ထိုင်းနိုင်ငံ ကန်ချနဘူရီခရိုင်၌တရားမဝင်ရောက်လာသည့် မြန်မာရွှေ့ပြောင်းအလုပ်သမား ၁၇ဦးကို ထိုင်းအာဏာပိုင်များက မေလ ၂၈ရက် မနေ့ကဖမ်းဆီးလိုက်ကြောင်းထိုင်းသတင်းမီဒီယာတစ်ခုဖြစ်သည့် CH7HD သတင်းဌာနမှ ဖော်ပြထားသည်။

မေလ ၂၈ရက် နံနက် ၈ နာရီခွဲခန့်တွင် ထိုင်းရဲတပ်ဖွဲ့ဝင်များနှင့်ဒေသဆိုင်ရာအာဏာပိုင်များပါဝင်သည့် ပူးပေါင်းအဖွဲ့တို့သည် ကန်ချနဘူရီခရိုင်၊စိုင်ယို့မြို့၊ စင်ကျေးရွာအနီးရှိ ဘန်ကောက်မြို့ဆီသို့ ဆက်သွယ် ထားသည့်အမြန်လမ်းမကြီး မိုင်တိုင်အမှတ် (၃၂၃) တွင် ထိုင်းနိုင်ငံသားတစ်ဦးမောင်းနှင်လာသည့်ကားကို ရပ်တန့်စစ်ဆေးရာမှတရားမဝင်မြန်မာနိုင်ငံသား၁ရဦးတို့ကို ဖမ်းဆီးရမိခဲ့ကြောင်း သိ၇သည်။

ထိုင်းယာဉ်မောင်း၏ ထွက်ဆိုချက်အ၇ အဆိုပါမြန်မာနိုင်ငံသားများကို ကန်ချနဘူရီခရိုင်၊ထောဖာဖူမြို့၊  ထာ့ခနွန်ကျေးရွာ မူဘန့်အူလော့အနီးမှတင်ဆောင်လာကြောင်းနှင့် သယ်ယူပို့ဆောင်ခ ဘတ် ၃၀၀၀ ၇ ကြောင်း၊ ယခုလိုတရားမဝင်မြန်မာနိုင်ငံသားများကို သယ်ယူပို့ဆောင်ပေးနေသည်မှာ ၃ ကြိမ်မြောက်ရှိ ပြီဖြစ်ကြောင်း ထွက်ဆိုထားသည်ဟု သိ၇သည်။

မြန်မာရွှေ့ပြောင်းအလုပ်သမားများသည်ဘန်ကောက်မြို့ဆီသို့ သွားရောက်အလုပ် လုပ်ကိုင်ဖို့ဖြစ်ကြပြီး ၎င်းတို့ကို ပွဲစားကတောလမ်းကနေ စံခလဘူရီမြို့သို့ ခြေလျှင်ဖြင့် ခေါ်လာခြင်းဖြစ်ကြောင်း၊ ပွဲစားခ အဖြစ် တစ်ဦးလျှင် ဘတ် ၁၅၀၀၀ ပေး၇မည်ဖြစ်ကြောင်း ထွက်ဆိုထားသည်ဟု သိ၇သည်။

မြန်မာပြည်ထဲ၌ အလုပ်လက်မဲ့များတစ်နေ့ထက် တစ်နေ့ ပေါလာသည့်အတွက်ထိုင်းနိုင်ငံဖက်သို့မြန်မာနိုင်ငံသားများ ထပ်မံ ရောက်ရှိလာမှာဖြစ်ကြောင်းရွှေ့ပြောင်းမြန်မာအလုပ်သမားအရေး ကူညီပေးနေသူတစ်ဦးက ပြောသည်။

ဖမ်းဆီးရမိထားသည့် မြန်မာရွှေ့ပြောင်းအလုပ်သမား ၁၇ ဦးနှင့် ထိုင်းယာဉ်မောင်းအားလုံးတို့ကို ထိုင်းနိုင် ငံ၏ တရားဥပဒေအတိုင်းဆက်လက်ဆောင်ရွက်ရန်စိုင်ယို့ရဲစခန်းသို့ ပို့ဆောင်ထားကြောင်း သိ၇သည်။

NN – 24