အွန်လိုင်းစနစ်ဖြင့် ဈေးရောင်းချသူများ အရေးကြီးကုန်စည်နှင့်ဝန်ဆောင်မှု ဥပဒေပုဒ်မဖြင့် အရေးယူမည်ဟု စစ်ကောင်စီအမိန့်ထုတ်

Preview

အွန်လိုင်းစနစ်ဖြင့် ဈေးရောင်းချသူများ အရေးကြီးကုန်စည်နှင့်ဝန်ဆောင်မှု ဥပဒေပုဒ်မဖြင့် အရေးယူမည်ဟု စစ်ကောင်စီအမိန့်ထုတ်

ဇူလိုင် ၂၂/ ၂၀၂၃ | ကြည့်ရှုသူ :2120

အွန်လိုင်းစနစ်ဖြင့်ဈေးရောင်းချသူများအားလုပ်ငန်းလိုင်စင်မရှိလျှင် အရေးကြီးကုန်စည်နှင့်ဝန်ဆောင်မှု ဥပဒေပုဒ်မ ၅ ဖြင့် အရေးယူသွားမည်ဖြစ်ကြောင်းစစ်ကောင်စီက ဇူလိုင်လ ၂၁ ရက်နေ့ ရက်စွဲဖြင့် အမိန့်ထုတ်ပြန်သည်။

“ရှင်းပါတယ်။ အွန်လိုင်းစနစ်နဲ့ရောင်းမယ်ဆို မှတ်ပုံတင်လာလျှောက်ပေါ့။ မလျှောက်လို့ မရှိရင် တော့ သတ်မှတ်ကာလကျော်ရင်ဥပဒေအရ အရေးယူသွား၇မှာပဲ”ဟုစစ်ကောင်စီ၏ စီး/ကူး ဝန်ထမ်း တစ်ဦးက ပြောသည်။

စစ်ကောင်စီ၏စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ အရေးကြီး ကုန်စည်နှင့်ဝန်ဆောင်မှု ဥပဒေ ပုဒ်မ ၄ ပုဒ်မခွဲ (ဂ) အရ အွန်လိုင်းစနစ်ဖြင့်ဈေးရောင်းချခြင်းအား အရေးကြီး ဝန်ဆောင်မှုလုပ်ငန်းအဖြစ်သတ်မှတ်လိုက်ကြောင်း၊ အွန်လိုင်းစနစ်ဖြင့် ဈေးရောင်းချနေသူများနှင့်ဈေးရောင်းလိုသူများသည် စစ်ကောင်စီထံမှတ်ပုံတင်ရ မည်ဖြစ်ကြောင်း သိရှိ၇သည်။

စစ်ကောင်စီ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနဝန်ကြီး ဦးအောင်နိုင်ဦး လက်မှတ်ရေးထိုး ထုတ်ပြန်ချက်တွင် “ အမိန့်ကြေငြာစာကို ထုတ်ပြန်ပြီး ခြောက်လပြည့်မြောက်သည့် နေ့မှ စတင်၍မှတ်ပုံတင် လက်မှတ်မရှိဘဲ အွင်လိုင်းစနစ်ဖြင့် ရောင်းချခြင်းလုပ်ငန်းကို လုပ်ကိုင်ဆောင်ရွက်ခြင်းကို တွေ့ရှိပါကအရေးကြီးကုန်စည်နှင့် ဝန်ဆောင်မှု ဥပဒေပုဒ်မ ၅ ဖြင့် အရေးယူသွားမည်ဖြစ်ကြောင်း” ပါရှိသည်။

အရေးကြီးကုန်စည်နှင့်ဝန်ဆောင်မှု ဥပဒေပုဒ်မ ၅ ၏ ပြစ်မှု ပြစ်ဒဏ်အနေဖြင့် အနည်းဆုံးထောင်ဒဏ် (၆)လမှ အများဆုံးထောင်ဒဏ် (၃)နှစ်အထိ ချမှတ်နိုင်သည့်အပြင်ငွေကျပ် (၅)သိန်းထက်မပိုသော ငွေဒဏ်လည်း ချမှတ်ခံ၇မည် ဖြစ်ကြောင်းဥပဒေတွင် ဖော်ပြထားသည်။

၎င်းအရေးကြီးကုန်စည်နှင့် ဝန်ဆောင်မှု ဥပဒေအား ၂၀၁၂ ခုနှစ် ပြည်ထောင်စုလွတ်တော်ဥပဒေအမှတ် ၁၃ သြဂုတ်လ ၁၀ ရက်နေ့တွင် ပြဌာန်းခဲ့ခြင်း ဖြစ်သည်။
စစ်ကောင်စီထုတ်ပြန်သည့်လုပ်ငန်းလိုင်စင် သက်ဆိုင်ရာ စားသုံးသူရေးရာဦးစီးဌာနတွင်လျှောက်ထား နိုင်ကြောင်း သိရှိ၇သည်။ (NN – 25) ဓာတ်ပုံ -အွန်လိုင်းဈေးရောင်းချမှုအား အရေးကြီးကုန်စည်နှင့် ဝန်ဆောင်မှု အဖြင့် သတ်မှတ်မှု (စကစ)

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ဆက်စပ် အကြောင်းအရာများ

နောက်ဆုံးရသတင်းများ