(တပ်မမှူးအဆင့်ရှိသူ ဗိုလ်မှူးချုပ် ၆ ဦး လက်နက်ချခဲ့ကြသလိုတိုက်ပွဲအတွင်းတပ်မမှူး ၃ဦး အထိ သေဆုံးခဲ့)

လူထက်နိုင်(ဒွာရာမြီ)၊ နိရဉ္စရာ၊ဧပြီ၁/၂၀၂၄

ကချင်ပြည်နယ် မိုးမောက်- လွယ်ဂျယ်ဒေသ၌ စစ်ကောင်စီတပ်နှင့် ကချင် လွတ်လပ်ရေးတပ်မတော် (KIA) တို့ ဖြစ်ပွားခဲ့သော တိုက်ပွဲများအတွင်း စစ်ကောင်စီ တပ်မ ၈၈ တပ်မမှူး ဗိုလ်မှူးချုပ် မင်းထွဋ်ဦးသေဆုံးသွားကြောင်း KIA သတင်းနှင့်ပြန်ကြားရေးတာဝန်ခံဗိုလ်မှူးကြီးနော်ဘူမှ နိရဉ္စရာ သတင်းဌာနအား အတည်ပြုသည်။

“ ဟုတ်ပါတယ်။ ၂၉ရက်နေ့မှာဖြစ်ပါတယ်။မာန်နောင်ဆိုတဲ့ရွာနားမှာတိုက်ပွဲတွေရှိတယ်။စစ်ကောင်စီဖက်ကတော့Y 12 လို့ကျွန်တော်တို့ယူဆ၇တဲ့လေယာဉ်နဲ့ပစ်ကူတာ၊တိုက်ပွဲဖြစ်တဲ့နေရာ နဲ့သူနေတဲ့နေရာကတော့တော်တော်တော့ဝေးပါတယ်။ Y 12 နဲ့ပစ်တာ တပ်မမှုးရှိတဲ့နေရာမှာ ကျပြီးတော့ သေသွားတယ်။ ဆုံးသွားတယ်ဆိုတဲ့သတင်းကို၇ပါတယ်” ဟု ဗိုလ်မှူးကြီးနော်ဘူမှပြောသည်။

ကချင်ပြည်နယ်မိုးမောက်-လွယ်ဂျယ်ဒေသ၌စစ်ကောင်စီတပ်နှင့်ကချင်လွတ်လပ်ရေးတပ်မတော်(KIA) တို့ ဖြစ်ပွားခဲ့သောတိုက်ပွဲများအတွင်းဒဏ်ရာ၇ခဲ့သည့်တပ်မ၈၈တပ်မမှူးဗိုလ်မှူးချုပ်မင်းထွဋ်ဦးသည်ဗန်းမော်ဆေးရုံသို့တက်ရောက် ကုသနေစဉ် သေဆုံးသွားကြောင်းဒေသတွင်းသတင်းရင်းမြစ်တစ်ခုမှလည်းသိ၇သည်။

မတ်လ၂၉ရက်ကမိုးမောက်လွယ်ဂျယ်လမ်းပေါ်၌ဖြစ်ပွားသောတိုက်ပွဲအတွင်းစစ်ကောင်စီဘက်အထိအခိုက်များခဲ့ပြီးတပ်မ၈၈တပ်မမှူးမှာဒဏ်ရာ၇ခဲ့ကာဗန်းမော်ဆေးရုံသို့မတ်လ၂၉ရက်နေ့တွင်ရောက်ရှိလာခဲ့ပြီးနောက်တရက်တွင်သေဆုံးသွားခြင်းဖြစ်ကြောင်းသိ၇သည်။

ညီနောင်မဟာမိတ်၃ဖွဲ့၏၁၀၂၇စစ်ဆင်ရေးစတင်ပြီးနောက်ပိုင်းစစ်ကောင်စီတပ်မှတပ်မမှူး အဆင့်ရှိသူဗိုလ်မှူးချုပ်၆ဦးလက်နက်ချခဲ့ကြသလိုတိုက်ပွဲအတွင်းတပ်မ၉၉၊တပ်မ၈၈နှင့်တပ်မ  ၄၄ တပ်မမှူးတို့ သေဆုံးခဲ့ရကြောင်းသိ၇သည်။

ဓာတ်ပုံ- အင်တာနက်