ခိုက်ခံရပြီးအနည်းဆုံးရဲ ၁၀ ကျော်သေဆုံးခဲ့သည်ဟု သတင်းရရှိသည်။

ကေအဲန်ယူ- ဒူးပလာယာခရိုင်၊  ကော့ကရိတ်မြို့နယ်ရှိကျိုက်ဒုံရဲစခန်းတစ်ခုကို အောက်တိုဘာ ရက်နေ့ ည ၉နာ ရီခွဲအချိန်ခန့်တွင် ကရင်အမျိုးသားလွတ်မြောက်ရေးတပ်မတော်-KNLA တပ်ရင်း (၁၈) ၏ တပ်ခွဲ (၁) တပ်ခွဲ(၄)နှင့်ဒေါနစစ်ကြောင်း ပူးပေါင်းအဖွဲ့တို့ ဝင်ရောက်တိုက်ခိုက်ခဲ့သည်ဟု ကေအဲန်ယူဒူးပလာယာခရိုင်က သတင်း ထုတ်ပြန်သည်။

နာရီဝက်ကြာ ပစ်ခတ်မှုများ ဖြစ်ပွားခဲ့သည့် အဆိုပါ တိုက်ပွဲတွင် အာဏာသိမ်းစစ်ကောင်စီတပ်မှ(၂)ဦး ကျဆုံးခဲ့ပြီး ရှေ့ထွက်မိုင်း ၄လုံး၊ မိုင်းကြိုး ၂ခွေ၊လက်ဗစ်ဗုံး ၂၃ လုံး၊ 7.62 ကျည် ၂၅၄၀ တောင့်၊ ၆၀ မမ ဗုံးသီး ၂၃ လုံး၊ G3-၆ လက်၊ G3 ကျည်ဘောက် ၁၁ဘောက်၊ G4- ၁ လက်၊ အူဇီ- ၂ လက်၊ ၆ လုံးပြူး ၄ လက်၊ ကွန်မန် ဒိုစိန်ဗြောင်း ၄ လက်၊ ဆသ၇စက်ကြီး ၁ လုံး၊ RPG ပို့ယမ်း ၃တောင့်တို့သိမ်းဆည်း၇သည်ဟု ထုတ်ပြန်ချက်ကို ကိုးကားပြီးကရင်သတင်းစဉ် KIC တွင်  သတင်းဖော်ပြထားသည်။

မန္တလေးတိုင်း၊ ညောင်ဦးမြို့နယ် ငါ့သရောက်မြို့ ရဲစခန်းကိုအောက်တိုဘာလ ၂၉ ရက်နေ့ ညနေ ၄ နာရီကျော်အချိန် လက်နက်ကိုင်တပ်ဖွဲ့များက ဝိုင်းဝန်းတိုက်ခိုက်ရာ စခန်းမှူး၊ ဒုရဲအုပ် အပါအဝင် ရဲ ၁၁ ဦး သေဆုံးပြီး လက်နက် ရ လက်ပါသွားကြောင်း သိရှိ၇သည်။

အောက်တိုဘာလ ၂၉ ရက်နေ့ ညနေ ၄ နာရီကျော်အချိန် PDF မဟာမိတ်တပ်ဖွဲ့များက ငါ့သရောက်မြို့ ရဲစခန်းကို ဝင်ရောက်တိုက်ခိုက်ခဲ့ကြောင်း၊ ည နေ ၅ နာရီဝန်းကျင်အထိ ရဲစခန်းကို လက်နက်ကိုင်များကဝင်ရောက်စီးနင်းသွားခဲ့ပြီး ရဲစခန်းအတွင်းမှ ပစ်ခတ်မှုကြောင့် လမ်းပေါ်တွင် လူ ၁ဦး သေဆုံးမှုရှိကြောင်း ရန်ကုန်ခေတ်သစ်တွင် ဖော်ပြထားသည်။

ရင်ခွဲရုံသို့ အလောင်း ၁၂ လောင်း ရောက်ရှိလာကြောင်း ရန်ကုန်ခေတ်သစ်က စုံစမ်းသိရှိ၇ကြောင်း သတင်းတွင် ဆက်လက် ဖော်ပြထားသည်။  

#လက်နက်ကိုင်တော်လှန်ရေး#စစ်ကောင်စီ# မြန်မာ
မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။
နိရဉ္ဇရာလှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

နောက်ဆုံးရသတင်းများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်
© 2024 Narinjara News. All rights reserved.