နိုင်ငံတကာလူသားချင်းစာနာထောက်ထားမှု ဥပဒေကိုလေးစားလိုက်နာရန် တိုက်တွန်း

ဂျွန်နသန်၊ နိရဉ္စရာ၊ ဧပြီ ၁၈/၂၀၂၄ 

ရခိုင်ပြည်နယ်၊ဘူးသီးတောင်မြို့ရှိ နယ်စည်းမခြား ဆရာဝန်များအသင်း(MSF)၏ ရုံးခန်းနှင့် ဆေးသိုလှောင်ရုံများ ဧပြီလ ၁၅ရက်နေ့က မီးရှို့ဖျက်ဆီးခံလိုက်၇ကြောင်း MSF ကထုတ်ပြန်ကြေညာသည်။

 ဘူးသီးတောင်မြို့နယ်ရှိရှိ MSF၏ရုံးခန်းနှင့် ဆေးပေးခန်းတို့ မီးလောင်ပျက်စီး သွားခဲ့သည့်အတွက် အထူးပင်တုန်လှုပ်မိကြောင်းMedecins Sans Frontières (MSF) မှ ယမန်နေ့က ထုတ်ပြန်သည်။

MSF ၏ရုံးခန်းနှင့် ဆေးပေးခန်း မီးလောင်မှုသည် ရခိုင်ပြည်နယ်ရှိ ပြည်သူများအတွက် ကျန်းမာရေးစောင့်ရှောက်မှုအခွင့်အလမ်းများဆုံးရှုံးသွားခဲ့၇ပြီး လူသားချင်းစာနာမှုဆိုင်ရာအကူအညီများ ဆက်လက်ပေးအပ်နိုင်ရေးအတွက်လည်း ထိုးနှက်ချက်တစ်ခု ဖြစ်ကြောင်း(MSF)က ဆိုသည်။

ဝန်ထမ်းများ ထိခိုက်ဒဏ်ရာရရှိမှုမရှိသော်လည်း ဆေးပစ္စည်းနှင့် ရုံးသုံးပစ္စည်းများ အားလုံးပျက်စီးဆုံးရှုံးခဲ့ပြီး ယင်းတွင် ပဋိဇီ၀ဆေးများကဲ့သို့သော အသက်ကယ်ဆေးများ၊အဆုတ်ရောင် ရောဂါကဲ့သို့သောရောဂါများကို ကုသရာတွင် အဓိကပါဝင်ပြီးအသက်ငါးနှစ်အောက်ကလေးများကို အဓိကထိခိုက်စေသည်။

ပြီးခဲ့သည့်သောကြာနေ့မှစပြီးဘူးသီးတောင်တွင် အကြမ်းဖက်တိုက်ခိုက်မှုများ တိုးလာနေချိန်တွင် MSF ရုံးဖျက်ဆီးခံ၇ခြင်းဖြစ်သည်။  

အိမ်ခြေ ၂၀၀ကျော် မီးရှို့ခံ၇မှုကြောင့် ထောင်နှင့်ချီသောပြည်သူများ အိုးအိမ်စွန့်ခွာထွက်ပြေး နေကြရပြီးအိုးအိမ်မဲ့ဖြစ်နေကြ၇သူများသည် MSF ရုံးနှင့်အနီးအနီးတစ်ဝိုက်တွင် ပုန်းရှောင် ခိုလှုံနေကြ၇သည်။

နိုင်ငံတကာလူသားချင်းစာနာထောက်ထားမှု ဥပဒေအ၇ ကျန်းမာရေးစောင့်ရှောက်မှု တာဝန်ဝတ္တရားများနှင့်ကျန်းမာရေးဆိုင်ရာ အဆောက်အအုံများကိုတိုက်ခိုက်ခြင်းမပြုလုပ်ရန် နိုင်ငံတကာလူသားချင်းစာနာထောက်ထားမှု ဥပ ေဒကိုလေးစားလိုက်နာရန် MSF က တိုက်တွန်းအပ်ပါသည်ဟု MSF ၏ထုတ်ပြန်ချက်တွင်ဖော်ပြထားသည်။

အရေးပေါ် ဆေးဝါးထောက်ပံ့မှုများပြုလုပ်နိုင်ရေး၊ ဘူးသီးတောင်တွင် ပျက်စီးသွားသော MSF ရုံးအတွက် ထောက်ပံ့ရေးပစ္စည်းများပြန်လည်ဖြည့်ဆည်းထားရှိရေး လွယ်ကူချောမွေ့စေရန်နှင့် ၂၀၂၃ ခုနှစ်နိုဝင်ဘာလကတည်းက ပြည်နယ်အတွင်း လူသားချင်းစာနာထောက်ထားမှုဆိုင်ရာသွားလာခွင့် ပိတ်ပင်ထားမှု ပြန်လည်ရရှိရေးတို့ကိုထည့်သွင်းစဉ်းစားရန် သက်ဆိုင်ရာအာဏာပိုင်များကို ကျွနု်ပ်တို့တိုက်တွန်းအပ်ပါသည် ဟုMSF ၏ထုတ်ပြန်ချက်တွင်ဖော်ပြထားသည်။