နွေနေ၊ နိရဉ္စရာ မတ်၂၉/၂၀၂၄ (နိုင်ငံတကာ)

ထိုင်းနိုင်ငံ၊ရာယောင်းပြည်နယ်၊ ပလောက်ဒန်ရှိ တရုတ်ကုမ္ပဏီပိုင် သံမဏိစက်ရုံဆောက်လုပ်ရေး လုပ်ငန်းခွင်တွင် မတ်လ ၂၉ ရက် ညနေပိုင်းက ကရိန်းပြိုကျမှုဖြစ်ပွားခဲ့ရာ အနည်းဆုံး အလုပ်သမား ခြောက်ဦးသေဆုံးပြီး အများအပြားဒဏ်ရာရခဲ့သည်ဟုသိရှိ၇သည်။

သေဆုံးသူများအနက်ငါးဦးမှာ မြန်မာအလုပ်သမားများဖြစ်သည်ဟု သိရှိရပြီး အလုပ်သမားများကသေဆုံးသူများ၏ ရုပ်အလောင်းကို အရေးပေါ် ကယ်ဆယ်ရေးယာဉ်များအားသယ်ယူခွင့်မပြုဘဲ ဝိုင်းဝန်းတားဆီးဆန္ဒပြခဲ့သည်ဟု people spring ဖေ့စ်ဘွတ်တွင်ဖော်ပြထားသည်။

တာဆစ်ရွာတွင်တည်ရှိသော အထပ်ခြောက်ထပ်ပါ ဆင်ကာယွမ် သံမဏိစက်ရုံ ဆောက်လုပ်ရေး လုပ်ငန်းခွင်အတွင်းညနေ ၄:၃၀ နာရီတွင် ကရိန်းပြိုကျမှုဖြစ်ပွားခဲ့ပြီး အလုပ်သမား ခုနစ်ဦး သေဆုံးကာ၂၀ ဦး ဒဏ်ရာ၇သည်ဟု အခြားသော သတင်းများတွင်ဖော်ပြသည်။

ဘန်ကောက်ပို့စ်သတင်း၏ဖော်ပြချက်အရ ရွှေ့ပြောင်းအလုပ်သမားများက အရေးပေါ် လူနာတင် ကားများအားသေဆုံးသူများ၏ အလောင်းကို သယ်ယူခွင့်မပြုဘဲ ကုမ္ပဏီပိုင်ရှင်အားသေဆုံးသူများ၏ မိသားစုကို လျော်ကြေးငွေ ဘတ် ၅ သန်း တောင်းခံခဲ့ကြသည်ဟုဆိုသည်။

ထိုင်းရဲများကသေဆုံးသူများ၏ အလောင်းကို သယ်ယူရန်နှင့် ဒဏ်ရာရသူများကို ဆေးရုံတင်ပို့ရန်ဆန္ဒပြ ရွှေ့ပြောင်းအလုပ်သမားများနှင့် ညှိနှိုင်းပေးခဲ့ရသည်ဟုသိ၇သည်။

အဆိုပါဆောက်လုပ်ရေးလုပ်ငန်းခွင်တွင် မြန်မာအလုပ်သမားများအပါအဝင် အလုပ်သမား ၃၀၀၀ ကျော် အလုပ်လုပ်လျှက်ရှိသည်ဟု သိရှိ၇သည်။ ref:Bangkok Post