- Web Master
- ၂၆ စက်တင်ဘာ ၂၀၂၄
ချင်းပြည်နယ်၊မင်းတပ်ခရိုင်၊ ကန်ပက်လက်မြို့က ရန်အောင်စေတီကုန်းအနီး စစ်ကောင်စီနေရာယူထားသည့် ကင်းစခန်း တစ်ခုကို တော်လှန်ရေး ပူးပေါင်းအဖွဲ့က သွားရောက်တိုက်ခိုက်ခဲ့ကြောင်း ပြည်သူ့ကာကွယ်ရေးတပ်မတော်(PDF)၊ (စစ်ရုံးချုပ်)၊ ကာကွယ်ရေးဝန်ကြီးဌာန၊ အမျိုးသားညီညွတ်ရေး အစိုးရက ဇူလိုင်လ ၂၄ ရက်နေ့ မနက်ပိုင်းက ထုတ်ပြန်သည်။
“နေ့ပိုင်းသွားတိုက်တာပါ။ ကျနော်တို့
ပူးပေါင်းအဖွဲ့တွေ အကုန် အေးဆေးဆေးပဲ အထိခိုက်မရှိ
ပြန်ဆုတ်လာနိုင်တယ်။ အဲ့ဒီဘက်က ၂ ကောင် ၃ ကောင်လောက်သေတယ်”ဟု တော်လှန်ရေးတပ်ဖွဲ့ဝင် တစ်ဦးက ပြောသည်။
CDF မင်းတပ်၊ CDF ကန်ပက်လက်နှင့်
PDF ပူးပေါင်းအဖွဲ့
တို့က စစ်ကောင်စီ၏ ကင်းစခန်းကို ဇူလိုင်လ ၂၂ ရက်နေ့ ညနေ (၃:၃၀) နာရီခန့်က သွားရောက်
ပစ်ခတ်တိုက်ခိုက်ခဲ့ ကြောင်း သိရှိရသည်။
တိုက်ခိုက်ခံရသည့်
စစ်ကောင်စီ ကင်းစခန်းမှ တပ်သား (၂)ဦး သေဆုံးခဲ့ပြီး တော်လှန်ရေးတပ်ဖွဲ့ဝင်များ အထိခိုက်မရှိ ပြန်လည် ဆုတ်ခွာလာနိုင်ကြောင်းကိုလည်း
NUG ကထုတ်ပြန်ပြောဆိုထားသည်။
စစ်ကောင်စီတပ်များသည်
မကွေးတိုင်းအနောက်ခြမ်းနှင့် ချင်းပြည်နယ်လမ်းပိုင်များကို
စိုးမိုးထိန်းချုပ် နိုင်ရအောင်လုပ်ဆောင်နေသော်လည်း
တော်လှန်ရေးတပ်ဖွဲ့များ၏ တိုက်ခိုက်မှုကြောင့် စစ်ကောင်စီ
တပ်ဖွဲ့ဝင်များ စိုးမိုးမှုမရနိုင်သေးကြောင်း သိရှိရသည်။
“ခင်ဗျားတို့ပဲ စဉ်းစားကြည့်လေ ကိုယ်နယ် ကိုယ့်ဒေသလောက် ကိုယ်လူတွေပဲ သိနိုင်တယ်လေ။ စကစ က ကောင်တွေက ဟိုအထက်ခိုင်းလို့ သေတွင်းထဲလာရတာလေ။ ချင်းပြည်နယ်ထဲက ဘယ်စိုးမိုးမှုမှ မရနိုင်ဘူး”ဟု ဒေသခံ တစ်ဦးက ဒေသတွင်းတိုက်ပွဲ အခြေအနေများအပေါ် သုံးသပ်ပြောဆိုသည်။ (NN -25)
ဓာတ်ပုံ - တော်လှန်ရေးပူးပေါင်းအဖွဲ့များ (NUG/ ကာကွယ်ရေးဝန်ကြီးဌာန)