နိရဉ္စရာ မတ် ၁၁ ၊ ၂၀၂၃

ထိုင်းနိုင်ငံတောင်ပိုင်းပကျွတ်ခီလီခမ်ခရိုင်တွင် တရားမဝင်မြန်မာရွှေ့ပြောင်းအလုပ်သမား ၂၁ ဦးတို့ကို မတ်လ ၁၀ ရက်တွင်ထိုင်းအာဏာပိုင်များက ထပ်မံ ဖမ်းဆီးခဲ့သည်ဟု သိ၇သည်။

ယခုတစ်ကြိမ်တွင် ၎င်းတို့ထံ၌ မူးယစ်ဆေးဝါး ၁ကီလိုဂရမ် နှင့် စိတ်ကြွဆေးပြား အလုံးနှစ်ထောင်တို့ကို စစ်ဆေးတွေ့ရကြောင်း ထိုင်းရတ်သတင်းဌာနက ဖော်ပြထားသည်။

၎င်းတို့သည် နေပြည်တော်နှင့်မန္တလေးမြို့တို့ကဖြစ်ကြောင်း၊ကျား ၁၁ ဦး မ ၇ ဦးနှင့် လမ်းပြ ၃ ဦးစုစု ပေါင်း ၂၁ ဦးဖြစ်ပြီး ယင်းတို့ထဲမှ ကိုအောင်ပိုင်ဆိုသူ၏ ကျောပိုးအိတ်သည် ပုံမှန်ထက် အလေးချိန်ပိုများနေသည့် အတွက်စစ်ဆေးကြည့်ရာ မူးယစ်ဆေးဝါး ၁ ကီလိုဂရမ်နှင့် စိတ်ကြွဆေးပြား နှစ်ထောင်ကို စစ်ဆေးတွေ့ရှိရမိခြင်းဖြစ်ကြောင်း သိ၇သည်။

၎င်းတို့ကို ဒေသခံများနှင့် ထိုင်းအာဏာပိုင်အဖွဲ့များပူးပေါင်းကာပရာကျွတ်ခီရီခမ်ခရိုင်၊ မင် မြို့၊ အောင်ဝ်နွဲကျေးရွာ အုပ်စု ၅ နယ်မြေကတောလမ်းတစ်နေရာတွင် ဖမ်းမိခဲ့ခြင်းဖြစ်ကြောင်း သိ၇သည်။

မလေးရှားနိုင်ငံသို့သွားရောက်အလုပ်လုပ်မည့်သူများဖြစ်ပြီး ယခုလိုမူးယစ်ဆေးဝါးများပါလက်ဝယ် တွေ့ ရှိထားသဖြင့် ကြီးလေးသည့်ပြစ်ဒဏ်များ ချမှတ်ခံ၇နိုင်ကြောင်း အလုပ်သမားအရေး လုပ်ဆောင်ပေးနေ သည့် ကိုစောမောင်ကနိရဉ္စရာသတင်းဌာနကို ပြောသည်။

‘’အလုပ်သမားတွေက ပွဲစားခမပေးနိုင်လို့ပွဲစားကသူတို့ကို သယ်သွားခိုင်းတာလည်း ဖြစ်နိုင်ပါတယ်လေ။  ဒါပေမယ့် ဘာပဲဖြစ်ဖြစ် သူတို့ဆီမှာအဲဒီမူးယစ်ဆေးတွေ လက်ဝယ်တွေ့တာဆိုတော့ ပြစ်မှုပြစ်ဒဏ်ကကြီးမှာပဲဗျ။’’

၎င်းရွှေ့ပြောင်းမြန်မာအလုပ်သမားများသည်အလုပ်သွားလုပ်ရန်ပွဲစားကို တစ်ဦးလျှင် ဘတ် ၃၀၀၀၀ မှ၄၅၀၀၀ အထိ ပေး၇ကြောင်း၊ ငွေသားမပေးနိုင်သည့်အတွက် ငွေသားအစား မူးယစ်ဆေးများကို သယ်ဆောင်ပေး၇ခြင်းဖြစ်ကြောင်းဝန်ခံထွက်ဆိုထားသည်ဟု ဖော်ပြထားသည်။

မတ်လ ၉ ရက်ကလည်း ကားတစ်စီးပေါ် ပြွတ်သိပ်တင်လာသည့် တရားမဝင်မြန်မာ ရွှေ့ပြောင်းအလုပ်သမား ၁၈ ဦးကို ထိုင်းနိုင်ငံပထုမ်ထာနီခရိုင်တွင် ၌ ထိုင်းအာဏာပိုင်များမှ ဖမ်းဆီးခဲ့သည်။

ထိုင်းအခေါ်(လွတ်တု)ဟုခေါ်သည့်အံစာတုံး ကားတစ်စီးထဲတွင် ၎င်းမြန်မာရွှေ့ပြောင်းအလုပ်သမား ၁၈ ဦးကို ပထုမ်ထာနီခရိုင်ထဲ၌ အဝေးပြေးယာဉ်ထိန်းရဲတပ်ဖွဲ့ကမသင်္ကာ၍စစ်ဆေးရာမှ ဖမ်းဆီး၇မိခဲ့ခြင်းဖြစ်ကြောင်း ထိုင်း 7HDသတင်းဌာနက ဖော်ပြထားသည်။  

NN – 24

Photo ; Thai News