( ပဋိပက္ခတွင် အဓိကပါဝင်နေသော အဖွဲ့အစည်းများ၏တွေ့ဆုံဆွေးနွေးပွဲတစ်ခုအင်ဒိုနီးရှားနိုင်ငံတွင် ကျင်းပပြုလုပ်ခဲ့ဟုဆို )

 မြန်မာနိုင်ငံတွင်စစ်အာဏာသိမ်းပြီး သုံးနှစ်ကြာသည်အထိ ပျက်ပြားနေခဲ့သော ငြိမ်းချမ်းရေး လုပ်ငန်းစဉ်များပြန်လည်စတင်ရန် အလားအလာကောင်းများ တွေ့ရှိရသည်ဟု အင်ဒိုနီးရှားနိုင်ငံက နိုဝင်ဘာလ၂၄ ရက်နေ့တွင် ထုတ်ဖော်ပြောကြားလိုက်သည်။

 အင်ဒိုနီးရှားနိုင်ငံသည်မြန်မာ့နိုင်ငံရေး ပဋိပက္ခတွင် အဓိက ပါဝင်ပတ်သက်နေကြသည့် အဖွဲ့အစည်းများ၏တွေ့ဆုံဆွေးနွေးပွဲတစ်ခုကို နိုဝင်ဘာ (၂၀)ရက်မှ (၂၂)ရက်အထိဂျာကာတာမြို့တွင် ဦးဆောင်လက်ခံကျင်းပပေးခဲ့သည်။

အဆိုပါဆွေးနွေးပွဲသို့ ဒီမိုကရေစီလိုလားသော အဖွဲ့အစည်းများ၊ တိုင်းရင်းသားလက်နက်ကိုင်အဖွဲ့အစည်းများနှင့် စစ်ကောင်စီဘက်မှ ကိုယ်စားလှယ်များ တက်ရောက်ခဲ့သည်ဟုဖော်ပြထားပြီး မည်သူ မည်ဝါ တက်ရောက်ခဲ့သည်ကိုမူ အသေးစိတ်ထုတ်ဖော်ပြောဆိုခြင်းမရှိပေ။

 အင်ဒိုနီးရှားနိုင်ငံသည်ယခုနှစ် အာဆီယံအဖွဲ့ဥက္ကဌ တာဝန်ယူထားရပြီး မြန်မာ့နိုင်ငံရေး အကျပ်အတည်းကိုအဖြေရှာရန် ကြိုးပမ်းနေခဲ့သော်လည်း အာဆီယံဘုံသဘောတူညီချက် ငါးရပ်ကိုအကောင်အထည်ဖော်ရန် စစ်ကောင်စီက ပျက်ကွက်နေသည့်အတွက် ရလဒ်တစ်စုံတစ်ရာ မရရှိဘဲဖြစ်နေခဲ့သည်။

ဂျာကာတာ တွေ့ဆုံဆွေးနွေးပွဲသို့ အမျိုးသားညီညွတ်ရေးအစိုး၇(NUG)ကိုယ်စားလှယ်များ တက်ရောက်ခဲ့သည်ဟု သိရှိ၇သည်။

" အဓိက ရည်ရွယ်ချက်ကတော့ ပဋိပက္ခဖြစ်နေကြတဲ့အဖွဲ့အစည်းတွေအားလုံး ပါဝင်တဲ့ တွေ့ဆုံဆွေးနွေးပွဲတစ်ခု ပေါ်ပေါက်လာဖို့၊အကြမ်းဖက်တိုက်ခိုက်မှုတွေ လျှော့ချဖို့၊ ပဋိပက္ခကြောင့် စစ်ရှောင်နေကြရတဲ့ပြည်သူတွေဆီ လူသားချင်းစာနာထောက်ထားမှု အကူအညီတွေ အမြန်ဆုံးပေးပို့နိင်ဖို့ပဲဖြစ်တယ်" ဟု အင်ဒိုနီးရှားနိုင်ငံခြားရေးဝန်ကြီးဌာန၏ ကြေညာချက်တွင်ဖော်ပြထားသည်။

" အာဆီယံ အထူးကိုယ်စားလှယ်အဖွဲ့ရုံးကလည်းအဖွဲ့အစည်းအသီးသီးက မှာကြားလိုတဲ့ သတင်းစကားတွေကို အပြန်အလှန် ရောက်ရှိအောင်ကူညီပေးခဲ့ပြီး နောင် ဖြစ်ပေါ်လာဖွယ်ရှိတဲ့ အကြိုဆွေးနွေးပွဲအတွက်လမ်းဖွင့်ပေးခဲ့တယ်" ဟု ဆက်လက်ဖော်ပြထားသည်။

 အင်ဒိုနီးရှားနိုင်ငံသည်မြန်မာ့နိုင်ငံရေးအကျပ်အတည်းတွင် ထိရောက်ပြီး ခိုင်မာသော အဖြေတစ်ခု ရရှိရေးအတွက်အားလုံးပါဝင်သည့် အမျိုးသားတွေ့ဆုံဆွေးနွေးပွဲတစ်ခု ပေါ်ပေါက်လာစေရန်မျှော်လင့်လျှက်ရှိသည်။

 သို့သော်မြန်မာ့အရေး သံတမန်နည်းအရ အဖြေရှာရန် ကြိုးပမ်းမှုများ အောင်မြင်မှုမ၇သေးဘဲယခုချိန်တွင် မတည်ငြိမ်မှုနှင့် တိုက်ပွဲများ ပိုမိုပြင်းထန်လာနေဆဲဖြစ်သည်။

စစ်ကောင်စီတပ်များနှင့် တိုင်းရင်းသားလက်နက်ကိုင်တပ်များအကြား မကြာမီကဖြစ်ပေါ်ခဲ့သော တိုက်ပွဲများကြောင့် ၂၀၂၁ အာဏာသိမ်းပြီးနောက်ပိုင်း အများဆုံးအဖြစ်လူပေါင်း ၂၈၆၀၀၀ ကျော် နေရပ်စွန့်ခွါထွက်ပြေးနေ၇သည်ဟု ကုလသမဂ္ဂက ဗုဒ္ဓဟူးနေ့ကထုတ်ပြန်ကြေညာခဲ့သည်။

NN-27

 ref:cna