KNU ထိန်းချုပ်နယ်မြေမူတြော်ခရိုင်အတွင်းသို့ နယ်မြေကျူးကျော်ဝင်ရောက်လှုပ်ရှားသည့်စစ်ကောင်စီလက် အောက်ခံ နယ်ခြားစောင့် (BGF)အဖွဲ့ဝင် ၅ဦး ရှင်းလင်းခံရပြီး လက်နက်ခဲယမ်းများသိမ်းဆည်း၇မိခဲ့ကြောင်း KNLA အမှတ်(၅)က မေလ ၂၈ ရက်နေ့ညနေပိုင်းက ထုတ်ပြန်သည်။

အဆိုပါBGF အဖွဲ့ဝင် ၅ ဦးသည် မေလ၂၆ ရက်နေ့က နံနက် ၆ နာရီလောက်က ဝါးဒူးနှင့် လယ်ကွဲကြားရှိဓာတ်ဆီဆိုင် အနီး တစ်နေရာ၌ လမ်းကင်းယူနေခဲ့ကြောင်း သိရှိ၇သည်။

ထိုအချိန်KNLA အမှတ်(၅) တပ်မဟာ၏ ဌာနချုပ်ကရဲဘော်များနှင့် ၎င်းလက်အောက်ရှိ တပ်ရင်း (၁၀၂) တို့ က ရဲဘော်များဖြင့် BGFအဖွဲ့ဝင်များကိုသွားရောက်တိုက်ခိုက်ရှင်းလင်းခဲ့ရာ BGF ၅ ဦး သေဆုံးသွားကြောင်း ထုတ်ပြန်ချက်တွင်ဖော်ပြသည်။

တိုက်ခိုက်မှုကြောင့် သေဆုံးBGF အဖွဲ့ဝင်များထံမှM 16 AR  (၄)လက်၊M 79 လောက်ချာ(၁)လက်၊ 9 MM  ပစ်စတို(၁)လက်တို့ သိမ်းဆည်းရမိခဲ့ကြောင်းသိရှိ၇သည်။

ထိုအပြင်M 16 AR ကျည် (၃၂၀)တောင့်၊ M79 လောက်ချာကျည်(၁၇)လုံးတို့နှင့် စစ်ဝတ်တန်ဆာ (၄)စုံ၊ M 16 AR ကျည်ဘောက် (၄)ခု၊ စကားပြောစက် (၁)လုံး တို့ကိုလည်းသိမ်းဆည်း၇မိခဲ့ကြောင်း ထုတ်ပြန် ပြောဆို ထားသည်။ (NN – 25)

ဓာတ်ပုံ- သေဆုံး သွားသည့်  BGF အဖွဲ့ထံကသိမ်ဆည်း၇မိသော လက်နက်ခဲယမ်းများ