ချစ်အိလှိုင်၊ နိရဉ္စရာ၊ မတ် ၂၆/ ၂၀၂

ကရင်ပြည်နယ်၊ ကော့ကရိတ်မြို့နယ်ရှိ ကော့ဘိန်းနယ်မြေရဲစခန်းကို ယမန်နေ့ မတ်လ ၂၅ ရက်နေ့ နေ့လယ် ၁ နာရီခန့်တွင် Lion Battalion ဗျူဟာစစ်ကြောင်း မှအပြီးသတ်သိမ်းပိုက်နိုင်ခဲ့ပြီး စကစတပ်သား ၅ ဦးသေဆုံးပြီး စစ်သုံ့ပန်း ၂၃ ဦးနှင့် လက်နက်အများအပြားသိမ်းဆည်း၇ရှိခဲ့ကြောင်းသိ၇သည်။

လွန်ခဲ့သည့် မတ်လ ၂၄ ရက်နေ့ နံနက်မှစ၍ စစ်ကောင်စီနှင့် Lion Battalion စစ်ကြောင်းတို့ နှစ်ဖက်အပြန်အလှန်တိုက်ခိုက်ခဲ့ကြပြီး နောက်တနေ့ နေ့လယ် ၁ နာရီခန့်တွင် စစ်ကောင်စီနယ်မြေ ရဲစခန်းကို တိုက်ခိုက်သိမ်းပိုက်နိုင်ခဲ့ခြင်းဖြစ်ကြောင်း ၎င်း Lion Battalion က ထုတ်ပြန်ထားသည်။

“ရန်သူ့လေကြောင်း ပစ်ကူများကြားမှအောင်မြင်စွာ စခန်းသိမ်းပိုက်နိုင်ခဲ့ပြီး စနစ်တကျ ပြန်လည်ဆုတ်ခွာခဲ့သည်။ သိမ်းပိုက်ရရှိသော ကော့ဘိန်းရဲစခန်းအား မီးရှို့ဖျက်ဆီးခဲ့ပြီး တိုက်ပွဲအတွင်း အကြမ်းဖက်စစ်ကောင်စီမှ သုံ့ပန်း ၂၃ ဦး၊ သေဆုံးသူ အလောင်း ၅ လောင်းနှင့် လက်နက် ၂၇ လက်ရရှိခဲ့ပြီး စစ်ကောင်စီဖက်မှ လေကြောင်းအကြိမ်ရေအများအပြား စစ်ကူပစ်ခတ်ခဲ့မှုကြောင့် ကျေးရွာစာသင်ကျောင်းနှင့် လူထုနေအိမ်များ ပျက်စီးခဲ့၇သည်”ဟု Lion Battalion ကထုတ်ပြန်ထားသည်။

သို့ရာတွင် ၎င်းတို့ဘက်မှလည်း တော်လှန်ရေး ရဲဘော်နှစ်ဦးကျဆုံးခဲ့ကြောင်း သိ၇သည်။

တိုက်ပွဲဖြစ်ပွားရာ ကော့ဘိန်းနယ်မြေရဲခစန်းအနီးအနားကျေးရွာများကိုစစ်ကောင်စီမှ လေကြောင်းတိုက်ခိုက်မှုများ ယမန်နေ့ ညနေပိုင်းအထိရှိနေဆဲဖြစ်ကြောင်း ကျေးရွာသားအများအပြား အိုးအိမ်စွန့်ခွာထွက်ပြေးနေကြ၇ကြောင်း ဒေသခံများက ပြောသည်။

အဆိုပါ အောင်ပွဲရ စစ်ကြောင်းအတွင်း Lion Battalion စစ်ကြောင်းအပြင် မွန်ပြည်သစ်ပါတီ(AD)၊ မွန်ပြည်လွတ်မြောက်ရေးတပ်မတော်၊ ဂဠုန်စစ်ကြောင်း၊ ကျားဖြူစစ်ကြောင်း၊ ရှားထူးဝေါ်နည်းပညာတပ်ဖွဲ့၊ KNDO တပ်ရင်း ၆၊ စောနဂါးတပ်ဖွဲ့၊ SDDF ဒရုန်းတပ်ဖွဲ့နှ့ အယ်ဖာဘတ်ဒရုန်းတပ်ဖွဲ့ တို့ပူးပေါင်းတိုက်ခိုက်ခဲ့ကြခြင်းဖြစ်ကြောင်း သိ၇သည်။