နောက်ထပ် နယ်ခြားစောင့်တပ်ဖွဲ့ဝင် ၁၁၁ ဦး ဘင်္ဂလာသို့ ထပ်မံထွက်ပြေးခိုလှုံလာသဖြင့် ခိုလှုံလာသူ အရေအတွက် ၂၂၄ ဦးအထိရှိလာ
မြန်မာဘက်က နောက်ထပ် နယ်ခြားစောင့်တပ်ဖွဲ့ဝင် ၁၁၁ ဦး ထပ်မံထွက်ပြေးခိုလှုံလာသဖြင့် ဖေဖော်ဝါရီ ၆ ရက်နေ့ထိ ဝင်ရောက်လာသူ နယ်ခြားစောင့်တပ်ဖွဲ့ဝင်အရေအတွက်မှာ ၂၂၄ ဦးရှိသွားပြီဟု ဒေသအတွင်း သတင်းဌာနတစ်ခုဖြစ်သည့် အိုကီးယားနယူးစ်တွင်သတင်းဖော်ပြသည်။
၎င်းတို့သည် နယ်စပ်တွင် ရက္ခိုင့်တပ်တော်နှင့် တိုက်ပွဲဖြစ်ပွားရာမှထွက်ပြေးလာကြပြီး ဘင်္ဂလားဒေ့ရှ်ကို ခိုလှုံလာကြသူများဖြစ်သည်ဟုဆိုသည်။
ယခင်အစောပိုင်းက ဝင်ရောက်လာသူ ၁၁၃ ဦးရှိပြီး လက်ရှိ ဝင်ရောက်ခိုလှုံလာသူ၁၁၁ ဦးနှင့် ပေါင်လျှင် စုစုပေါင်း ၂၂၄ ဦးရှိသွားပြီဟု ၎င်းသတင်းတွင် ဖော်ပြထားသည်။
ဘင်္ဂလားဒေ့ရှ်နိုင်ငံခြားရေးဝန်ကြီး HasanMahmud က ဘင်္ဂလားဒေ့ရှ်ဆိုင်ရာ စစ်ကောင်စီ မြန်မာသံအမတ်အောင်ကျော်မိုးနှင့် လက်ထောက်နိုင်ငံခြားရေးဝန်ကြီး ဦးလွင်ဦးတို့က ထွက်ပြေးခိုလှုံနေသည့်နယ်ခြားစောင့်တပ်များသားများအား ပြန်ခေါ်ယူမည်ဖြစ်ကြောင်း ဘင်္ဂလားဒေ့ရှ်နိုင်ငံခြားရေးဝန်ကြီးဌာနသို့ဆက်သွယ်ပြောကြားလာသည်ဟု သတင်းတစ်ရပ်တွင် ဖော်ပြထားသည်။
ရက္ခိုင့်တပ်တော်သည် မောင်တောမြို့နယ်မြောက်ပိုင်းမှ တောင်ပြိုမြို့ (လက်ဝဲ) နှင့် (လက်ယာ) နယ်ခြားစောင့်စခန်းနှစ်ခုလုံးကို ဖေဖော်ဝါရီ ၄ ရက်နေ့ နံနက်ပိုင်းက ဝင်ရောက်တိုက်ခိုက်ခဲ့ပြီး တောင်ပြိုလယ်ယာစခန်းကို သိမ်းပိုက်ထားပြီဟု သိ၇သည်။
လှူရန်