ဘင်္ဂလားဒေ့ရှ်နိုင်ငံထဲသို့ ထွက်ပြေးလာသည့် လက်နက်ကိုင် ၂၃ ဦးကို နယ်ခြားစောင့်တပ်က ဖမ်းဆီးတရားစွဲဆိုထား
မြန်မာစစ်တပ်နှင့် ရခိုင်တပ်တော် (AA) တို့ နယ်စပ်ဒေသတွင် တိုက်ပွဲဖြစ်ပွါးစဉ် ဘင်္ဂလားဒေ့ရှ် နိုင်ငံထဲသို့လက်နက်ကိုင်ပြီး ထွက်ပြေးဝင်ရောက်လာသည့်လက်နက်ကိုင် ၂၃ဦးကို ဘင်္ဂလားဒေ့ရှ် နယ်ခြားစောင့်တပ်ကဖမ်းဆီးပြီး တရားစွဲဆိုထားသည်ဟု သိရှိ၇သည်။
အဆိုပါမြန်မာနိုင်ငံသားများကို ကော့ဘဇားရဲတပ်ဖွဲ့မှ ရဲအုပ် မဟာဖူဇူလ် အစ္စလမ်က လက်နက် ၁၅ လက်နှင့်အတူဘင်္ဂလားဒေ့ရှ်နယ်ခြားစောင့်တပ်ကိုယ်စား ရဲစခန်းသို့လွှဲပြောင်းပေးခဲ့သည်ဟု ဆိုသည်။
အဆိုပါကိစ္စနှင့်ပတ်သက်၍နယ်ခြားစောင့်တပ်က တစ်စုံတရာထုတ်ဖော်ပြောဆိုခြင်း မရှိသော်လည်းရဲစခန်းက မှတ်တမ်းယူ တရားစွဲဆိုထားသည်ဟု သိ၇သည်။
မြန်မာစစ်တပ်နှင့် ရက္ခိုင့်တပ်တော်၏ တိုက်ပွဲတွေကြားမှာ ဘင်္ဂလားဒေ့ရှ်နယ်ခြားစောင့်တပ်က ကျူးကျော်ဝင်ရောက်လာသည် ရိုဟင်ဂျာ လက်နက်ကိုင် ၂၃ ဦးကို ရဲတပ်ဖွဲ့ကဖမ်းဆီးလိုက်သည်ဟု The FinancialExpress တွင် သတင်းဖော်ပြသည်။
ရဲတပ်ဖွဲ့က၎င်းတို့အား တရားဥပဒေအရ အရေးယူဆောင်ရွက်နေပြီး ဒုက္ခသည်စခန်းများတွင်မှတ်ပုံတင်ထားသော နေထိုင်သူများဖြစ်ကြသည်ဟုဆိုသည်။
ဒုက္ခသည်စခန်းတွင် နေထိုင်သူများသည် မြန်မာနိုင်ငံအတွင်းသို့အဘယ်ကြောင့် နယ်စပ်ကို ဖြတ်ကျော်ဝင်ရောက်သွားနိုင်ခဲ့သည်ကို ရှာဖွေစစ်ဆေးရန်ကြိုးပမ်းနေကြောင်း ခရိုင်ရဲမှူး Mahfuzul Islam ကပြောသည်။
၎င်းတို့အားဖမ်းဆီးပြီးနောက် ကော့စ်ဘဇားခရိုင် Ukhiya ရဲစခန်းတွင်အမှုဖွင့် အရေးယူခဲ့သည်ဟု ၎င်းသတင်းတွင် ဖော်ပြထားသည်။
သို့သော်လည်း အခြားသောသတင်းအရင်းမြစ်တစ်ခုကို ကိုးကားပြီး DhakaTribune ကသတင်းဖော်ပြရာတွင် အဆိုပါလက်နက်ကိုင်ဝင်ရောက်လာသူများမှာမြန်မာနိုင်ငံမြောက်ပိုင်းမှ အကြမ်းဖက်ခေါင်းဆောင်နာဘီဟူစိန် ဦးဆောင်သည့်အဖွဲ့မှ အဖွဲ့ဝင်များဖြစ်သည်ဟုဖော်ပြသည်။
ပလောင်ခါလီယူနီယံ ပါရီရှက် ဥက္ကဋ္ဌ ချောင်ဒူရီ၏ ပြောကြားချက်အရ အင်္ဂါနေ့က ရာမတ်ဘီလ် နှင့် အဂျူမန်ပါရာနယ်ခြားမှတစ်ဆင့်ဘင်္ဂလော့းဒေ့ရှ်ထဲသို့ လူအများအပြားဝင်ရောက်လာကြောင်း၊အများစုမှာ ဘင်္ဂလားဒေ့ရှ်နယ်ခြားစောင့်တပ်(BGB)ထံလက်နက်အပ်နှံအဖမ်းခံခဲ့ကြကြောင်း၊ ထို့အပြင်မြန်မာနိုင်ငံမြောက်ပိုင်းမှ မွတ်ဆလင်လက်နက်ကိုင်အဖွဲ့ဝင် ၃၀ကိုလည်းဖမ်းဆီးပြီး ဘင်္ဂလားဒေ့ရှ်နယ်ခြားစောင့်တပ်က ထိန်းသိမ်းထားကြောင်း ပြောကြားခဲ့သည်။
နာဘီဟူစိန်ခေါင်းဆောင်သည့် မြန်မာနိုင်ငံမြောက်ပိုင်းမှ မွတ်ဆလင်အကြမ်းဖက်အဖွဲ့သည်ဘင်္ဂလားဒေ့ရှ်-မြန်မာနယ်စပ် ရာမတ်ဘီလ် တစ်ဖက်ကမ်းတွင်အခြေစိုက်လှုပ်ရှားနေသည်မှာကြာပြီဖြစ်ကြောင်း၊ ၇ခိုင်တပ်တော်အေအေနှင့် မြန်မာစစ်တပ်တို့ တိုက်ပွဲများဖြစ်ပွါးပြီးနောက် အဆိုပါအဖွဲ့ဝင်၅၀-၆၀ ခန့်သည် လက်နက်များနှင့်အတူ မွတ်ဆလင်ဒုက္ခသည်စခန်းများသို့ဝင်လာခဲ့ကြောင်း၊ ၄င်းတို့အနက် ၃၀-၃၅ဦးခန့်ကိုနယ်ခြားစောင့်တပ်ထံ လွှဲအပ်ခဲ့သည်ဟု အခြားသော သတင်းရင်းမြစ်တစ်ခုကို Dhaka Tribune က ကိုးကား ရေးသားထားသည်။
Ref: Dhakatribune/theFinancial Express
လှူရန်