ကရင်နီပြည်မှ စစ်ကောင်စီတပ်စခန်းကို ပူးပေါင်းတပ်ဖွဲ့မှ သိမ်းပိုက်


နိရဉ္စရာ၊ ဇန်နဝါရီ ၂၁/၂၀၂၃

ကရင်နီပြည် ဘောလခဲမြို့နယ် နန်းဖဲကျေးရွာအနီးရှိ မယ်စလောင်းတောင်ကုန်းမှာ တပ်စွဲထားသည့် စစ်ကောင်စီတပ်စခန်းကို ပူးပေါင်းတပ်ဖွဲ့မှ မနေ့က ဝင်ရောက်တိုက်ခိုက်ပြီး သိမ်းပိုက်လိုက်သည်ဟု သတင်းရရှိသည်။

ယင်းစခန်းကို သိမ်းပိုက်ရာ တွင် လက်နက်ခဲယမ်းအမြောက်အများကို သိမ်းဆည်းရမိခဲ့ကြောင်း KNDF က ယနေ့ ဇန်နဝါရီလ ၂၁ ရက်နေ့တွင် သတင်းထုတ်ပြန်သည်

သိမ်းဆည်းရမိသော လက်နက်ခဲယမ်းမီးကျောက်များမှာ (၆၀)မမ စိန်ပြောင်း (၂)လက် ၊ RPG (၁)လက် ၊ MA-1 (၁)လက် ၊ MA -2 (၁)လက် ၊ MA-3 (၁)လက် ၊ MA-4 79တွဲ (၁)လက် ၊ 9mm (၁)လက် ၊ ငါကြင်းမြီး (၁)လက် ၊ စနှိုက်ဖာ (၁)လက် ၊ မိုင်းများ ၊ ခဲယမ်းကျည်ဆံများ ၊ အခြားအသုံးအဆောင် ပစ္စည်များဖြစ်သည်ဟု သတင်းထုတ်ပြန်ချက်ကို ကိုးကားပြီး ဒေသအခြေစိုက် ကန္တာရ၀တီသတင်းတွင် ဖော်ပြသည်။

၎င်းစခန်းကို  ဇန်နဝါရီလ ၂၀ ရက်နေ့ နံနက် ၇ နာရီကျော်အချိန်တွင် ပူးပေါင်းတပ်ဖွဲ့ဖြစ်ကြသည့်  Karenni CommandoKAKNDF B(15)KNDF B(16)KNDF B (09)Loikaw PDFDMO PDF စသည့် အဖွဲ့များက ပူးပေါင်း တိုက်ခိုက်ခဲ့ပြီး ကရင်နီတပ်မတော် (KA) မှ ရဲဘော်တစ်ဦး ကျဆုံးခဲ့သည်ဟု ဆိုသည်။

စခန်းသိမ်းတိုက်ပွဲအတွင်း စစ်ကောင်စီတပ်ဖက်မှ တိုက်လေယာဉ်တစ်စီးဖြင့်  ၃ ကြိမ်တိုင် ပစ်ကူပေးခဲ့ပြီး ဘောလခဲမြို့အခြေစိုက်တပ်ဖက်မှလည်း လက်နက်ကြီးပစ်ကူပေးခဲ့ကြောင်း သတင်းတွင် ဖော်ပြထားသည်။

Share: