လူထက်နိုင်(ဒွာရာမြီ)၊နိရဉ္စရာ၊ ဧပြီ ၁၈ / ၂၀၂၄

ကရင်ပြည်နယ်၊မြ၀တီမြို့သို့ ထိုးစစ်ဆင်လာသော အကြမ်းဖက်စစ်ကောင်စီတပ်များအား ကရင်အမျိုးသားလွတ်မြောက်ရေးတပ်မတော်(KNLA) ကဦးဆောင်ပြီး ရှေ့ဆက်မတိုးနိုင်အောင် ဖြတ်တောက်ထားကြောင်း ကရင်အမျိုးသားအစည်းအရုံး KNU ဗဟိုက ဧပြီလ (၁၈) ရက် ယနေ့တွင် သတင်းထုတ်ပြန်သည်။

မြ၀တီမြို့တွင်နောက်ဆုံး ကျန်ရှိသော ခလ၇−၂၇၅ တပ်စခန်းအား ဧပြီလ (၁၁)ရက်နေ့တွင် KNLA ကဦးဆောင်ပြီး ကရင်အမျိုးသားကာကွယ်ရေးတပ်ဖွဲ့ (KNDO) နှင့်ပြည်သူ့ကာကွယ်ရေးတပ်ဖွဲ့ (PDF) တို့က တိုက်ခိုက်သိမ်းပိုက်လိုက်ပြီးနောက်စစ်ကောင်စီတပ်များအနေဖြင့် မြ၀တီမြို့အား ပြန်လည်ရရှိရန် “အောင်ဇေယျ” အမည်ဖြင့်နိုင်ငံတော်အဆင့် စစ်ဆင်ရေးတစ်ရပ်အား ဖော်ဆောင်ခဲ့သည်။ 

 ထိုသို့ထိုးစစ်ဆင်လာသော  အကြမ်းဖက် စစ်ကောင်စီတပ်များအား ၎င်းတို့လာရာ လမ်းတစ်လျှောက်တွင် KNLAနှင့် ပူးပေါင်းတပ်ဖွဲ့များက  အဆတ်မပြတ် ဖြတ်တောက် တိုက်ခိုက်ခြင်းများအားပြုလုပ်ခဲ့ကြောင်းသိ၇သည်။

ထိုသို့ဖြတ်တောက်တိုက်ခိုက်မှုကြောင့်စစ်ကောင်စီဘက်က သံချပ်ကာယာဉ်အပါအဝင် စစ်သုံးကား အချို့အား ဖျက်ဆီးနိုင်ခဲ့ပြီးစစ်ကောင်စီတပ်ဖွဲဝင် တစ်ရာကျော်မှာလည်းထိခိုက်ဒဏ်ရာရရှိမှုနှင့်သေဆုံးမှုများရှိသောကြောင့်ရှေ့သို့ဆက်မတိုးနိုင်ဘဲ ဒေါန တောင်တန်း အနောက်ဖက်တောင်ခြေတွင်သာ ရပ်တန့် နေကြောင်းသိ၇သည်။

ထိုးစစ်ဆင်လာသောအာဏာသိမ်းအကြမ်းဖက်စစ်ကောင်စီတပ်များသည် ၎င်းတို့ လာရာလမ်းတစ်လျှောက်တွင် စစ်ရေးပစ်မှတ်မဟုတ်သည့် အရပ်သားများနေထိုင်ရာနေရာဒေသများအားလက်နက်ကြီးဖြင့် ပစ်ခတ်ခြင်း လေကြောင်းမှ ဗုံးကြဲတိုက်ခိုက်ခြင်းတို့အားလုပ်ဆောင်ခဲ့ခြင်းကြောင့် အပြစ်မဲ့ အရပ်သားပြည်သူလူထုများ ထိခိုက်သေဆုံးဒဏ်ရာရရှိခဲ့ခြင်းများရှိသည့်အပြင် ပြည်သူ လူထုပိုင်ဆိုင်သောပစ္စည်းဥစ္စာများလည်း ထိခိုက်ပျက်စီးခဲ့၇ကြောင်း သတင်းထုတ်ပြန်ချက်တွင်ဖော်ကြထားသည်။

ဓါတ်ပုံ− KNU