စစ်ကိုင်းတိုင်း၊ ဝန်းသိုမြို့နယ်၊ဂျိုးထောင်ရွာ ဘူတာရပ်ရှိ ကလေးငယ်များစာသင်ကြားနေသည့် ခန္တီသာရာမကျောင်းတိုက်ကိုစစ်ကောင်စီတပ်က ဟောင်ဝစ်ဇာ(Howitzer) လက်နက်ကြီးကျည်ဖြင့် ပစ်ခတ်တိုက်ခိုက်ခဲ့သည့်အတွက် စာသင်နေသည့်ကလေး ၁၈ ဦး ဒဏ်ရာရရှိသွားကြောင်းအမျိုးသားညီညွတ်ရေးအစိုး(NUG)၏ကာကွယ်ရေးဝန်ကြီးဌာနက ယနေ့ သတင်းထုတ်ပြန်သည်။

စစ်ကောင်စီတပ်၏ ခမ၇၁၀၂ က ယမန်နေ့ စက်တင်ဘာလ ၂၇ ရက်၊ နေ့လယ် ၁၂ နာရီခွဲတွင်ဟောင်ဝစ်ဇာ(Howitzer) လက်နက်ကြီးကျည်ဖြင့် ပစ်ခတ်ခဲ့မှုကြောင့်လက်နက်ကြီးကျည် ၃ လုံး ကျရောက်ပေါက်ကွဲခဲ့ကြောင်း ထုတ်ပြန်ချက်ကဆိုသည်။

“ကလေးငယ်များပညာသင်ယူနေသည့် ဘုန်းတော်ကြီးကျောင်းကို အရပ်ဘက် စစ်ဘက် ခွဲခြားမှုမရှိကျိုးကြောင်းမဲ့ ယခုကဲ့သို့ ပစ်ခတ်မှုကြောင့် ပညာသင်ယူနေသော ကလေးငယ် (၁၈) ဦးဒဏ်ရာ၇ခဲ့ပြီး ၎င်းတို့ ထဲမှ (၆) ဦးမှာ ပြင်းထန်ဒဏ်ရာ ရရှိခဲ့သည်”ဟု ထုတ်ပြန်ချက်တွင် ဖော်ပြထားသည်။

လက်နက်ကြီးကျည်ကျရောက်ချိန်သည် ဂျိုးထောင်ကျေးရွာမှ ကလေးငယ်များ ဘုန်းတော်ကြီးကျောင်း၌ပညာသင်ယူနေချိန်ဖြစ်ကြောင်း သိရသည်။

ဤဖြစ်ရပ်သည် စစ်ကောင်စီဥက္ကဋ္ဌဗိုလ်ချုပ်မှူးကြီး မင်းအောင်လှိုင်ဦးဆောင်သော စစ်အုပ်စု၏စစ်ရာဇဝတ်မှု ကျူးလွန်နေကြောင်း ထင်ရှားစွာ ပြသနေသည့် ဖြစ်ရပ်တခုပင်ဖြစ်သည်ဟုလည်းNUG ၏ကာကွယ်ရေးဝန်ကြီးဌာနက ဆိုထားသည်။