နိရဉ္စရာ၊ဖေဖော်ဝါရီ ၂၁/ ၂၀၂၃

KBZ အကောင့်များအတွင်းကငွေကြေးလိမ်လည်ထုတ်ယူခဲ့သည့် နိုင်ဂျီးရီးယား နိုင်ငံသား (၅)ဦး အပါအဝင် ၁၁ ဦးကို ဖမ်းဆီး၇မိထားကြောင်းစစ်ကောင်စီက ဖေဖော်ဝါရီ၂၁ ရက်နေ့က ထုတ်ပြန်ပြောဆိုသည်။

ဖေဖော်ဝါရီလ ၆ရက်နေ့က ရန်ကုန်၊ သင်္ဃကျွန်းမြို့နယ်က အမျိုးသမီး (၁)ဦး ၏ KBZ အကောင့်မှ ငွေကျပ် သိန်း ၁၀၂၀ နှင့် ဖေဖော်ဝါရီလ ၉ရက်နေ့က ကမာရွတ်မြို့နယ်ကအမျိုးသမီး (၁)ဦး၏ KBZ အကောင့်မှငွေကျပ် သိန်း ၃၇၀ တို့အား ထုတ်ယူခံရမှုကို သက်ဆိုင်ရာ ရဲစခန်းများသို့ အမှုဖွင့် တိုင်ကြားခဲ့ကြောင်း သိရှိ၇သည်။

ထိုသို့တိုင်ကြားမှုကြောင့် စစ်ဆေးမှုများပြုလုပ်ခဲ့ရာဖေဖော်ဝါရီလ ၁၂ ရက်နေ့တွင် ငွေကြေး လိမ်လည်လွှဲ ပြောင်းရာတွင်အသုံးပြုသည့် Bank အကောင့်များဖွင့် ထားမှုကို တွေ့ရှိခဲ့ရပြီး ဘဏ်အကောင့်ဖွင့်လှစ် ရောင်းချ ခဲ့သည့် တရားခံအမျိုးသား ၄ဦးနှင့်အမျိုးသမီး ၂ ဦးကို သက်ဆိုင်ရာက ဖမ်းဆီး၇မိခဲ့ကြောင်း ထုတ်ပြန်ချက်တွင်ဖော်ပြသည်။

ဖမ်းဆီး၇မိသည့်Bank အကောင့်များဖွင့်လှစ်ရောင်းချတို့၏ ထွက်ဆိုချက်အရဖေဖော်ဝါရီ ၁၆ ရက်နေ့တွင် ရန်ကုန်၊ သန်လျင်မြို့နယ်က Star City အိမ်ရာအမှတ် (၁၈၀၂)တိုက် (C-4) တွင်ငွေကြေးလိမ်လည်ထုတ်ယူ ခဲ့သည့် နိုင်ဂျီးရီးယား နိုင်ငံသား လင်မယား(၂)ဦးကို ငွေကြေးများ၊ သက်သေခံပစ္စည်းများနှင့် အတူ ဖမ်းဆီးရမိခဲ့ကြောင်း သိရှိ၇သည်။

၎င်း တို့၏ထွက်ဆိုချက်များအ၇ KBZ Pay အကောင့်အားလိမ်လည်မည့်သူထံသို့ Online မှတဆင့်KBZ Pay Level မြှင့်တင်ပေးမည့်ဟုပုံစံအမျိုးမျိုးဖြင့် ရှာဖွေခဲ့ကြကြောင်း သိရှိ၇သည်။

ထိုမှတဆင့် KBZ Pay ဖုန်းနံပတ်များတောင်းခံခြင်း၊OTP နံပတ်များဆောင်းခံပြီး၊ မှတ်ပုံတင်နံပတ်တောင်းခံအသုံးပြုပြီး ငွေကြေးများ ထုတ်ယူခဲ့ကြောင်း ထွက်ဆိုခဲ့သည်။

ဖြစ်စဉ်နှင့်ပတ်သက်ပြီး ဖမ်းဆီးရမိသည့်တရားခံများအား ဥပဒေနှင့် အညီ ထိရောက်စွာ အရေးယူဆောင်ရွက် သွားမည်ဖြစ်ကြောင်းနှင့်ပြည်ပသို့ရောက်ရှိနေသည့် ဆက်စပ် တရားခံများကိုလည်း ဖမ်းဆီးနိုင်ရေးအတွက်နိုင်ငံတကာရဲ အဖွဲ့အစည်းများနှင့် ဆောင်ရွက်နေကြောင်း စစ်ကောင်စီကထုတ်ပြန်ပြောဆိုထားသည်။

 (NN – 25)