နိုဝင်ဘာ ၁၉ ရက် နံနက်ပိုင်းတွင် MNDAAသည် အထူးဒေသ(၁)မုံးကိုးခရိုင် ပန်ဆိုင်းနယ်စပ်ဂိတ်ကို ပြန်လည်သိမ်းပိုက်ခဲ့ပြီး ကိုးကန့်ခရိုင်တာရွှေထန်အုပ်စု ၊ ရွှင်မာလင်နေရာရှိ စစ်ကောင်စီ တပ်စခန်းကိုလည်း သိမ်းယူနိုင်ခဲ့ကြောင်း သတင်းထုတ်ပြန်သည်။

နိုဝင်ဘာလ၁၉ ရက်နေ့ နံနက်(၁ဝး၃၀) နာရီ တွင် MNDAAသည် လေကြောင်းပစ်ကူမှုဖြင့် ကိုးကန့်ခရိုင်၊ ရှီးရှမ်းဒေသတာရွှေထန်အုပ်စု ၊ ရွှင်မာလင်နေရာရှိစစ်ကောင်စီတပ်စခန်းကို စတင်ထိုးစစ်ဆင်တိုက်ခိုက်ခဲ့ပြီး (၁ဝး၅၀)နာရီဝန်းကျင်တွင် အောင်မြင်စွာသိမ်းယူနိုင်ခဲ့ပြီး မုံးကိုးခရိုင် ပန်ဆိုင်းနယ်စပ်ဂိတ်ရှိစစ်ကောင်စီ တပ်ဖွဲ့ကို ထိုးစစ်ဆင် တိုက်ခိုက်ကာ နေ့လည်(၁၁း၄၆) နာရီတွင် အောင်မြင်စွာသိမ်းယူနိုင်ခဲ့ကြောင်း သတင်းထုတ်ပြန်ချက်တွင် ဖော်ပြထားသည်။

လက်ရှိကိုးကန့်(MNDAA)သည်ချင်းရွှေဟော် ၊ မုံးကိုးအပါအဝင် နယ်စပ်ဂိတ်ပေါက်(၃)ခုနှင့် နယ်စပ်လမ်းကြောင်းများကို ပြန်လည်သိမ်းပိုက်ထူထောင်နိုင်ခဲ့ပါသည်။

မဟာမိတ်တပ်ဖွဲ့တို့သည်ရက်ပေါင်း ၂၄ ရက်အတွင်း စစ်ကောင်စီ၏ တပ်စခန်း အကြီး အသေး စုစုပေါင်း(၁၅၄)ခုအောင်မြင်စွာ သိမ်းပိုက်နိုင်သည်ဟု ထုတ်ပြန်ချက်တွင် ဖော်ပြထားသည်။