စစ်ကောင်စီတပ်ဖွဲ့အလောင်း၄၀ နှင့် ဗိုလ်ကြီးတစ်ဦးအပါအဝင် စစ်သုံးပန်း ၃ဦးဖမ်းမိပြီးBPLA ကတပ်ဖွဲ့ဝင်၄ ဦးကျဆုံးဟု ထုတ်ပြန်

ဗမာ့ပြည်သူ့လွတ်မြောက်ရေးတပ်တော်(BPLA) နှင့်စစ်ကောင်စီတပ်တို့ ဖြစ်ပွားသည့် ရှမ်းပြည်နယ်မြောက်ပိုင်း တိုက်ပွဲတွင် စစ်ကောင်စီ တပ်ဖွဲ့ဝင်အလောင်း (၄၀) ရရှိပြီး ဗိုလ်ကြီးအဆင့်ရှိသူတစ်ဦး အပါအဝင်စစ်သုံးပန်း (၃) ဦးကို ဖမ်းဆီး၇မိကြောင်း (BPLA)ကသတင်း ထုတ်ပြန်ထားသည်။

အဆိုပါတိုက်ပွဲမှာBPLA နှင့်ပူးပေါင်းတပ်တို့ ပူးတွဲလှုပ်ရှား ထိန်းချုပ်သည့်နေရာ ရှမ်းပြည်နယ် မြောက်ပိုင်းသို့  တပ်မ (၃၃) လက်အောက်ခံ စစ်ကိုင်း အခြေစိုက် ခမ၇ (၁၃) မှ အင်အား (၇၀)ခန့်ပါသည့် စစ်ကောင်စီတပ်ကဝင်ရောက်လာသည့်အတွက် အောက်တိုဘာလ ၂၈ ရက်နေ့ နံနက်ပိုင်းက တိုက်ပွဲဖြစ်ပွားခဲ့ခြင်းဖြစ်သည်။

တိုက်ပွဲအတွင်းစစ်ကောင်စီဘက်မှ ၂၀ ကျော်ကျဆုံးပြီး တစ်ချို့မှာလည်း နီးစပ်ရာကျေးရွာများသို့ဝင်ရောက်ကာ ပြည်သူများကို ဓါးစားခံလုပ်နေသည့် စစ်ကောင်စီတပ်ဖွဲ့ဝင်များကို မဟာမိတ် စစ်ကူတချို့နှင့်ခက်ခက်ခဲခဲ ရှင်းလင်းခဲ့၇ပြီး တိုက်ပွဲ ကို ည ၅ နာရီမှ အဆုံးသတ်နိုင်ခဲ့သည်ဟုအောက်တိုဘာလ ၂၈ ရက်နေ့တွင် (BPLA) ကသတင်း ထုတ်ပြန်ထားသည်။

တိုက်ပွဲအပြီးရန်သူအလောင်း (၄၀) နှင့် ဗိုလ်ကြီး နေလင်းအောင် အပါအဝင် စစ်သုံးပန်း (၃)ဦးနှင့် လက်နက်ပစ္စည်း အများအပြားကိုလည်း သိမ်းဆည်း၇မိပြီး (BPLA) မှ တပ်ဖွဲ့ဝင်(၄)ဦးကျဆုံးကာ (၆) ဦးလည်း ဒဏ်ရာရှိခဲ့သည်ဟု ဖော်ပြထားသည်။

သိမ်းဆည်းရမိသည့် လက်နက်များမှာMA Series ရိုင်ဖယ်(၄၀) လက်၊ စက်ကလေး (၃) လက်၊ ၄၀ မမ (၆) လက်၊ ကျဉ် (၈၀) ၆၀ မမ (၂) လက်၊ ကျည်(၆၀)၊ ၈၀ မမ (၁)လက်၊ ၁၀၀ မမ (၂)လက်၊ ကျဉ် ၁၀၊ RPG (၂)လက်၊ ကျဉ်(၁၀)၊  ပီစတို (၂) လက်၊Icom စက်(၃)လုံးအပါအဝင် တခြားစစ်အသုံးအဆောင် ပစ္စည်းအများအပြားကိုလည်း သိမ်းဆည်း၇မိသည်ဟုဆိုသည်။

BPLA မှာ ညီနောင်မဟာမိတ်(၃)ဖွဲ့မှ ဆင်နွဲနေသည့် “၁၀၂ရစစ်ဆင်ရေးတွင်” ပူးပေါင်းပါဝင်ပြီးစစ်ကောင်စီကို တိုက် ခိုက်နေသည့် အဖွဲ့တစ်ခုဖြစ်ပြီး စစ်ရေးရည်မှန်းချက်ပြီးမြောက်အောင်အထိ ပူးပေါင်းပါဝင်တိုက်ခိုက်သွားမည်ဟု ဖြစ်ကြောင်းလည်း အဆိုပါ ထုတ်ပြန်ချက်တွင် ရေးသားထားသည်။

ထို့အပြင် အောက်တိုဘာလ(၂ရ) နေ့က ကနဦး ဖြစ်ပွားသည့်တိုက်ပွဲတွင်လည်း BPLA မှ ရန်သူအလောင်း (၄)လောင်းနှင့် လက်နက် ရ လက် သိမ်းဆည်းရမိသည်ဟု သိရှိ၇သည်။

စစ်ကောင်စီအာဏာသိမ်းပြီးနောက် ဗမာ့ပြည်သူ့လွတ်မြောက်ရေးတပ်တော်(BPLA) ကိုစာရေးဆရာ မောင်ဆောင်းခမှ ဦးဆောင်ပြီး ၂၀၂၁ ခုနှစ် ဧပြီလ ၁ရရက်နေ့တွင် စတင်ဖွဲ့စည်းခဲ့သည်။

လက်ရှိအချိန်တွင် ရက္ခိုင့်တပ်တာ်(AA)၊ ကချင်လွတ်လပ်ရေးတပ်မတော် (KIA)၊ ကရင်နီတပ်မတော်(KA) စသည့်တိုင်းရင်းသားလက်နက်ကိုင်တပ်ဖွဲ့များနှင့် မဟာမိတ်ဖွဲ့ပြီး စစ်ကောင်စီကိုပူးပေါင်းတိုက်ပွဲဝင်နေသည်။
(NN-14)
Photo- BPLA