ထိုင်း-မြန်မာ နယ်စပ်တစ်လျှောက် ထိုင်းစစ်တပ်က လက်နက်ကြီးများ၊ စက်သေနတ်တင် စစ်သုံးကားများဖြင့် လုံခြုံရေးတိုးမြှင့်ထားပြီး မြ၀တီဘက်ခြမ်းကို အသင့်အနေအထားဖြင့် စောင့်ကြည့်နေ

Preview

ထိုင်း-မြန်မာ နယ်စပ်တစ်လျှောက် ထိုင်းစစ်တပ်က လက်နက်ကြီးများ၊ စက်သေနတ်တင် စစ်သုံးကားများဖြင့် လုံခြုံရေးတိုးမြှင့်ထားပြီး မြ၀တီဘက်ခြမ်းကို အသင့်အနေအထားဖြင့် စောင့်ကြည့်နေ

ဧပြီ ၁၀/ ၂၀၂၄ | ကြည့်ရှုသူ :664

ပြည်တွင်း သတင်း

အိမ်စိုးဖြူ

နိရဉ္စရာ၊ ဧပြီ ၁၀/ ၂၀၂၄

မြန်မာနိုင်ငံ၊ မြ၀တီဘက်ခြမ်းတွင် ဖြစ်ပေါ်နေသော တိုက်ပွဲများကြောင့် ထိုင်းစစ်တပ်သည် ထိုင်း- မြန်မာနယ်စပ်တလျှောက် လုံခြုံရေးတိုးမြှင့်ထားပြီး အသင့်အနေအထား စောင့်ကြည့်လျှက်ရှိကြောင်း သိ၇သည်။

ယမန်နေ့က မြ၀တီဘက်ခြမ်းမှ လက်နက်ကြီးပစ်သံများမှာ ထိုင်းနိုင်ငံ မဲဆောက်မြို့မှ ကျယ်လောင်စွာကြား၇ပြီး အလွန်နီးကပ်နေသဖြင့် ထိုင်းစစ်တပ်က မြ၀တီ- မဲဆောက်တံတားအမှတ်(၁) တံတားအောက်ဘက်နှင့် မဲဆောက်နယ်စပ်တလျှောက်တွင် လက်နက်ကြီးများ၊ စက်သေနတ်တပ်ဆင်ထားသည့် စစ်သုံးကားများဖြင့် လုံခြုံရေးတိုးမြှင့်ထားပြီး အသင့်အနေအထား စောင့်ကြည့်လျှက်ရှိကြောင်း ထိုင်းမီဒီယာများက ဖော်ပြထားသည်ကို တွေ့သည်။

"အထူးစစ်ဆင်ရေးကွပ်ကဲမှုဌာနချုပ် ရတ်ချမ်နူးမှ စစ်သားများသည် လက်နက်အပြည့်အစုံတပ်ဆင်ထားပြီး မဲဆောက်မြို့အမြဲတမ်းနယ်စပ်ဂိတ်တွင်ချထားသည်။ မြ၀တီခရိုင်တွင် တိုက်ပွဲပြင်းထန်စွာဖြစ်ပွားခဲ့သည်။" ဟု ထိုင်းမီဒီယာတချို့က ရေးသားထားသည်ကိုတွေ့၇သည်။

မြန်မာနယ်စပ် မြ၀တီခရိုင်အတွင်း လွန်ခဲ့သည့် ဧပြီလ ၆ ရက်နေ့က ပြည်သူ့ကာကွယ်ရေးတပ်များက သင်္ဃန်းညီနောင်ဗျူဟာကုန်းအပါအဝင် တပ်စခန်းတချို့ကို သိမ်းပိုက်ထိန်းချုပ်ခဲ့သည်။

ယင်းနောက် ဧပြီလ ၁၀ ရက်နေ့တွင် နံနက်ပိုင်းမှစ၍ လက်နက်ကြီးပစ်သံများနှင့် မြ၀တီမြို့နယ်အတွင်း နေရာတချို့တွင် မီးလောင်နေသည်ကို တွေ့ရသဖြင့် မဲဆောက်နေပြည်သူများ စိုးရိမ်နေကြကြာင်း သိ၇သည်။

#မြန်မာ-ထိုင်း

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ဆက်စပ် အကြောင်းအရာများ

နောက်ဆုံးရသတင်းများ