ရှမ်းပြည်နယ်၊ ကလောမြို့နယ်၊ ရွှေမင်းဖုန်းကျေးရွာတွင် မေလ ၁၁ ရက်နေ့ မနက်ပိုင်းက မိုးအကြီးအကျယ်ရွာသွန်းမှုကြောင့် ကလောနှင့် သာစည်ကြားရှိ နယ်ခြားချောင်းရေလျှံမှု ဖြစ်ပေါ်ခဲ့ကြောင်း သိရှိ၇သည်။

၎င်းချောင်းရေလျှံမှုကြောင့် ရွှေတူးဖော်ရေးလုပ်ကိုင်သည့် လုပ်သားများ၏ ယာယီတဲအိမ် (၇၃)လုံး ရေနစ်မြှုပ်မှု ဖြစ်ပေါ်ခဲ့ကြောင်းမီးသတ်တပ်ဖွဲ့ထံက သိရှိ၇သည်။

ရေနစ်မြှုပ်နေအိမ်များကိုကူညီကယ်ဆယ်မှုများအနေဖြင့် ကလောမီးသတ်တပ်ဖွဲ့နှင့်သက်ဆိုင်ရာ အဖွဲ့အစည်း တွေက သွားရောက်ကူညီကယ်ဆယ်မှုများပြုလုပ်ပေးခဲ့ကြောင်းသိရှိ၇သည်။

လက်ရှိအချိန်ထိ သေဆုံးမှု၊ ထိခိုက်ဒဏ်ရာရရှိမှုမတွေ့ရှိ၇ကြောင်းကိုလည်း ဒေသခံများ၏ပြောပြချက်အရ သိရှိ၇သည်။

မိုခါမုန်တိုင်း မြန်မာနိုင်ငံ ကမ်းရိုးတန်းဒေသများသို့ ဝင်ရောက်တိုက်ခတ်ရန်ရှိနေသည့်အတွက် ယခုရက်ပိုင်းအတွင်း ဒေသတချို့တွင် မိုးရွာသွန်း မှုများ ဖြစ်ပေါ်လျက်ရှိကြောင်း တွေ့ရှိ၇သည်။

မုန်တိုင်းသည်ပင်လယ်ကမ်းခြေဒေသများဖြစ်သည့် ၇ခိုင်ပြည်နယ်အတွင်း အဓိကဝင်ရောက်နိုင်ပြီးဧရာ၀တီ တိုင်းဒေသကြီး မြစ်၀ကျွန်းပေါ်ဒေသများအထိပါ ထိခိုက်ပျက်စီးမှုများကြုံတွေ့လာနိုင်ကြောင်း မိုးဇလ ပညာရှင် များ၏ ပြောဆိုချက်များအရသိရှိ၇သည်။ (NN – 25) ဓာတ်ပုံ - ရေနစ်မြှုပ် တဲအိမ်များအားကူညီဆောင်ရွက်ပေးနေမှု (MFSD)