ဗုဒ္ဓဟူး၊ ဇူလိုင်လ ၁၇ရက်၊ ၂၀၂၄

ချင်းပြည်နယ် လိုင်လင်းပီမြို့ကို ချင်းတော်လှန်ရေးတပ်များသိမ်းပိုက်


  • ရေးသူ: Web Master (NN 30)
  • | ရက်စွဲ: ၂၅ နိုဝင်ဘာ ၂၀၂၃
  • | ကြည့်ရှုသူ: 1.1k

ချင်းပြည်နယ်၊ မတူပီမြို့နယ်၊ လိုင်လင်းပီမြို့ကို ချင်းတော်လှန်ရေးပူးပေါင်းတပ်များက နိုဝင်ဘာ ၂၄ ရက် နံနက်ပိုင်းတွင် တိုက်ခိုက်သိမ်းပိုက်လိုက်ပြီဖြစ်ကြောင်း  လူထုနွေဦး The people's springတွင် သတင်းဖော်ပြသည်။

ယခု သိမ်းပိုက်မှုသည် ချင်းပြည်နယ်ထဲမှာ ဒုတိယ​မြောက် သိမ်းပိုက်နိုင်ခဲ့သည့် မြို့ဖြစ်ပြီး   လိုင်လန်းပီမြို့တွင်  ချင်းအမျိုးသားအလံကိုလည်း လွှင့်ထူလိုက်ပြီဖြစ်ကြောင်း သတင်းတွင် ဖော်ပြထားသည်။ 

လိုင်လင်းပီမြို့ရှိ စစ်ကောင်စီစခန်းကို နိုဝင်ဘာ ၁၉ ရက်ကစပြီး ချင်းတော်လှန်ရေးတပ်များက တိုက်ခိုက်ခဲ့ပြီး ၆ ရက်မြောက်နေ့ နိုဝင်ဘာ ၂၄ ရက် နံနက်အစောပိုင်းတွင်  သိမ်းပိုက်နိုင်ခဲ့ခြင်း ဖြစ်သည်။


စစ်ကောင်စီတပ်က ၅ ကြိမ်ခန့် တိုက်လေယာဉ်ဖြင့် ဗုံးလာကြခဲ့ပြီး တိုက်ပွဲအတွင်း စစ်ကောင်စီ တပ်သားများထွက်ပြေးသွားသဖြင့် လက်နက်ခဲယမ်းများ အမြောက်အများ  သိမ်းဆည်းရမိခဲ့ကြောင်း  ချင်းကာကွယ်ရေးတပ်များက ပြောသည်။

ချင်းပြည်နယ်ရှိ မြို့ပေါ်နေရာများမှာသာ စစ်ကောင်စီက ထိန်းချုပ်ထားနိုင်ပြီး မြို့တစ်မြို့နှင့်  တစ်မြို့ ဆက်သွယ်ထားသည့် ဆက်သွယ်ရေးလမ်းကြောင်းများအားလုံးကို ချင်းဒေသကာကွယ်ရေးတပ် (CDF)နှင့်  CNA တပ်များကထိန်းချုပ်ထားပြီဟု  CNFCNA ပြောရေးဆိုခွင့်ရှိသူ ဆလိုင်းထက်နီက ပြောသည်။

ချင်းပြည်နယ်၏  ဧရိယာ၇၅ ရာခိုင်နှုန်းကျော်ကို ချင်းတော်လှန်ရေးတပ်များက ထိန်းချုပ်ထားနိုင်ပြီး  မြို့နှင့် ၅ မိုင်ပတ်လည်ဝန်းကျင်ကိုသာ စစ်ကောင်စီတပ်က ထိန်းချုပ်နိုင်သည်ဟု  ဆလိုင်းထက်နီက ပြောဆိုသည်။ (NN-30)

ဆက်စပ် သတင်းများ