ဂျွန်နသန်/ နိရဉ္စရာ၊ ဧပြီ ၁၉/၂၀၂၄

မြန်မာစစ်အစိုးရထိပ်တန်းအရာရှိများအပေါ် နိုင်ငံတကာက ပိတ်ဆို့အရေးယူမှုများကြောင့် ဘင်္ဂလားဒေ့ရှ်အနေဖြင့် မြန်မာစစ်တပ်နှင့် ပိုမိုကျယ်ပြန့်စွာ ထိတွေ့ဆက်ဆံမှုပြုရန် အတားအဆီးဖြစ်နေ ကြောင်း ဘင်္ဂလားဒေ့ရှ်တပ်မတော် အကြီးအကဲ က ပြောသည်။

ဘင်္ဂလားဒေ့ရှ်နှင့်  နယ်နိမိတ်ချင်းထိစပ်နေတဲ့ ဒေသအပါအဝင် နိုင်ငံအနှံ့အပြားရှိတော်လှန်သူများကို တိုက်ခိုက်နေ၇သည့် မြန်မာစစ်တပ်နှင့်ပတ်သက်ပြီး ဘင်္ဂလားဒေ့ရှ်၏ ရပ်တည်ချက်ကို ဘင်္ဂလားဒေ့ရှ်တပ်မတော်အကြီးအကဲ ဗိုလ်ချုပ်ကြီး SMShafiuddin Ahmed က ရှင်းပြခဲ့သည်။

ဘင်္ဂလားဒေ့ရှ်နိုင်ငံတကာနှင့်မဟာဗျူဟာလေ့လာရေးအင်စတီကျုမှ ကြီးမှူးကျင်းပသည့်ကာကွယ်ရေးသံတမန်ရေးရာဆိုင်ရာ ဆွေးနွေးပွဲတွင် မြန်မာစစ်အစိုးရထိပ်တန်းအရာရှိများအပေါ် နိုင်ငံတကာက ပိတ်ဆို့အရေးယူမှုများသည်မြန်မာစစ်တပ်နှင့် ပိုမိုကျယ်ပြန့်စွာ ထိတွေ့ဆက်ဆံခြင်းမှအတားအဆီးဖြစ် ကြောင်း၄င်းက ပြောကြားခဲ့သည်။

“ မြန်မာစစ်ခေါင်းဆောင်တွေနဲ့ ပိုပြီး ထိတွေ့ဆက်ဆံမလားဆိုတဲ့ မြန်မာနိုင်ငံနှင့် ပတ်သက်ပြီး အကြံ တစ်ခုရှိခဲ့ပါတယ်။။ တကယ်တော့ ကျွန်တော်တို့မှာထိတွေ့ဆက်ဆံမှုရှိပြီး တတ်နိုင်သမျှ လုပ်ဆောင် ပါတယ်။ ဒါပေမယ့်မြန်မာစစ်ခေါင်းဆောင်တချို့က နိုင်ငံတကာက ပိတ်ဆို့အရေးယူခံထားရတာတွေရှိတယ်။ ဒါကြောင့် ဒီလို(ထိတွေ့ဆက်ဆံမှု)လုပ်တဲ့အခါကိုယ့်ကိုကိုယ် ဒုက္ခရောက်စေမယ့် အန္တရာယ်ရှိပါတယ်”ဟုShafiuddin က ပြောကြားခဲ့သည်။

"ဘာလို့လဲဆိုတော့အားလုံးကကျွန်တော်တို့ရဲ့သူငယ်ချင်းတွေပဲဘဲ။ ဒါကြောင့် သူငယ်ချင်း တစ်ယောက်ကိုပျော်ရွှင်အောင် လုပ်ဖို့ တစ်ယောက်ကို တစ်ယောက် ရန်မူနေလို့မ၇ပါ ဘူး။ ဒါကြောင့် အဲဒါကို ကျနော်တို့ လေ့လာ ဆန်းစစ်၇ပါ မယ်”ဟု၄င်းကဆက်ပြောသည်။

မကြာသေးမီလများအတွင်းကရာနှင့်ချီသည့်မြန်မာလုံခြုံရေးတပ်ဖွဲ့ဝင်သည် နယ်စပ်တလျှောက်ရှိတိုက်ပွဲဖြစ်ပွားနေချိန်အတွင်း ဘင်္ဂလားဒေ့ရှ် နိုင်ငံသို့ထွက်ပြေးတိမ်းရှောင်လာခဲ့သည်။

ထပ်မံဝင်ရောက်လာသူများ ဆက်လက်ရှိနေသော်လည်း ၎င်းတို့ထဲမှအချို့ကို သာ ဘင်္ဂလားဒေ့ရှ်က မြန်မာနိုင်ငံဘက်ပြန်ပို့ခဲ့သည်။

မြန်မာဘက် နယ်စပ်မှ ပစ်ခတ်မှုကြောင့်အမြောက်ဆံ ၊ လက်ပစ်ဗုံးနှင့် မြေမြှုပ်မိုင်းပေါက်ကွဲမှုများကြောင့် ဘင်္ဂလားဒေ့ရှ် နိုင်ငံသား အများအပြားသေဆုံးခဲ့ပြီး အများအပြားလည်းဒဏ်ရာရရှိခဲ့ကြောင်းသိ၇သည်။ Source/BDNews24