ကိုဂျင်မီ၊ကိုဇေယျာသော်၊ ကိုလှမျိုးအောင်နှင့်ကိုအောင်သူ၇ဇော်တို့ကို စစ်ကောင်စီက ကြိုးပေးသတ်ဖြတ်ခဲ့သည့် တစ်နှစ်ပြည့်မြောက်သည့် နေ့တွင်“ကမ္ဘာတည်သရွေ့ဥဒါန်းမကြေဘူး”ဆိုသည့်စာသားကိုချိတ်ဆွဲကာဆန္ဒဖော်ထုတ်ခဲ့ကြသည်ဟုသတင်းရရှိသည်။

၎င်းဆန္ဒဖော်ထုတ်မှုကို စမ်းချောင်း ပင်မသပိတ်စစ်ကြောင်း (Sc Strike) နှင့် Revolution Force(RF) တို့ပူးပေါင်း၍ ရန်ကုန်မြို့ လယ်ရှိ ကုန်း(ဂုံး)ကျော်တံတား တစ်နေရာတွင် ချိတ်ဆွဲခဲ့ကြကြောင်း သိ၇သည်။

စစ်ကောင်စီတပ်များ ရန်ကုန်မြို့နေရာအနှံ့၌ လုံခြုံရေးတင်းကျပ်နေသည့်ကြားမှပင် အကျဉ်းသားများ အား စစ်ကောင်စီက ရက်ရက်စက်စက် သတ်ဖြတ်နေသည်ကို အမြန်ဆုံးရပ်တန့်ပေးဖို့ ရည်ရွယ်ချက်ဖြင့် အခုလိုဆန္ဒဖော်ထုတ်ခြင်းဖြစ်ကြောင်း အဆိုပါအဖွဲ့များက ဆိုထားသည်။

"ဖက်ဒရယ်ဒီမိုကရေစီပေါ်ပေါက်ဖို့ အသက်တွေပေးခဲ့၇တဲ့ အာဇာနည်တွေက ဆက်တိုက်ပေါ်ပေါက်နေ ကြတာပဲ။ အခုလည်း လူငယ်မျိုးဆက် တွေက သူတို့အတွက် အန္တရာယ်တွေကြားထဲကနေ စစ်ကောင်စီရဲ့ ဒီလိုကွပ်မျက်မှုအပေါ်မှာ ဆန့်ကျင်တယ်။ အမှန်တရားအတွက် တရားမျှတမှုကို ဖော်ဆောင်နေကြတာ ဟာ အဲဒီလူငယ်မျိုးဆက်ကလေးတွေကို ချီးကျူးဂုဏ်ပြုတယ်" ဟု နိုင်ငံရေးအကျဉ်းသားများဦးဆောင် ကော်မတီဝင် ဦးထွန်းကြည်က သုံးသပ်ပြောသည်။

အကျဉ်းကျခံနေ၇သည့် နိုင်ငံရေးအကျဉ်းသားများကို လက်ရှိကာလအတွင်း ထောင်ပြင်ထုတ်ပြီး သတ် ဖြတ်နေသည့်လုပ်ရပ်များ စစ်ကောင်စီက ကျူးလွန်နေသည့်အတွက် ပြည်သူများ၏ရင်ထဲ “ကမ္ဘာတည် သရွေ့ ဥဒါန်းကြေမည်မဟုတ်ပါ” ဟုလည်း ဦးဆောင်လှုပ်ရှားသည့် လူငယ်အဖွဲ့များက ဆိုထားသည်။

စစ်ကောင်စီသည် လူ့အခွင့်အရေးနှင့် လူသားတို့၇ပိုင်ခွင့်များကိုဆန့်ကျင်အကြမ်းဖက်နေသလို မတရား ဖမ်းဆီးခံ၇ပြီး အကျဉ်းကျခံနေ၇သော နိုင်ငံရေးအကျဉ်းသားများ သတ်ဖြတ်ခံနေ၇ခြင်းကို ရပ်တန့်ပေးဖို့ နှင့် အဆိုပါအကျဉ်းသားများအားလုံး အမြန်ဆုံးလွတ်မြောက်စေချင်ကြောင်းလည်း ဆိုထားသည်။ NN – 24

Photo ; AJAY