ရဲတပ်ကြပ်တစ်ဦး CDM ပြုလုပ်ပြီး ချင်းကာကွယ်ရေးတပ်ဖွဲ့ထံပူးပေါင်း

နိရဥ္စရာ၊ ဖေဖော်ဝါရီ ၂၇/ ၂၀၂၃

ချင်းပြည်နယ်၊ ဟားခါးမြို့နယ်အခြေစိုက် ရဲစခန်းမှ ရဲတပ်ကြပ်တစ်ဦး CDM ထပ်မံ ပြုလုပ်ကာ ချင်းကာကွယ်ရေးတပ်ဖွဲ့(CDF-Hakha) နှင့် ပူးပေါင်းလာကြောင်း ၎င်းအဖွဲ့ကဖေဖော်ဝါရီ ၂၅ ရက်နေ့ တွင် သတင်းထုတ်ပြန်ခဲ့သည်။ 

၎င်းနှင့် အတူ ဂျီးသရီး သေနတ် ၁ လက်၊ ကျည်အိမ် ၄ ခု၊ ကျည်ဆန် အနည်းငယ် ပါရှိလာကြောင်း သိရှိရသည်။

CDF - Hakha မှလည်း CDM ပြုလုပ်လာသူအား ငွေကျပ် သိန်း ၃၀ ဆုချီးမြှင့်ပြီး လုံခြုံရာသို့ ပို့ဆောင်းပေးခဲ့ကြောင်း ပြောဆိုထားသည်။

ပြီးခဲ့သည့် ဖေဖော်ဝါရီ ၂၀ ရက်နေ့ကလည်း ထန်တလန် အမှတ် ၂၆၉ တပ်ရင်းက တပ်သား ၂ဦးလည်း CDM လာရောက်ပြုလုပ်ခဲ့သေးသည်။ 

CDM ပြုလုပ်လာသူများအား ငွေကျပ် သိန်း ၃၀ ဆုချီးမြှင့် ပေးမှုနှင့်အတူ လုံခြုံ စိတ်ချရသည့် နေရာများသိူ့ ပို့ဆောင်ပေးလျက်ရှိကြောင်း သိရှိရသည်။ 

(၂) နှစ်ကျော်ကာလအတွင်း စစ်ကောင်စီ လက်အောက်ခံ တပ်နှင့်ရဲ ၄၀ ဦးခန့် CDF – Hakah ထံသို့ CDM ပြုလုပ်လာပြီးဖြစ်ကြောင်း သိရသည်။ (NN - 25)

ဓာတ်ပုံ - CDM ပြုလုပ်လာသည့် ရဲတပ်ကြပ်တစ်ဦးနှင့် လက်နက်ခဲယမ်း