နိရဉ္စရာ (ဘာသာပြန်သတင်း)မတ် ၂၆/၂၀၂၄

မြန်မာစစ်ကောင်စီတပ်များနှင့် ရခိုင်တပ်တော်(AA)တို့ နယ်စပ်ဒေသတွင် တိုက်ပွဲများ ပြန်လည် ဖြစ်ပွားနေသဖြင့်တစ်ပတ်ကြာ ငြိမ်သက်နေခဲ့သော ဘင်္ဂလားဒေ့ရှ် နတ်မြစ်တစ်လျှောက်တွင် ပေါက်ကွဲသံများ၊သေနတ်ပစ်ခတ်သံများကို ထပ်မံ ကြားနေရသည်ဟု ဘင်္ဂလားဒေ့ရှ်ဒေးလီးစတား သတင်းစာကရေးသားဖော်ပြလိုက်သည်။

ကော့ဘဇားခရိုင်၊တက်ခ်နက်မြို့နယ် ဒေသခံများ၏ပြောကြားချက်အရ ယမန်နေ့က ဖြစ်ပွားခဲ့သော ဘင်္ဂလားဒေ့ရှ်-မြန်မာနယ်စပ်အနီးပစ်ခတ်မှုများသည် ငါးနာရီကြာပြီး နံနက် ၃း၀၀ နာရီကျမှ ရပ်စဲသွားသည်ဟု သိ၇သည်။

" သေနတ်သံတွေကနယ်စပ်နဲ့ အလှမ်းဝေးတဲ့ ကျနော့်အိမ်က ကြားနေရတယ်။ ခုလို တိုက်ပွဲတွေ ပြန်ဖြစ်နေတဲ့အတွက်နယ်စပ်တစ်လျှောက် နေထိုင်တဲ့ လူတွေရဲ့ နေ့တဓူ၀ အလုပ်အကိုင်တွေကို ထိခိုက်စေပါတယ်။လယ်သမားတွေရော၊ ငါးဖမ်းလုပ်သားတွေပါ အသက်အန္တရာယ်စိုးရိမ်ရလို့အပြင်မထွက်ရဲကြတော့ဘူး" ဟု နယ်စပ်ဒေသ ဝါးခွပ်ချောင်း တိုက်နယ် လက်အောက်ရှိရပ်ကွက်(၆)အဖွဲ့ဝင် ကာဘီယာ အာမက်က ပြောကြားခဲ့သည်။

ဘင်္ဂလားဒေ့ရှ်နယ်ခြားစောင့်တပ်၊ အမှတ် ၂ တပ်ရင်းမှ တပ်မှူး ဒု-ဗိုလ်မှူးကြီး မိုဟူဒင်အာမက်ကလက်ရှိအခြေအနေကြောင့် နယ်ခြားစောင့်တပ်ဖွဲ့ဝင်များကိုလုံခြုံရေးခြိမ်းခြောက်လာနိုင်သည့် အနေအထားနှင့် နယ်မြေထဲ့သို့စိမ့်ဝင်လာနိုင်သည့် အနေအထားများကြောင့် အသင့်ရှိနေရန် တပ်လှန့်ထားသည်။

ပြီးခဲ့သည့်ဖေဖော်ဝါရီလအတွင်း တောင်ပြိုနယ်စပ်တွင်ဖြစ်ပွားသော စစ်ကောင်စီ နှင့် ရက္ခိင့်တပ်တော်တို့ တိုက်ပွဲများကြောင့်မြန်မာစစ်ကောင်စီ နယ်ခြားစောင့်တပ်အဖွဲ့ဝင်များသည် ဘင်္ဂ လားဒေ့ရှ်နယ်မြေထဲပြေးဝင်ခိုလှုံမှုရှိခဲ့ပြီး ၎င်းတို့ကို စောင့်ရှောက်ကာ ပြန်ပို့ပေးခဲ့၇သည်။

မြန်မာစစ်ကောင်စီနှင့်ရခိုင့်တပ်တော် (AA) တို့၏ နယ်စပ်တစ်လျှောက်တိုက်ပွဲများကြောင့်ဘင်္ဂလားဒေ့ရှ်နယ်စပ်ဒေတွင် ထိခိုက် ဒဏ်ရာရရှိမှုများရှိခဲ့ပြီး ဖေဖော်ဝါရီကဖြစ်ပွားခဲ့သော တိုက်ပွဲတွင် မြန်မာဘက်ခြမ်းမှ မော်တာကျည်ကျရောက်ပေါက်ကွဲမှုကြောင့် ဘင်္ဂလားဒေ့ရှ် အမျိုးသမီးတစ်ဦးနှင့်အမျိုးသားတစ်ဦးတို့ သေဆုံးခဲ့၇သည်။ Ref: the daily star