မန္တလေးမြို့၊ ချမ်းအေးသာစံမြို့နယ်၊ အောင်နန်းရိပ်သာရပ်ကွက်၊ ၃၄ လမ်းနှင့် ၃၅ လမ်းကြားရှိ စစ် ကောင်စီ၏ ပို့ဆောင်ရေး စီမံကိန်းဦးစီးဌာန ရုံးခန်းထဲသို့ မတ်လ ၂၀ ရက်နေ့က လက်ပစ်ဗုံးနှင့် အပစ် ခတ်ခံ၇သဖြင့် ဝန်ထမ်း ၄ ဦး ထိခိုက်ဒဏ်ရာများ ရရှိခဲ့ကြောင်း သိရှိ၇သည်။

အဆိုပါရုံးခန်းအတွင်းသို့ တော်လှန်ရေးရဲဘော်တချို့သည် မတ်လ ၂၀ ရက် မနက် ၁၁ နာရီ ကျော်ခန့်က ဝင်ရောက်လာပြီး လက်ပစ်ဗုံးနှင့်ပစ်ခတ်ခဲ့ရာ ဒု - ဦးစီးမှူး ဦးလွှမ်းမိုး၊ အကြီးတန်းစာရေး ဦးဇော်မြင့်၊ အငယ်တန်းစာရေး မသူသူအောင်နှင့် ဒေါ်လှစံပယ်ကျော်တို့ ထိခိုက်ဒဏ်ရများရရှိခဲ့ကြောင်း သိရှိ၇သည်။

ဗုံးစထိမှန်ခဲ့မှုကြောင့် ၎င်းဝန်ထမ်း (၄)ဦးတို့၏ ခြေထောက်၊ လက်၊ နား၊ ပေါင်တို့တွင် ထိခိုက်ဒဏ်ရာ များရရှိခဲ့ပြီး မန္တလေး ပြည်သူ့ဆေးရုံကြီးသို့ ပို့ဆောင်ထားခဲ့၇ကြောင်း သိရှိ၇သည်။

“ကျမတို့လဲ ဒီနားမှာကိစ္စတစ်ခုနဲ့လာရင်း ပြောသံကြားလို့ စပ်စုချင်လို့ တကူတကကိုသွားကြည့်တာ။ စစ် ကားတွေရော၊ ဟို လက်နက်တကားကားနဲ့ သူတွေရောပေါ့၊ ပြာယာခတ်နေတာ တွေ့ခဲ့၇တယ်။ အဓိက စပ်စုချင်လို့သွားကြည့်တာပါ”ဟု ဒေသခံတစ်ဦးက ပြောသည်။

ယခုကဲ့သို့ အနီးကပ်ဗုံးပစ်ခဲ့မှုအပြီး တော်လှန်ရေးရဲဘော်များ ပြန်လည်ဆုတ်ခွာချိန် စစ်ကောင်စီလက် အောက်ခံများမှ “သူခိုး”ဟု အော်ဟစ်ကာဖမ်းဆီးခိုင်းခဲ့သော်လည်း ရဲဘော်များ ဘေးမထိ လွှတ်မြောက်ခဲ့ သည်ဟုလည်း အောင်စည်တော်စစ်ဆင်ရေး (မန္တလေး) မှ ရဲဘော်တစ်ဦးက ပြောသည်။

၎င်းရုံးသို့ မိနစ်ပိုင်းအတွင်း စစ်ကောင်စီတပ်ဖွဲ့ဝင်များရောက်ရှိလာခဲ့ပြီး ကန့်သတ်ပိတ်ဆို့ မှုပြုလုပ်ကာ၊ လမ်းသွားလမ်းလာများကိုလည်းတင်းတင်းကျပ်ကျပ် စစ်ဆေးမှုများ ပြုလုပ်ခဲ့ကြောင်းကို လည်း ဒေသခံများက ပြောသည်။

ယနေ့ မတ်လ ၂၁ ရက်နေ့တွင် ဌာနဆိုင်ရာရုံးများတွင် စစ်ကောင်စီမှ အရပ်ဝတ်များဖြင့်လည်း လုံခြုံရေး သတင်းပေး တိုးမြှင့်ချထားကြောင်းကိုလည်း ဒေသခံများ ပြောပြချက်အ၇ သိရှိ၇သည်။

(NN – 25)

ဓာတ်ပုံ - မန္တလေးတိုင်း ပို့/ဆက် ရုံးအတွင်ဗုံးပစ်ခံ၇မှု အပြီး (ပေးပို့)