နိရဉ္စရာ၊ မတ်လ ၁၇/ ၂၀၂၃

ရန်ကုန်တိုင်း သာကေတမြို့နယ်တွင် ယနေ့ မတ်လ ၁ရရက်နေ့ မွန်းလွဲ ၁ နာရီခန့်က စစ်ကောင်စီ၏ လက်အောက်ခံ ရဲတပ်ဖွဲ့က နယ်ထိန်းတစ်ဦးအပါအဝင် ၃ ဦး သေနတ်နှင့် ပစ်ခတ်ခံ၇သည့်အတွက်တစ်ဦးပွဲချင်းပြီး သေဆုံးသွားကြောင်း သတင်းရရှိသည်။

“အစောကလေးတင်ဖြစ်တာ။ ရဲစခန်းရှေ့ မိတ္တူဆိုင်နားမှာတင်ဖြစ်တာဗျ။ တစ်ဦးတော့ ပွဲချင်းပြီးပဲ”ဟု သာကေတ အဝိုင်းအနီး နေထိုင်သူတစ်ဦးက သူမြင်တွေ့၇မှုကို ပြောသည်။

သာကေတမြို့နယ် ဧရာဝဏ်လမ်းမပေါ် ဂတ်စ်ဆိုင်အနီးမိတ္တူဆိုင်အတွင်းသို့ သေနတ်သမားများက ဝင် ရောက်ပစ်ခတ်ခဲ့ခြင်းဖြစ်ပြီး ယင်းသို့ပစ်ခတ်မှုကြောင့်နယ်ထိန်းဆိုသူမှာ အခင်းဖြစ်ရာနေရာ၌ ပွဲချင်းပြီး သေဆုံးခဲ့ကြောင်း ဒေသခံတချို့ကပြောသည်။

ထိုသို့ ပစ်ခတ်ခံ၇မှုကြောင့် အခြားစစ်ကောင်စီလက်အောက်ခံ ၂ ဦးလည်း သေနတ်ကျည်ဆန် ထိမှန် ဒဏ်ရာများရရှိခဲ့ပြီး ဆေးဝါးကုသမှုခံယူနေရကြောင်းသိရှိ၇သည်။

အခင်းဖြစ်ပွားပြီး မိနစ်ပိုင်းအတွင်း၌ပင်စစ်ကောင်စီတပ်များရောက်ရှိလာပြီး မြို့နယ်အတွင်း ပိတ်ဆို့ရှာဖွေစစ်ဆေးမှုများပြုလုပ်လျက်ရှိပြီး စစ်ကားများနှင့် မြို့တွင်းလှည့်လည်ကင်းလှည့်နေကြောင်းလည်း သိ ၇သည်။

မြို့ နယ်အတွင်း တင်းကြပ်စွာစစ်ဆေးမှုများရှိနေကြောင်း ဒေသခံများထံမှ သိရှိ၇သည်။

(NN– 25)

ဓာတ်ပုံ - သာကေတ မြို့နယ်ဆိုင်းဘုတ် (Credit)