ဖုန်း SIMCard များ ပြန်လည်မှတ်ပုံမတင်လျှင် ရက် (၃၀) အတွင်းပိတ်သိမ်းမည်ဟုဆို

နိရဉ္စရာ မတ်၁၄/၂၀၂၃

ဖုန်းဆင်းကတ်များ ပြန်လည်မှတ်ပုံမတင်လျှင် ရက် (၃၀) အတွင်း ပိတ်သိမ်းမည်ဟု စစ်ကောင်စီလက်အောက်ခံ ဆက်သွယ်ရေး ညွန်ကြားမှုဦးစီးဌာနက မတ်လ (၁၃) ရက်နေ့ညပိုင်းက ထုတ်ပြန်ကြေထားကြောင်းသိ၇သည်။

လက်တလောတွင်မှတ်ပုံတင်ထားပြီးဖြစ်သည့်ဖုန်းဆင်းကတ်များတွင် ဖြည့်စွက်ထားသည့် အမည်/ နိုင်ငံသားစိစစ်ရေး အမှတ် စသည့် အချက်အလက်များကိုလူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက စစ်ဆေးမှုများပြုလုပ်နေကြောင်း၊  စစ်ဆေးမှုများပြုလုပ်ပြီးမှန်ကန်မှုမရှိသည့် ဆင်းကတ်များထံသို့ အသိပေး စာတို (SMS)ပေးပို့သွားမည်ဖြစ်ပြီးSMSရောက်သည့်နေ့မှစတင်ကာရက်ပေါင်း (၃၀) အတွင်း ပြန်လည်မှတ်ပုံတင်နိုင်ကြောင်း ထုတ်ပြန်ထားသည်။

ရက်ပေါင်း၃၀နောက်ပိုင်း မှတ်ပုံတင်ခြင်းမရှိသည့် ဆင်းကတ်များအား ဖုန်းခေါ်ဆိုမှု၊စာတိုပေးပို့မှုနှင့် ဒေတာ အသုံးပြုမှုများ (One Way Block) ရပ်ဆိုင်းထားမည်ဖြစ်ကြောင်းသိရှိ၇သည်။

OneWay Block ခံထားရပြီး ရက်ပေါင်း (၉၀) အတွင်း၌ ဆင်းကတ်အပြီးပိတ်သိမ်းသွားမည်ဟုလည်း ဆက်သွယ် ရေး ညွန်ကြားမှု ဦးစီးဌာနက ထုတ်ပြနထားသည်။ (NN– 25)

ဓာတ်ပုံ -ပြည်တွင်း သုံးစွဲနေသည့် ဆင်းကတ်များ