စင်္ကာပူတွင် နေထိုင်သော မြန်မာနိုင်ငံသားအချို့၏ နိုင်ငံကူးလက်မှတ်များကို စစ်ကောင်စီပယ်ဖျက်
မြန်မာစစ်ကောင်စီသည်စင်္ကာပူနိုင်ငံတွင် အမြဲတမ်းနေထိုင်ခွင့်၇ထားသော မြန်မာနိုင်ငံသားအချို့၏နိုင်ငံကူးလက်မှတ်များကို ပယ်ဖျက်ထားသည်ဟု Straits Times သတင်းစာကရေးသားဖော်ပြလိုက်သည်။
Straits Times သတင်းစာ၏ရေးသားဖော်ပြချက်အ၇ စင်္ကာပူတွင် အမြဲတမ်းနေထိုင်ခွင့်(PR)၇ထားသူမြန်မာအမျိုးသမီး ဒေါ်မေကျော်သည် ပြီးခဲ့သည့်ဩဂုတ်လက မိတ်ဆွေတစ်ဦးနှင့်တွေ့ဆုံရန် ဘန်ကောက်သို့သွားရောက်စဉ် လေဆိပ်လူဝင်မှုကြီးကြပ်ရေး ကောင်တာက သူမ၏ ပတ်စ်ပို့မှာတရားမဝင်ဟု ပြောဆိုခံခဲ့၇သည်။
၂၀၀၈ခုနှစ်ကတည်းက စင်္ကာပူတွင် နေထိုင်ခဲ့ပြီး ပင်နင်ဆူလာ ပလာဇာတွင် ဆိုင်ဖွင့်ထားသော ဒေါ်မေကျော်က ၂၀၂၂ခုနှစ်တွင် သူမ၏နိုင်ငံကူးလက်မှတ် သက်တမ်းတိုးထားသည့်အတွက်၂၀၂၇ အထိ အကြုံးဝင်သည်ဟု ဆိုသည်။
သို့သော်မြန်မာစစ်ကောင်စီသည် ဒေါ်မေကျော်အပါအဝင် အနည်းဆုံး မြန်မာနိုင်ငံသားသုံးဦး၏ ပတ်စ်ပို့များကို ပယ်ဖျက်ထားသည်ဟု straits times က ရေးသားထားသည်။
ယခုကဲ့သို့နိုင်ငံကူးလက်မှတ် ပယ်ဖျက်ခံ၇ခြင်းမှာ သူမသည် အမျိုးသား ဒီမိုကရေစီအဖွဲ့ချုပ်(NLD) ကိုထောက်ခံအားပေးသူဖြစ်၍ ဖြစ်နိုင်သည်ဟု ဒေါ်မေကျော်ကဆိုသည်။
NUG အစိုးရနိုင်ငံခြားရေးဝန်ကြီးဌာနပြောရေးဆိုခွင့်ရှိသူတစ်ဦးက မြန်မာစစ်ကောင်စီသည်၄င်းတို့ ထိန်းချုပ်ထားသည့် သံရုံးများမှတဆင့် ပြည်ပရောက်၄င်းတို့အား ဆန့်ကျင်နေသူ မြန်မာနိုင်ငံသားများကို ပစ်မှတ်ထားနေသည်ဟုstraits times သို့ ပြောဆိုခဲ့သည်။
သူကစင်္ကာပူရှိ မြန်မာသံရုံးသည် မြန်မာနိုင်ငံသား သုံးဦး၏ နိုင်ငံကူးလက်မှတ်များကိုပယ်ဖျက်ထားသည်ဟု အတည်ပြုပြောကြားခဲ့သည်။
“ သူတို့လုပ်နိုင်တာကပြည်ပမှာနေထိုင်နေကြတဲ့ မြန်မာနိုင်ငံသားတစ်ဦးဦးရဲ့ ပတ်စ်ပို့ကိုအကြောင်းပြချက် တစ်စုံတရာမပေးဘဲ သက်တမ်းတိုးခွင့်မပြုတာ၊ တရားဝင်အဖြစ်ကရုပ်သိမ်းတာ၊ ပယ်ဖျက်တာပဲဖြစ်တယ်။ တခြားသောမြန်မာနိုင်ငံသားတချို့လည်းခုလို ပယ်ဖျက်ခံရတာ ရှိနိုင်ပါတယ်။ စင်္ကာပူအပြင်တခြားနိုင်ငံတွေမှာလည်း ခုလို ပယ်ဖျက်ခံ၇တဲ့သတင်းတွေ ကြားနေ၇ပါတယ်”ဟုဆက်လက်ပြောကြားသည်။
ဒေါ်မေကျော်၏ပြောပြချက်အ၇ သူမ၏ မိတ်ဆွေ၊ စင်္ကာပူတွင် အမြဲနေထိုင်ခွင့်၇ထားသူ တစ်ဦးသည်လည်းဗီယက်နမ်မှ စင်္ကာပူသို့ ပြန်လာစဉ် ယခုကဲ့သို့ပင်ပတ်စပို့တရားမဝင်ဟု ဆိုပြီး ပြည်ဝင်ခွင့်ငြင်းပယ်ခံခဲ့၇သည်ဟုဆိုသည်။
“ ကိုယ့်နိုင်ငံသားတစ်ယောက်ကိုခုလိုအနိုင်ကျင့်တာ အစိုးရတစ်ရပ်ရဲ့ အလုပ်မဟုတ်ဘူး။ခုဆိုရင် လူတွေက သူတို့လည်း အဲဒီလိုဖြစ်လာမလားဆိုပြီး စိုးရိမ်ပူပင်နေ၇တယ်”ဟုဒေါ်မေကျော်က ဆိုသည်။
စင်္ကာပူလူစွမ်းအားဝန်ကြီးဌာန(MOM) နှင့် လူဝင်မှုကြီးကြပ်ရေး နှင့် ပြည်ဝင်/ထွက် စစ်ဆေးရေး အာဏာပိုင်(ICA)တို့၏ပူးတွဲထုတ်ပြန်ချက်အ၇ စင်္ကာပူတွင်ကာလရှည်နေထိုင်သူများနှင့် အမြဲတမ်း နေထိုင်ခွင့်ရထားသူများ အနေဖြင့်ခရီးသွားလာခွင့်အထောက်အထား ပယ်ဖျက်ထားမှုကြောင့်၄င်းတို့၏ စင်္ကာပူတွင် နေထိုင်မှု နှင့် အလုပ်လုပ်ကိုင်မှုကိုထိခိုက်စေမည်မဟုတ်ဟု သိရှိ၇သည်။
အဆိုပါဌာနနှစ်ခုစလုံးကစင်္ကာပူတွင်နေထိုင်သော နိုင်ငံခြားသားများအနေဖြင့် တရားဝင်နိုင်ငံကူးလက်မှတ်မရှိသည့်တိုင်အောင် ပြည်ပနိုင်ငံတစ်ခုသို့ သွားရောက်ခွင့်နှင့် ဝင်ထွက်ခွင့် ရှိသည်ဟုဆိုသည်။
NN-27
ref: The Straits Times
လှူရန်