အိမ်စိုးဖြူ၊ နိရဉ္စရာ၊ မတ် ၂၇/၂၀၂၄

မြန်မာနိုင်ငံဆိုင်ရာ ကနေဒါသံရုံးက စစ်ကောင်စီ၏ (၇၉)နှစ်မြောက် တပ်မတော်နေ့တွင် မြန်မာစစ်တပ်၏ လူ့အခွင့်အရေးချိုးဖောက်မှုများအား အပြင်းထန်ဆုံး ရှုတ်ချကြောင်း ထုတ်ပြန်သည်။ 

ထုတ်ပြန်ချက်ထဲတွင် “မြန်မာစစ်တပ်ကဆက်လက်ကျူးလွန်နေဆဲဖြစ်သော ရက်စက် ကြမ်းကြုတ်မှုများနှင့် လူ့အခွင့်အရေး ချိုးဖောက်ခြင်းများကို ကနေဒါနိုင်ငံကအပြင်းထန်ဆုံး ရှုတ်ချကြောင်း”  ဖော်ပြသည်။

စစ်တပ်၏အခန်းကဏ္ဍမှာ ပြည်သူများကို စောင့်ရှောက်ရန်နှင့် တိုင်းပြည်ကို ကာကွယ်ရန်ဖြစ်ပြီး မြန်မာစစ်တပ်သည် ၎င်းတာဝန်များကို ထမ်းဆောင်ရန် ဆက်လက် ပျက်ကွက်နေသည်။

“နေအိမ်များ၊ စာသင်ကျောင်းများ၊ကျန်းမာရေးစောင့်ရှောက်မှုစင်တာများနှင့် ဝတ်ပြုရာနေရာများ အပါအဝင်အရပ်သားများနှင့် အရပ်ဘက်ပစ္စည်းများကို တမင်ပစ်မှတ်ထားတိုက်ခိုက်ခြင်းအပြင်နိုင်ငံတကာဥပဒေကို ချိုးဖောက်သည့် အမျိုးသမီးများအပေါ်လိင်ပိုင်းဆိုင်ရာအကြမ်းဖက်မှုများ ကျယ်ကျယ်ပြန့်ပြန့်အသုံးပြုခြင်းကိုကျွနု်ပ်တို့ ရှုတ်ချပါသည်။ ရိုဟင်ဂျာတွေအပါအဝင်ထိခိုက်လွယ်သူတွေကို ဘေးကင်းရာကို ပြောင်းရွှေ့ခွင့်ပြုဖို့ စစ်အစိုး၇ကငြင်းဆန်ခဲ့တာကို လုံး၀လက်မခံနိုင်ပါဘူး” ဟု ဖော်ပြသည်။

စစ်တပ်ကို၎င်း၏ ရက်စက်ကြမ်းကြုတ်သော အကြမ်းဖက်မှုများကျူးလွန်ခြင်းအားရပ်တန့်ရန်ထပ်မံတောင်းဆိုလိုက်ပြီး မြန်မာနိုင်ငံအား လက်နက်များ၊ စစ်တပ်ဆိုင်ရာကိရိယာများ၊ စစ်ဘက်-အရပ်ဘက်သုံး ကိရိယာများ၊ လေယာဉ်ဆီနှင့် နည်းပညာဆိုင်ရာအထောက်အပံ့များ ပေးနေခြင်းကို ချက်ချင်း ရပ်တန့်ရန် နိုင်ငံများအားလုံးကို တိုက်တွန်းအပ်ပါကြောင်း ထုတ်ပြန်ချက်တွင်ဖော်ပြထားသည်။ 

ယနေ့တွင်မြန်မာပြည်သူများနှင့် ၎င်းတို့၏ ငြိမ်းချမ်းပြီး ဒီမိုကရေစီနည်းလမ်းကျသော၊အားလုံး ပါဝင်သောအနာဂတ်မျှော်မှန်းချက်များနှင့် ကျွနု်ပ်တို့တစ်သားတည်းရှိကြောင်း ဖော်ပြထားသည်။

“ဒီနေ့မှာတော့ မြန်မာပြည်သူတွေနဲ့စည်းလုံးညီညွတ်မှုရှိပြီး ငြိမ်းချမ်းတဲ့ ဒီမိုကရေစီနဲ့ အားလုံး ပါဝင်နိုင်တဲ့အနာဂတ်အတွက် သူတို့ရဲ့ မျှော်မှန်းချက်တွေကို ထပ်လောင်းအတည်ပြုပါတယ်။”