( စကစဘက်မှတပ်ရင်းမှူးအဆင့်အပါအဝင် အများအပြား လက်နက်ချ အညံ့ခံ)

ပဲခူးတိုင်းဒေသကြီး(အရှေ့)၊ တောင်ငူခရိုင်၊ ကျောက်ကြီးမြို့နယ် မုန်းမြို့ကိုကရင်အမျိုးသားလွတ်မြောက်ရေးတပ်မတော် (K.N.L.A) လက်အောက်ခံတပ်ရင်းတပ်ဖွဲ့များနှင့် တော်လှန်ရေး ပူးပေါင်းတပ်ဖွဲ့တို့မှဒီဇင်ဘာလ (၄) ရက်နေ့ ညနေ သိမ်းပိုက်ရရှိခဲ့သည်ဟု  KNUက သတင်း ထုတ်ပြန်သည်။

 ၎င်းမုန်းမြို့သည် ကေအဲန်ယူ−ကရင်အမျိုးသားအစည်းအရုံးကော်သူးလေအုပ်ချုပ်နယ်မြေ၊ ခလယ်လွီထူ (ညောင်လေးပင်) ခရိုင်၊ တပ်မဟာ (၃)နယ်မြေတွင် တည်ရှိသည်။

 

မုန်းမြို့ရှိ စစ်ကောင်စီတပ်၏ ခမ၇−၅၉၉၊ ခမ၇−၅၉၀၊မုန်းမြို့မ ရဲစခန်းနှင့် တံတားထိပ်ဂိတ် စခန်းတို့အားဒီဇင်ဘာလ (၂) ရက်နေ့ ည (၁၁း၄၀) အချိန်မှစတင်တိုက် ခိုက်ခဲ့ပြီး ယနေ့ ဒီဇင်ဘာလ (၄)ရက်နေ့ ညနေ (၅:၃၀) မိနစ်အချိန်တွင် ထိုစခန်းများအားလုံးကို သိမ်းပိုက်ရရှိခဲ့သည်ဟု ထုတ်ပြန်ချက်တွင်ဖော်ပြသည်။

 

ထိုစခန်းများအားတိုက်ခိုက်သိမ်းပိုက်စဉ်အတွင်း နှစ်ဖက်ထိခိုက်ကျဆုံးမှုများ ရှိခဲ့ပြီး အာဏာသိမ်းအကြမ်းဖက် စစ်ကောင်စီတပ်မှ တပ်ရင်းမှူး အဆင့်အပါအဝင် အများအပြား လက်နက်ချ အညံ့ခံခဲ့သည်။

 

လက်ရှိတွင် တော်လှန်ရေး တပ်ဖွဲ့ဝင်အင်အား (၁၅၀၀)ခန့်ဖြင့်နယ်မြေ ရှင်းလင်းရေးလုပ်ငန်းများအား ဆက်လက် လုပ်ဆောင်လျှက်ရှိသည်ဟု သိ၇သည်။

 

ထိုစခန်းများရှိအာဏာသိမ်းအကြမ်းဖက်စစ်ကောင်စီတပ်များသည် ပြည်သူလူထုများအား ပစ်မှတ်ထားပြီးပြည်သူလူထုများနေထိုင်သော ကျေးရွာများအတွင်းနှင့် လုပ်ကိုင်စားသောက်သောလုပ်ငန်းခွင် များအတွင်းသို့ လက်နက်ကြီးများဖြင့် ပစ်ခတ်တိုက်ခိုက်မှုများကိုမကြာခဏပြုလုပ်လျှက် ရှိသောကြောင့် ပြည်သူလူထု အမြောက်အများထိခိုက်သေဆုံးဒဏ်ရာရရှိခဲ့ကာ လုပ်ငန်းခွင်များအတွင်းသို့ သွားရောက်လုပ်ကိုင်နိုင်ရန်အခက်အခဲများဖြစ်ခဲ့၇သည်ဟုဆိုသည်။

 

ထိုကြောင့်မိမိတို့ ကရင်အမျိုးသားလွတ်မြောက်ရေးတပ်မတော် (K.N.L.A) လက်အောက်ခံတပ်ရင်း တပ်ဖွဲ့များနှင့်တော်လှန်ရေးပူးပေါင်းတပ်ဖွဲ့တို့မှ ပြည်သူလူထုများ၏ သဘောဆန္ဒနှင့် အညီ ထိုတပ်စခန်းများအား တိုက်ခိုက်ချေမှုန်း၇ခြင်းဖြစ်သည်ဟု ဖော်ပြထားသည်။ (  NN-30)

 

(ဓာတ်ပုံ- လက်နက်ချသော စစ်သားများနှင့် မိသားစုများကို တွေ့၇စဉ် (NUG)