တနင်္ဂနွေ၊ ဇူလိုင်လ ၁၄ရက်၊ ၂၀၂၄

လပွတ္တာပင်လယ်ပင်တွင် မွတ်ဆလင် ၇၀ ကျော်နှင့် စက်လှေတစ်စီး ဖမ်းဆီးမိခဲ့ဟုဆို


  • ရေးသူ: Web Master (NN 25)
  • | ရက်စွဲ: ၀၇ သြဂုတ် ၂၀၂၃
  • | ကြည့်ရှုသူ: 988

ဧရာ၀တီတိုင်း၊ လပွတ္တာjမြို့နယ်၊ ပြင်စလူမြို့၊ ကိုးသောင်းကျေးရွာနှင့် လေးမိုင်ခန့်အကွာ ကပ္ပလီပင်လယ်ပြင်တွင် မွတ်ဆလင် ၇၀ ကျော်ကို စက်လှေတစ်စီးနှင့်အတူ  ဖမ်းဆီးရမိခဲ့ကြောင်း စစ်ကောင်စီ မီဒီယာများက ဖော်ပြထားသည်။

အဆိုပါ စက်လှေပေါ်တွင် အမျိုးသား ၆၇ ဦးနှင့် အမျိုးသမီး ၅ ဦးတို့ အား ဖမ်းဆီးရမိရမိခဲ့ပြီး သက်ဆိုင်ရာက စစ်ဆေးမေးမြန်းမှုများပြုလုပ်နေဆဲ ဖြစ်ကြောင်း သိရှိရသည်။

“ဖမ်းမိတာဟုတ်ပါတယ်။ အခုထိတော့ စစ်ဆေးနေဆဲပေါ့ဗျာ”ဟု စစ်ကောင်စီ၏ ထွေ/အုပ် ၀န်ထမ်းတစ်ဦးက ပြောသည်။

ဖမ်းဆီးရမိသူများ၏ ထွက်ဆိုချက်တွင် မလေးရှားနိုင်ငံ သို့သွားရောက်ရန် လာခဲ့ခြင်း ဖြစ်ပြီး စက်လှေ ပျက်၍ ပင်လယ်ပြင်တွင် ၅ ရက်ခန့် မျှောပါနေခဲ့ကြောင်း ၎င်း က ဆက်လက်ပြောဆိုသည်။

ဖမ်းဆီးရမိသည့် စက်လှေအရွယ်အစားသည်သည် အလျား(၆၀) ပေ၊ အနံ(၁၆)ပေ၊ ဇောက်(၁၀)ပေ၊ သစ်သားကိုယ်ထည်၊ ကားစက်(၄)လုံးထိုးဖြစ်ကြောင်း သိရှိရသည်။

၎င်းတို့အား သြဂုတ်လ ၄ ရက်နေ့ နံနက် ၁၀ နာရီခွဲအချိန်က စက်လှေ စက်ပျက်၍ ကျောက်ချ ရန်နားစဥ် စစ်ကောင်စီ၏ ပူးပေါင်းအဖွဲ့က ဖမ်းဆီးရမိခဲ့ပြီး ဒေသခံ ငါးဖမ်း စက်လှေဖြင့် ဆွဲယူဖမ်းဆီးခဲ့ကြောင်းကိုလည်း စစ်ကောင်စီ၏ မီဒီယာများက ဖော်ပြထားသည်။

ဓာတ်ပုံ - သြဂုတ်လ ၄ ရက်နေ့က ဖမ်းဆီးရမိခဲ့သူများ (Kyaw Swar)

ဆက်စပ် သတင်းများ