လူထက်နိုင်(ဒွာရာမြီ)၊နိရဉ္စရာ၊ ဧပြီ ၁၆ / ၂၀၂၄

သမ္မတဟောင်းဦးဝင်းမြင့်နှင့် အတိုင်ပင်ခံပုဂ္ဂိုလ်ဟောင်း ဒေါ်အောင်ဆန်းစုကြည်တို့ကို အကျဉ်းထောင်မှ နေရာရွှေ့ပြောင်းထားကြောင်း ဧပြီ ၁၆ ရက်နေ့တွင် သတင်းများ ထွက်ပေါ်လျက်ရှိသည်။

 ယခုသတင်းနှင့် ပတ်သက်ပြီး စစ်ကောင်စီပြောခွင့်၇ဗိုလ်ချုပ်ဇော်မင်းထွန်းကလည်း ဟုတ်မှန်ကြောင်း VOAနှင့် BBC သတင်းဌာနများကို ဖြေကြားထားသည်။

""သမ္မတဟောင်းဦးဝင်းမြင့်နဲ့ဒေါ်အောင်ဆန်းစုကြည်တို့ကိစ္စနဲ့ပတ်သတ်ပြီးပြောရမယ်ဆိုရင် ကျွန်တော်တို့ အနေနဲ့ ဒီအကျဉ်းထောင်တွေမှာရာသီဥတုအခြေအနေအ၇ အပူချိန်ပြင်းထန်နေတာတွေ ရှိတယ်။ ဒါတွေနဲ့ပတ်သတ်ပြီး သမ္မတဟောင်းဦးဝင်းမြင့်နဲ့ဒေါ်အောင်ဆန်းစုကြည်မှမဟုတ်ပါဘူး၊ ကျန်းမာရေးအ၇လိုအပ်တဲ့အကျဉ်းသားများ၊အသက်ကြီးနေတဲ့အကျဉ်းသားများနဲ့ပတ်သတ်ပြီး အပူဒဏ် သက်သာစေရေးအတွက် နည်းလမ်းများနဲ့ရှာဖွေပြီး ပြည်ထဲရေးဝန်ကြီးဌာနက ဆောင်ရွက်ပေးလျက်ရှိပါတယ်”ဟုဆိုသည်။

ဒေါ်အောင်ဆန်းစုကြည်နှင့်  ဦးဝင်းမြင့်တို့ကိုတရုတ်သံအမတ်နှင့် တွေ့ဆုံပေးရန်  နေရာ ရွှေ့ပြောင်းလိုက်ပြီး ဒေါ်စုရောဦးဝင်းမြင့်ရောက တရုတ်သံအမတ်နှင့် တွေ့ဆုံ ဆွေးနွေးရန် သဘောတူထားသည်ဆိုသော သတင်းများလည်းထွက်ပေါ်နေသည်။

ဦးဝင်းမြင့်သည် တောင်ငူထောင်တွင်လည်းကောင်း၊ ဒေါ်အောင်ဆန်းစုကြည်သည် နေပြည်တော် အချုပ်ထောင်တွင် လည်းကောင်း အကျဉ်းကျခံနေ၇ခြင်းဖြစ်သည်။

ထို့အပြင်အမျိုးသားဒီမိုကရေစီအဖွဲ့ချုပ်ပါတီ NLD သဘာပတိအဖွဲ့ဝင် ဦးဝင်းထိန် ကိုလည်း ဧပြီ ၉ ရက် မနေ့ ညနေပိုင်းတွင် မန္တလေးအိုးဘိုထောင်မှ မန္တလေးဆေးရုံကြီးကို ပို့ဆောင်ကုသထား ခဲ့ရကြောင်းသိ၇သည်။

ဦးဝင်းမြင့်သည် တရားစွဲဆိုခံထား၇သည့် အမှုပေါင်း ၈ မှုဖြင့် ထောင်ဒဏ် ၁၄ နှစ်၊ နိုင်ငံတော်၏ အတိုင်ပင်ခံပုဂ္ဂိုလ်ဟောင်း ဒေါ်အောင်ဆန်းစုကြည်သည် အမှုပေါင်း ၁၉ မှုဖြင့် ထောင်ဒဏ် ၃၂ နှစ် ချမှတ်ခံထားရကြောင်းသိ၇သည်။

(Photo: Eleven Media)