မြန်မာဘက်က ဒဏ်ရာရအမျိုးသမီးတစ်ဦးအပါအဝင် ၅ ဦး စက်လှေငယ်တစ်စီးဖြင့် ဘင်္ဂလားဒေ့ရှ်သို့ ရောက်ရှိလာ

မြန်မာဘက်က ကျည်ဆံ ဒဏ်ရာရထားသူ အမျိုးသမီး တစ်ဦးအပါအဝင် လူ ၅ ဦးသည် လှေတစ်စီးနှင့်အတူ ဘင်္ဂလားဒေ့ရှ် နိုင်ငံထဲကို ဝင်ရောက်လာသည်ဟု သိရသည်။

၎င်းတို့သည် ယမန်နေ့ ညနေ  ၄ နာရီခန့်က ကော့စ်ဘဇားခရိုင်၊ တက်ကနက်မြို့နယ်၊ ShapureeDwip ဆိပ်ကမ်းသို့ ရောက်ရှိလာခဲ့သည်ဟု ဆိုသည်။

Abdus Salam ဆိုသည့် ဒေသအတွင်းက လူကြီးတစ်ဦးက “သတင်းရရှိပြီးတဲ့နောက် နယ်ခြားစောင့်တပ်က အဲဒီနေရာကို စစ်ဆေးဖို့ သွားနေပါတယ်။ ကျွန်တော်တို့ ကြားတာက သူတို့ ဆေးကုဖို့လာတယ်လို့ သိရပါတယ်” ဟု ပြောသည်။

နောက်ထပ် စျေးဆိုင်ရောင်းသူတစ်ဦးကလည်း လှေပေါ်တွင် စုစုပေါင်း လူ ၅ ဦးပါလာသည်ဟု ပြောကြားသည်။   သို့သော်လည်း အဆိုပါ ဝင်ရောက်လာသူ ၅ ဦးနှင့် ပတ်သက်ပြီး သတင်းတွင် အသေးစိတ်ဖော်ပြထားခြင်း မရှိပါ။

တစ်ချိန်တည်းတွင် ရခိုင်နယ်စပ်တစ်လျှောက်တွင် ရက္ခိုင့်တပ်တော်နှင့် မြန်မာစစ်တပ် လက်နက်ကိုင် တပ်ဖွဲ့များအကြား တိုက်ပွဲများ ဆက်တိုက်ဖြစ်ပွားနေခြင်းကြောင့် ပေါက်ကွဲမှုများ ဆက်တိုက် ကြားနေရသဖြင့် ShapureeDwip မြို့ခံလူများအကြား စိုးရိမ်ထိတ်လန့်မှု ဖြစ်ခဲ့ရသည်။

ဘင်္ဂလားဒေ့ရှ် နယ်ခြားစောင့်တပ် BGB နှင့် ဘင်္ဂလာ ကမ်းခြေစောင့်တပ်ဖွဲ့ဝင်များသည် မြန်မာနယ်စပ်ဘက်မှ ထပ်မံဝင်ရောက်လာမှုကို တားဆီးရန်အတွက် နတ်မြစ်အတွင်း တင်းကြပ်စွာ ကင်းလှည့်လျက်ရှိသည်။

စနေနေ့က မော်တာကျည် ပေါက်ကွဲသံကြောင့် ဘင်္ဂလားဒေ့ရှ် ဘက်ခြမ်းရှိ နေအိမ်များ တုန်လှုပ်သွားကာ ဒေသခံများ အထိတ်တလန့် ဖြစ်ခဲ့ရကြောင်း၊  ပေါက်ကွဲသံများကြားပြီးနောက် ဒေသခံများ စိုးရိမ်ထိတ်လန့် ဖြစ်ခဲ့ကြရသည်။

တက်ကနက်မြို့ အမှတ် (၂) BGB တပ်ရင်းမှူး  ဒုဗိုလ်မှူးကြီး Mohiuddin Ahmed က “ ယမန်နေ့ နံနက်က မြန်မာနိုင်ငံအတွင်း ပြင်းထန်စွာ ပစ်ခတ်မှု သတင်းကို ကြားရကြောင်း၊ သို့အတွက် နယ်စပ်တလျှောက် လုံခြုံရေးကို တိုးမြင့်ပြီး ကင်းလှည့်မှုများ ပိုမို လုပ်ဆောင်ထားသည် ပြောဆိုသည်။ (NN-30)