(ဖိတ်ကြားထားသည့်အပေါ်အမြန်ဆုံး ပြန်လည် ရုပ်သိမ်းပေးရန်နယူးဇီလန်အစိုး၇အားပြင်းထန်စွာ တောင်းဆို)

ဂျွန်နသန်/နိရဉ္စရာ၊ ဧပြီ ၉

အာဆီယံ-နယူးဇီလန်ထိပ်သီးအစည်းအဝေးကိုတက်ရောက်ရန်မြန်မာ စစ်အစိုးရအားဖိတ်ကြားမှုအပေါ် ပြည်ပရောက် မြန်မာများက ပြင်းထန်စွာကန့်ကွက်လိုက်ပြီး မြန်မာ စစ်အစိုးရ၏ကိုယ်စားလှယ်များကို ဖိတ်ကြားထားသည့်အပေါ် ပြန်လည် ရုပ်သိမ်းပေးရန် နယူးဇီလန်အစိုးရအားပြင်းထန်စွာ တောင်းဆိုလိုက်သည်။

နယူးဇီလန်သည်လာမည့်သီတင်းပတ်အတွင်း အာဆီယံ (အရှေ့တောင်အာရှနိုင်ငံများအသင်း)ထိပ်သီးအစည်းအဝေးကို အိမ်ရှင်အဖြစ် လက်ခံကျင်းပ မည်ဖြစ်သည်။

နိုင်ငံအများစုသည်မြန်မာ စစ်အစိုးရ၏အုပ်ချုပ်မှုကိုဆန့်ကျင်နေသော်လည်း နယူးဇီလန်သည် မြန်မာနိုင်ငံမှတာဝန်ရှိသူများကို Wellington တွင်ကျင်းပမည့် အာဆီယံ-နယူးဇီလန်ထိပ်သီးအစည်းအဝေးကိုတက်ရောက်ရန် ဖိတ်ကြားထားသည်။

ထိုသို့ဖိတ်ကြားထားမှုအပေါ်နယူးဇီလန်ရောက်မြန်မာများက ပြင်းထန်စွာကန့်ကွက်လိုက်ပြီး  ဖိတ်ကြားမှုအပေါ်အမြန်ဆုံး ပြန်လည်ရုပ်သိမ်းပေးရန်နယူးဇီလန်အစိုး၇အားပြင်းထန်စွာ တောင်းဆိုလိုက်သည်။

ယခုနှစ်မတ်လအတွင်းက မဲလ်ဘုန်းတွင်ကျင်းပခဲ့သည့် အာဆီယံထိပ်သီးအစည်းအဝေးတွင်မူ မြန်မာနိုင်ငံကို ချန်လှပ်ထားခဲ့သည်။

သို့သော်လည်းမြန်မာ စစ်ခေါင်းဆောင်များသည်  နယူးဇီလန်၊ဝယ်လင်တန်တွင် လာမည့် ဧပြီလ ၁၈ ရက်မှ ၁၉ ရက်အထိ ကျင်းပမည့် အာဆီယံ-နယူးဇီလန်ထိပ်သီး ဆွေးနွေးပွဲသို့ တက်ရောက်ရန်မျှော်လင့်လျှက်ရှိနေသည်။

မြန်မာ့တပ်မတော်သည်၂၀၂၁ ခုနှစ် ဖေဖော်ဝါရီလတွင် ဒီမိုကရေစီနည်းကျ ရွေးကောက် တင်မြှောက်ထားသောအစိုးရကို ဖယ်ရှားကာ အာဏာသိမ်းခဲ့သည်။ထိုအချိန်မှစ၍ တော်လှန်ရေးသမားများသည်တပ်မတော်နှင့်တိုက်ပွဲများဖြစ်ပွားနေပြီး လူပေါင်း ထောင်နှင့်ချီ သေဆုံးပြီး ဒဏ်ရာရရှိခဲ့သည်။

နယူးဇီလန်အစိုးရသည် မြန်မာနိုင်ငံနှင့် အဆင့်မြင့်နိုင်ငံရေး ထိတွေ့ဆက်ဆံမှု အားလုံးကိုရပ်ဆိုင်းထားသည့်အပြင်စစ်အစိုးရကို အကျိုးပြုနိုင်သည့် အကူအညီပေးရေး အစီအစဉ်များကို ရပ်ဆိုင်းထားသည်။ ထို့အပြင်မြန်မာ စစ်ဘက်ထိပ်တန်းခေါင်းဆောင်များကိုလည်းခရီးသွားလာခွင့် ပိတ်ပင်သည့် စာရင်းတွင် ထည့်သွင်းထားသည်။